Misāwā 21:1 - Myēnj phōn mí Zɛɛ̄mb

¹ Ɗɛ zá nɛ ɓɔɔ Pɔ́l zā ɓɛ́sa nɛ otōmbá ō gós-óɓúkɛl ō khandǎ Efɛ̂ɛz ékɛ́, zī ɓúzī kalɔɔ́ kukɛ zī tɔ̄ ɓɛ̌ Kós ta tyáá tí zyeē. Tí mwēs wā kā ɗum ɔ́kɛ́, zī ɓúkā tyáá tín zī kɛ́ kǔm ɓɛ̌ Loɗɛ̂s. Zī ká té náǎŋ ɛ́, zī kɛ́ kǔm ɓɛ̌ khandǎ Patalâ.

Misāwā 21:1 Iomraidhean Croise

Lókas 5:4

Ɗakɛ ā kât ɛlüii ékɛ́, Ɛ ɓúzī lɛ́ɛ́ nɛ Símɔn nāá: «Khɛ́ɛ tɔ́ nɛ ɓyɛ́l ɓɛ pák somb. Ɓɛ̌ pyaāt ɗí tí ɗím ê. Phúla ték ɛ́, ɓī gús íphūndā ɓyēn, ɓyá á dó ósû.»

Lókas 8:22

Mwēs ŋgwát ɛ́, Yésus ɛ ɓúzī kalɔɔ tí ɓyɛ́l ɓá nɛ ophōn ɓɛ̄, nyɛ nɛ nɔ̄ɔ̄ nāá: «Nī sɔ̂ɔ kana ɓɛ wūl pák jembe.» Ɓɛ̄ ɓúzī tɔ̂.

Misāwā 27:2

Zī ɓúzī kalɔ̌ kukɛ ɗüís ɓɛ̌ khandǎ Aɗamít, yā ɓɛ nāá, yá á thaŋ tí ikhanda i ɗí tí mwɔ̄ŋ máŋ ɓɛ pák ɓwǎs Azí ɓîk. Zī ɓúzī khɛ̂ɛ zī tɔ̂. Yā ɓɛ zá nɛ ɓɔɔ Alistâak mot khandǎ Tesaloník ɗí ɓɛ pák ɓwǎs Maseɗwán ɔ̂.

Misāwā 27:4

Phúla ték ɛ́, zī ɓúzī ɓākā nyɛ̌l kɛnd. Ɗakɛ khúŋ ā ɓɛ tí ɛpupɛl, ɛ ɗüís ɓɛ pák zā ɓɛ tí ɛtɔ́ ékɛ́, zī ɓúkā ɓaa pāk Sîpɛ.

1 Tesalonisyɛ̂ŋ 2:17

Ɓwán ɓɛ̄ ónaāŋg ɓēs, ɓɛ wēs pák ɛ́, ɓɛ ɓɛ̄ ɓɛ́ ɛ́ ɓɛ́s ɓés nɛ nēn tí ɓīɓyɔ̌k tɛ̂m. Ná a ka ɓɛ ka ndɔŋ, sá gwát twóó milyém ɛ́, nā ɓɛ ka ndɔŋ. Zí kǔ nɛ jeā nāá, zī ɓáka ɓɛɛ ɓén, í yɛ́ ɗí nɛ nāá, zí sá mɛ́zyeēl myɛ̂ɛs tí nāá, sá ték ī ɓánda sɛ́ɛ́ ê.