Misāwā 4:2 - Myēnj phōn mí Zɛɛ̄mb

² Ɓā ɓɛ tí ɓyǒla ɛ́ɓūk, nɛ dɔ nāá, ɓā ɓɛ ɓɛ́ ɛ́ ɓɛɛ Pyɛ̂ɛ nɛ Zwáŋ tí ɛlyóó mɛ́thum mɛ ɓót, nɛ ɛlɛ́ɛ́ ɓót nāá: Ɗɛ ɗí nāá, Yésus ɛ́ ɛ́ gbal tí ɛvit ékɛ́, ɓot thɔ́k ɓá á gbal.

Misāwā 4:2 Iomraidhean Croise

Misāwā 13:45

Ɗakɛ Óyúɗɛn ɓā ɓɛɛ thūnd ɓót énɛ́ɛ̌ŋ ɗyaāŋ ékɛ́, ɓɛ̄ ɓúzī gwók mɛ́ɓūk nɛ Pɔ̂l, ɓɛ̄ sīsüēnɛ̄l sá ā lilɛ́ɛ e, nɛ ɛlilə́ə́ ɛ̂.

Misāwā 17:18

Ɓɛ̄l ócél ō sāŋ ɛ́pind mɛ́tē mɛ̄ ísínɔŋ ɓák ɛ́, ɓɔ̂ɔ thɔ́ ɓɛ̄ ɓúzī zye ɓá a ɓɔɔ Pɔ̂l, ɓɛ̄ nyɛ́l ɛ́lɛ́ɛla. Yā ɓɛ igós īɓá, nɛ ɓot o ɗū Epikuu ɓák ɛ́, nɛ ɓot o ɗū Zenɔ́ŋ ɓák. Ɓák ɓɛ̄ ɓú jijí nāá: «Kpatap ɔ́kɛ́ kam ɛ́ kū lɛ́ɛ́ yɛ̄?» Ɓɛ̄l nāá: «Ɛ́ dala ɛ́lüii náǎŋ tɔɔ̄p ózɛɛ̄mb o ɓīl íkûl.» Ɓā lɛ́ɛ ɗyǎŋ tɔɔ̄p ɓā gwôk Pɔ́l tí ɛtityáá tūnd Tyâa Pɔ́ mí Yésus, nɛ tɔɔ̄p ɛ́pas ɛ mímúŋ ê.

Misāwā 19:23

Tí mɛlú mɛ̄ték ɛ́, í i ɓɛ nɛ ɓyǒla ɛ́tuūk ɓɛ̌ Efɛ̂ɛz tí tɔɔ̄p zyé mí Ɗâ.

Misāwā 24:21

Nɛ gú thɔ́k ɓɛ́ kam ɛ́nata mús tí ɛkɛ́l ɛ̄ mā lɛ́ɛ nɛ nɔ̄ɔ̄ myam títɛɛ̄l pāká nyɔ̄ɔ̄ nāá: “Ɓɛ́ dō mɛ́ wák tɔɔ̄p nāá, mi tí ɛɓûkla nāá, mimúŋ myá á pas é kɛ̄ ō,” mā ā gû.»

Misāwā 26:23

Ɓā lɛ́ɛ nāá, Kūmāndē Zɛ́mb ā thes ɔ́kɛ́, á á ɓɛɛ mítūŋ, ɛ jüê. Zɛɛ̄mb ɛ sā nāá ɛ pás e, ɛ ɗí mót ɛsɔ́k wā pas pāká mimúŋ ɔ̂. Nyɛ wā tyáá tūnd tɔɔ̄p Tyâa Pɔ́ ɗí ɛɓyakɔɔ ékɛ́, ɓɛ kúl káyīnā nɛ ɓɛ ɓót ō ɗí ta ɓɛ Óyúɗɛn ɓâk.»

Misāwā 26:8

Í yɛ̄ ɓyɔ̂ɔ Óyúɗɛn púkū ɗi ta ɓûkla nāá Zɛɛ̄mb á á gbɛl mímúŋ ê?

Misāwā 3:15

Ɓí i dó ndə́ə́ cyuk. Sá gwát ɛ́, Zɛɛ̄mb ɛ́ ɛ́ sá nāá ɛ pâs pāká mimûŋ, zyɔ̂ɔ zí i ɓɛɛ ɛ̂.

Misāwā 5:17

Ɓot o ɓá nɛ ánénén fata mɛ́tûnka ɓā kikɛ ɓák ɛ́, yá ɓɛ Osaɗüsyɛ̂ŋ. Tɛ́m ánénén fata mɛ́tûnka ɓá nɛ ɓot ɓɛ̄ oték ɓā ɓɛɛ sá mílwōmtwōm myá sisâ ékɛ́, milyém myɔ̄ɔ̄ mi ɓúzī lwónd tí zyūŋ, ɓɔ̂ɔ thɔ nwɔ̌ŋ cyūklā nāá, ɓá á ɗú tɔɔ̄p têk.

Lomɛ̂ 8:11

Í ɓɛ̄ nāá, Sisímb nɔ̄l ā sá nāá, Yésus ɛ pâs pāká mimúŋ ɔ́, í twóó mɛnól mēn nâk, Zɛ̌mb nyɛ mot ā sâ nāá, Yésus ɛ pâs ɔ́kɛ́, á á jüe nól ɛsüee nyēn thɔ́k cyuk, ɛ tháŋ tí Sisímb yɛ̄ ték ɗí twóó mɛnól mēn ê.

1 Kolɛ̂ŋt 15:23

Sá gwát ákɛl nɛ kɛl á á pas tí yɛ̄ tɛ̂m: Kūmāndē Zɛ́mb ā kɛs ɔ́kɛ́ ɛsɔ́k nɛ mot nyɛ̂ɛs. Phúla ték ɛ́, ɓɛ̄l ōɗí ɓɛ̄ ɓák ɓɛ̄ ɓúkā pas tɛ́m ɛ́ wā ɓākā zye ê.