Misāwā 8:5 - Myēnj phōn mí Zɛɛ̄mb

⁵ Fílíp ɛ ɓúzī tɔ́ yɛ̄ ɓɛ yīl khandǎ Samalî. Nyɛ̄ thɔ́ nyɛl ɛlɛ́ɛ́ ɓót ō khanda ték tɔɔ̄p mót ɗí Kūmāndē Zɛ́mb ā kɛs ɔ̂.

Misāwā 8:5 Iomraidhean Croise

Misāwā 1:8

Sá gwát ɛ́, Áchāāchǎnj Sisímb á á sul ɓén tí mɛnôl, ɓi ɓyé khúl tí nāá, ɓyá á lɛ́ɛ́ ɓot sá ɓí ɗí tí gú tí tɔɔ̄p wám twóó khandǎ Yotósalɛm ɛ́, nɛ twóó cǐl ɓwǎs Yuɗé yɛ̂ɛsa, nɛ Samalí ī kɛ́ kum tí sī mipák mīnâ.»

Misāwā 21:8

Tí mɛlyám ɛ́, zī ɓúkā tɔ́ ɓɛ Sezalê. Pyaāŋ ɛ́, zī nī ɓɛ̌ njāā mí Fílíp lɛ́ɛ́ Pɔ́ mí Yésus. Ā ɓɛ thɔ́k tí ndɔŋ ɓót tɛ̄n nɛ ōɓá ɓā tɔ́paa tí ɛsú lɛ̄ ɛ́kaa íɗóó ɓɛ̌ Yotósalɛm ɓâk. Zī ɓúkɛ̄ dá ɓɛ yɛ̄.

Misāwā 5:42

Ɗɛ ɓā tɔ̂ ɗyaāŋ ékɛ́, mɛlú myɛ̂ɛs ɓɛ̄ tītɔ̄ twóó ánénén njāā Zɛ́mb nɛ dala mínjāā tí ɛlyákɛl ɓót nɛ ɛtyáá tūnd Tyaa Pɔ́ nāá, í Yésus ɗí Kūmāndē Zɛ́mb á kɛs ɔ̂.

Misāwā 6:5

Mot nyɛ̂ɛs ɛ ɓúzī kǎm jwok têk. Ɓɛ̄ ɓúzī tɔ́p Étyɛn ŋgúma mót lwōndlā nɛ ɛɓūklā, nɛ Áchāāchǎnj Sisîmb, nɛ Fílíp, nɛ Pookɔ̂ɔ, nɛ Nikanɔ̂ɔ, nɛ Timɔ̂ŋ, nɛ Paamenás ka zī nwɔ̌ŋ Nikolá mot Aŋtiós ā ɓɛ ɛ́ ɛ́ ní yɛ̄ɓē Óyúɗɛn kúkuū ɔ̂.

Misāwā 8:1

Sɔ́l thɔ́k ā ɓɛ ɛ́ ɛ́ kam nāá, ɓɛ̄ dô Étyɛn. Tí ɛkā nyɛl tí mwēs ték ɛ́, ɓot ɓɛ̄ ɓúzī nyɛl ɛ́lûmla ɛ́ɓuuɓu nɛ gós-óɓúkɛl ɗí ɓɛ̌ Yotósalɛm ê. Oɓúkɛl ɓyɛ̂ɛs ɓɛ̄ ɓúzī ɓóla, ɓák ɓɛ tɔ̄ ɓɛ̌ cǐl ɓwǎs Yúɗê, ɓɛ̄l ɓɛ̄ tɔ̄ ɓɛ̌ cǐl ɓwǎs Samalî. Ɓɛ̌ Yotósalɛm ī dá kā lís nje ték milwōmtwōm myɛ́ nɛ myɛ̂.

