Misāwā 3:20 - Myēnj phōn mí Zɛɛ̄mb

²⁰ Ɗyaāŋ ték ɛ́, Ɗá á á sul ɓén milyêm, ɛ thés ɓén thɔ́k Yésus Kūmāndē ā lwaa kɛs ɓeēn ɛ tɔ̄p ɓén nyaā ɔ̂.

Misāwā 3:20 Iomraidhean Croise

Matyôos 16:27

Nɛ dɔ nāá, Mwán mí mot á á zye ɓá nɛ ɓeéŋgeles twóó kúm Sāŋg tí ɛsú lɛ̄ ɛ́jüe mót myána mɛ dálā nɛ isīsɛ̄ɛ̄ ɓyɛ̄ ê.»

Matyôos 24:3

Yésus ɛ ɓú kɛ̄ ɗi tí ɛcók lɛ̄ ílē ī phúm ɓɛ́ jōō nāá, olîv ê. Ophōn ɓɛ̄ ɓɛ̄ ɓú kɛ̄ ɓyela ɛ́, ɓá nɛ nɔ̄ɔ̄ ɓɔ̂ɔ nɛ ɓɔ̂ɔ. Ɓɛ ɓú jí ɛ́ nāá: «Lɛ̄ɛ̄ ɓēs! Isá ú lɛ̄ɛ̄ ɗyáŋ ɓík, ɓyá á sɛ́ɛ́ tí yɔ́ɔ́ tɛ̂m? Ɛjüeēs ɛ̄ wā lyákɛl ɓés ɛzye lɔ́ nɛ mɛsīl mɛ̄ sī ékɛ́, lá á ɓɛ yɛ̄?»

Máákus 13:26

Í náǎŋ ɓɛ́ wā ɓɛɛ Mwán mí mot tí ɛzye tí ijund i jwóó nɛ thūnd də́ə́ nɛ kúm ê.

Lókas 19:11

Ɓot ɓā ɓɛ tí ɛgwókɛl sá Yésus ā ɓɛ tí ɛlɛ́ɛ́ ê. Ɛ ɓúzī ɓākā nwɔŋ ɓɛ́ yīl ɓwoŋa. Í ɓyela náǎŋ ɛ́, ɛ mú ɛ́kúnɔɔ kúnɔɔ nɛ Yotósalɛm. Ɓot ɓɛ̄ ɓú dā sîmsa nāá, tɛ́m ɛ́ wā kǔm pyaāŋ ékɛ́, də́ə́ mí Zɛɛ̄mb yá á dā nyɛl náǎŋ.

Lókas 21:27

Í náǎŋ ɓɛ́ wā ɓɛɛ Mwán mí mot tí ɛzye tí ijuūnd ī jwóó nɛ thūnd də́ə́ nɛ kúm ê.

Misāwā 17:31

Nɛ dɔ nāá, ā ɓɛ ɛ́ ɛ́ tɛ́l ŋgúmǎ mwēs tí ɛsú lɛ̄ ɛzī cyúkɛ̌l tɔɔ̄p ɛ́dalá pāká nyɛ nɛ ɓot. Dɔ́s ték yá á thǎŋ zinjá mot ŋgwát ā ɓɛ ɛ́ ɛ́ tɛ́l ɛ́ tí ɛsú ɛ̄ ték ɔ̂. Ɛ ɓúzī lyákɛl ɓót ɓyɛ̂ɛsa nāá, í mot ték ɗí nɔ̄l ā tɛ̂l ɔ́kɛ́, tí ɛgbɛl ɛ́ pāká mimûŋ.»

Misāwā 3:19

Ɛ́chāak ɛ́, cēnjká phɛ̄ icyuk ɓyēn ɓī zyē ɓɛ ɗá mí Zɛɛ̄mb, ī zyē á á ɗüis ɓén misɛ̄m myēn.

Misāwā 3:21

Ɛ́chāak ɛ́, Yésus kilís ɛ́ dalǎ nɛ ɛɗǐ ɓɛ̌ jwôo, kum tí tɛ́m ísínɔŋ ɓyɛ̂ɛs wā ɓɛ̌ kwomblā é, ɗakɛ Zɛ́mb ā lwaa lɛ́ɛ ī gbɔ̄m tí minup mi ɓááchāāchānj ɓɛ̄ ógbɛ́sel o mítɔɔ̄p ā thes ɓâk.

2 Tesalonisyɛ̂ŋ 2:2

Yāā jé nāá, ɓī kpás ɛfúl mɛ́sɔ́l, gú thɔ́k ɓī gwōk ɓwɔ̄ŋ tí sá ɓɛ̄l ɓót wā zī lɛ́ɛ́ ɓén nāá, mwēs ɛ́zye ɛ mbá ɛ̄ mí Ɗá, ú ú kúl ê. Ísu ī ɓɛ̄ ogbɛ́sel o mítɔɔ̄p mí Zɛ̌mb lɛ̄ɛ̄, ísu ɓī gwōk tí minup mi ólɛ́ɛ́ pɔ́ ɓɛ̄, gú thɔ́k ɓɛ̄ lɛ̄ɛ̄ ɓén nāá, í zyɔ̂ɔ o tiīl, ɓyá a ɓûkla.

2 Tesalonisyɛ̂ŋ 2:8

Náǎŋ ɛ́, ɓyǒla Mót ɛ ɓúkā zī nyên. Ɗá Yésus á á ɗüis ɛ́ khul nɛ ɛɓyakɔɔ lɛ̄ ɛ́zye lɛ̄, ɛ dō ɛ́ nɛ ŋgúl wā gbɔ́m tí nup wɛ̄ ê.

Eɓelê 9:28

Jwok gwát ɛ́, Kūmāndē Zɛ́mb ā kɛs ɔ́kɛ́ ā jüéna cyuk yɛ̄ tí mɛtûnka nje kɛnd gwát tí ɛsú lɛ̄ ɛ́ɗüis mísɛ̄m mī thūnd ɓôt. Á á ɓākā zyě kɛnd mbá, ta kā ɓɛ tel tí ɛzī ɗüis mísɛ̄m ɛ́, sá gwát, tí ɛzī cis ɓót ō ɓwōnd ɛ́ ɓâk.

Apokalîs 1:7

Jüākkâ, ɛ tí ɛzye kúkūū ijuūnd! Ɓot ɓyɛ̂ɛs ɓá á ɓɛɛ ɛ̄, ísu ɓot o ɓā tūū ɛ tí iphanj ɓâk. Ikūl ɓɛ̄ íɓwaās ɓyɛ̂ɛs ɓyá á je ɛ́ɓuuɓu tí ɛsú lɛ̂. Ɛ̂ɛŋ, yá á sɛ̄ɛ̄ ɗyáŋ! Aamɛn.