Misāwā 20:6 - Myēnj phōn mí Zɛɛ̄mb

⁶ Phúla ɓwók ímwâpha ɗí ta gbɔpa ɓík ɛ́, zyɔ̂ɔ zī ɓúkā kalɔɔ́ kukɛ ɓɛ ɛ́ɓóŋ ɛ̄ ɗyūū ɗí ɓɛ̌ Fílíp ê. Zā sâ mɛlú mɛ̄tɛ́n tí kɛnd ɗyuú nɛ ɗyūū, zī kɛ́ ɓyela ɓɛ́ ɓɛ̌ Toâs. Zí i sá náǎŋ sɔ́ndɔ thindî.

Misāwā 20:6 Iomraidhean Croise

Misāwā 12:3

Ɗɛ ndə́ə́ ɔ́nɔ́ɔ̌ŋ ā ɓɛɛ nāá, ɛsüee ɛ mí Zwák lí i jüe Óyúɗɛn mimyaŋla ékɛ́, ī ɓúzī ɓākā jüe ɛ́ khul nāá, ɛ mɛ̂t thɔ́k Pyɛ̂ɛ. Yá ɓɛ tɛ́m ɓwók mwâpha ta ɓɛ nɛ levü̂ü.

Misāwā 16:10

Phúla Pɔ́l ā ɓɛ ɛ́ ɛ́ ɓɛɛ sá ték ɗyaāŋ ékɛ́, zī ɓú dā kpās ɛ́sáŋ thɔ́k ɛtɔ́ ɓɛ̌ Maseɗwán. Nɛ dɔ nāá, zā ɓɛ zí í ɓɛɛ nāá, Zɛɛ̄mb ɛ́ kpɛl nāá, zī kɛ́ ɛtyáá tūnd Tyâa Pɔ́ tí ɛsú ɛ̄ ɓót ō pyaāŋ.

Misāwā 16:12

Zī ɓúkā tyáá náǎŋ ɛ́, zī kɛ́ kǔm ɓɛ̌ Fílíp, khanda ɗí ánénén tí pák ɓwǎs Maseɗwán də̄ə̄ nɛ ilomɛ́ ê. Zí i sâ thūnd mɛ́lú náǎŋ.

Misāwā 16:8

Ɓɛ̄ ɓú da thǎŋ Misí thaŋ ê, ɓɛ̄ tɔ̄ ɓɛ̌ Toâs.

Misāwā 20:16

Thūnd íkɛnd ɓīnɛ́ɛ̌ŋ tɔɔ̄p nāá, Pɔ́l ā kam nāá, ɛ ɓákā tyáá ɓɛ̌ khanda Efɛ̂ɛz, tí ɛkámb ɛ́ ɓákā ɗímbɛl tɛ́m ɓɛ pák ɓwǎs Azî. Ā jé nāá, ɛ tɔ́ ɛ kpās ɛ́kǔm ɓɛ̌ Yotósalɛm tí nāá, í wá ɓánda nâk, ɛ kɛ́ ɗɛ ɓwók paŋtekót pyaāŋ.

Misāwā 20:5

Í ɓɔ̂ɔ ɓā nyee tɔ́ ɛsɔ́k ɓɛ̌ khandǎ Toás, ɓɛ̄ kɛ́ ɓwónd ɓés zá nɛ ɓɔɔ Pɔ̂l.

Misāwā 21:4

Zī ɓúkɛ̄ ɓyela óɓúkɛl, zá nɛ nɔ̄ɔ̄ zī sā náǎŋ sɔ́ndɔ thindî. Áchāāchǎnj Sisímb ɛ ɓúzī tínd óɓúkɛl nāá, ɓɛ̄ lɛ́ɛ nɛ Pɔ́l nāá, a a tɔ́ ɓɛ̌ Yotósalɛm.

Misāwā 21:8

Tí mɛlyám ɛ́, zī ɓúkā tɔ́ ɓɛ Sezalê. Pyaāŋ ɛ́, zī nī ɓɛ̌ njāā mí Fílíp lɛ́ɛ́ Pɔ́ mí Yésus. Ā ɓɛ thɔ́k tí ndɔŋ ɓót tɛ̄n nɛ ōɓá ɓā tɔ́paa tí ɛsú lɛ̄ ɛ́kaa íɗóó ɓɛ̌ Yotósalɛm ɓâk. Zī ɓúkɛ̄ dá ɓɛ yɛ̄.

Misāwā 28:14

Tí khanda ték ɛ́, zí i ɓyela oɓúkɛl. Ɓɔ̂ɔ thɔ́ ɓyee ɓés náǎŋ, zī tháŋɛl ŋgúma sɔ́ndɔ zá nɛ nɔ̄ɔ̄. Tí nāá zá á kǔm ɓɛ̌ Lóm ɛ́, yā sɛ́ɛ ɗêk:

Filipyɛ̂ŋ 1:1

Í myam Pɔ́l nɛ Timotê, osɛ́l ō mí Yésus Kilîs. Zí til ɓót ō mí Zɛɛ̄mb o ɗí tí ɛsú ɛ̄ mí Yésus Kilís, ɓɛ̄l ō ɗí ɓɛ̌ khandǎ Fílíp ɓák ti nɛ otyáá ɓɛ̄ ɛ́sɔ́k nɛ iɗiákɔn ɓyɔ̄ɔ̄.

1 Tesalonisyɛ̂ŋ 2:2

Ɓí thɔ́k tí gú nāá, yá a ɓá ɓwɛɛ́ ɗɛ ɓót ō khandǎ Fílíp ɓā gbâ ɓeēs tí mitūŋ, ɓɛ̄ lə̄ə̄ ɓés ê. Sá gwát Zɛɛ̄mb ɛ́ ɛ jüe ɓěs khul nāá, zī ɓánda lɛ́ɛ́ ɓén Tyaa Pɔ́ nyɛ̄ ísu ɗɛ ɓót ɓɛ̄ tí ɛlûmla nɛ Pɔ́ ték ê.

2 Timotê 4:13

Tɛ́m ú wā zye ékɛ́, u zyē mɛ́ nɛ kānd ɛ́jwóó mā lyûk ɓɛ̌ Toás ɓɛ ɗá mí Kaapǘs ê. U zyē thɔ́k nɛ okhuu o mɛ́kanā, áɗǎɗaŋ mɛ̄l mɛ̄ ɗí mimbɔmb mîk.