Misāwā 8:26

Éŋgeles mí Ɗá ɛ ɓúzī sulǎ Fílíp, nyɛ nɛ nɛ̄ nāá: «Gbal ê, u tɔ̄ ɓɛ pák Egíptɛn, u súl ɓɛ̄ kphaāk ɗüís ɓɛ̌ Yotósalɛm tí ɛtɔ́ ɓɛ pák khandǎ Gáza ê. Yá a ɓɛ̄ nɛ mot tí kphaāk têk.»

Misāwā 8:30

Fílíp ɛ ɓúzī tɔ́ kāmb, ɗɛ ɛ́ kɛ̄ kǔm ɓɛ̌ khɛlɛlɛ ékɛ́, ɛ́ gwōk mót Etyopí ónɔ́ɔ̌ŋ tí ɛláŋ mɛ́kanā mí Izaí mgbɛ́sel mitɔɔ̄p mí Zɛɛ̄mb. Fílíp ɛ ɓúzī jí ɛ́ nāá: «U tí ɛgū gwók sá ú ɗí tí ɛláŋ ɗyáŋ é ɛ́nwɔŋnwɔŋ ɛ?»

Misāwā 8:40

Fílíp ɛ́ dā kā ɓɛɛ nák ɛ́, ɛ mú ɓɛ̌ khandǎ Azôt. Ɛ ɓúzī nyɛ̌l kɛnd tí ɛtɔ́ ɓɛ̌ khandǎ Sezalê, ɛ tītyaá tūnd Tyâa Pɔ́ tí ikhanda ɓyɛ̂ɛsa ā thithaŋ ték ɓîk.

Misāwā 8:6

Mɛthum mɛ ɓót mā ɓɛ cyǔŋ inɔɔ̄n ɓɛ ɗīɗí mɛ́lɔ́ mimbɛ̄lā tí ɛgwók mɛ́kɛ́l mɛ̄ ā lilɛ́ɛ mâk. Nɛ dɔ nāá, ɓɛ́ ɛ gwôk ɓot tí ɛlüǐ tɔɔ̄p mɛ́simbā ā sisâ mák ɛ́, ɓɛ ɓɛ́ɛ́ mɛ́ thɔ́k nɛ mís mɔ̄ɔ̄.

Misāwā 9:20

Ɛ dá nyɛl ɛtyáá tūnd ɛ́kɛ́l ɛ mí Zɛɛ̄mb twóó minjāā mī míndakla mī óyúɗɛn, nyɛ nāá: «Yésus ɛ Mwán mí Zɛɛ̄mb.»

1 Kolɛ̂ŋt 1:23

Sá gwát, nyɔ̂ɔ ní tyāā ká tūnd nāá, Kūmāndē Zɛ́mb ā kɛs ɔ́kɛ́, ɛ́ ɛ ɓomlaa tí kolos. Oyúdɛn ɓɔ̂ɔ ɓɛ́ lɛ̄ɛ̄ nāá, nī tí ɛɓyasi ká Zɛɛ̄mb. Ɓot ō ɗí ta ɓɛ óyúdɛn ɓák ɛ́, ɓɛ́ lɛ̄ɛ̄ nāá níka igoō.

1 Kolɛ̂ŋt 2:2

Nɛ dɔ nāá, tɛ́m mā ɓɛ pāká nyēn ékɛ́, mí i nwɔŋ cyūklā nāá, mā ā kám ɛ́gú yīl sínɔŋ süís phúla Yésus Kilîs, Yésus Kilís ték ɓā ɓomɛl ɛ tí kolos ɔ̂.

1 Kolɛ̂ŋt 3:11

Nɛ dɔ nāá mɛkɔ̄k ɓɛ́ ɓēn ípaāp ī njāā ték mák ɛ́, mɛ̄ mú mitɛ̄lā, mɛkɔ̄k mɛ̄ték mɛ́ Yésus Kilîs. Thɔ́k ɛ́, nɔ̄l mót a a ɓɛ̄ nɛ khul ɛ ɓākā tɛ́l mɛ̄l mɛ́kɔ̄k mɛ̄ süîs.