Misāwā 2:30 - Myēnj phōn mí Zɛɛ̄mb

³⁰ Sá gwát Ɗávit ā ɓɛ mgbɛ́sel mitɔɔ̄p mí Zɛɛ̄mb. Thɔ́k ɛ́, ā ɓɛ tí gú nāá, Zɛɛ̄mb ɛ́ ɛ kɛs ɛ́, ɛ kána nāá, mwán wɛ̄ ŋgwát á á zī jila ɛ́ tí ɗia ókūmāndē yɛ̄.

Misāwā 2:30 Iomraidhean Croise

Matyôos 22:43

Yésus ɛ ɓúzī ɓākā jí nāá: «Í yɛ̄ yā sá nāá, Ɗávit tí khul Áchāāchǎnj Sisímb ɛ ɓándā jóó ɛ́ nāá, “Ɗá ê?” Nɛ dɔ nāá, ā lɛ́ɛ nāá:

Matyôos 27:35

Phúla ték ɛ́, ɓɛ̄ ɓúzī ɓomɛl ɛ́ tí kolos, ɓɛ̄ sā thɔ́k ánupmísul tí nāá, ɓá á kaala míkānd myɛ̄.

Máákus 12:36

Nɛ dɔ nāá, Ɗávit nyɛ mot ték tɛ́m ā ɓɛ lwōndlā nɛ Áchāāchǎnj Sisímb e, ā lɛ́ɛ́ nāá: “Ɗá Zɛɛ̄mb ā lɛ́ɛ́ nɛ Ɗá waām nāá: Thā ɗi mɛ́ ɓɛ mbɔ́ ɛ́dóm wâm Í kɛ̄ kum tɛ́m mí wā sila mízīzyūŋ Myɔ̂, u kálɔ̄ɔ̄ ɓɛ́ tí miló ê.”

Lókas 24:44

Phúla ték ɛ́, ɛ ɓúzī lɛ́ɛ́ nɛ nɔ̄ɔ̄ nāá: «Tɛ́m nā ɓɛ ka ndɔŋ ékɛ́, mā ɓɛ mí i lɛ́ɛ ɓeēn nāá: “Isá ī ɗí mitilā tí mɛtyuūŋ mí Moís, nɛ mɛkanā mɛ̄ Ógbɛ́sel o mítɔɔ̄p o mí Zɛɛ̄mb, nɛ Mɛkanā mɛ̄ Mɛ́jémb ɗúm nɛ naām ékɛ́, ɓí dalǎ nɛ ɛsɛ́ɛ.”»

Misāwā 1:16

«Ɓwán ɓɛ̄ ónaāŋg ɓâm, yá á je nāá, sá Áchāāchǎnj Sisímb ā lɛ́ɛ twóó Mɛkanā mɛ̄ Zɛ́mb ékɛ́, ī lwónd ê. Áchāāchǎnj Sisímb ték ɛ́ ɛ lüii tɔɔ̄p mí Yúɗas tí nup mí Ɗávit. Í Yúɗas ték ā ɓɛ ɗɛ mɛphūk nɛ mɛkha tí ɛsú ɛ ɓɛ̄l ō ɓā mɛ̂t Yésus ɓâk.

Lomɛ̂ 1:3

Tyaa Pɔ́ ték nyí lüǐ tɔɔ̄p Mwán wɛ̄, Yésus kilís ā ɓyɛ̂l ɗɛ mót nyɛ̂ɛs, twóó njāā ɓót mí Ɗávit ɔ̂.

Lomɛ̂ 15:12

Izaí mgbɛ́sel mitɔɔ̄p mí Zɛɛ̄mb ɛ́ lɛ̄ɛ̄ yɛ̄ thɔ́k nāá: «Mot á á gbɔ́m tí chīlā mí Yesê, Ɛ zí ɗi ndə́ə́ ɓɛl ō ɗí ta ɓɛ Óyúɗɛn ɓâk, Thɔ́k ɛ́, ɓot o ɗí ta ɓɛ Óyúɗɛn ɓák ɛ́, Ɓá á jendɛl ɛ̂.»

2 Timotê 2:8

Sīmsā Yésus Kilîs, nyɛ mot ā ɗüis tí chīlā mí Ɗávit ɔ̂. Nyɛ mot Zɛ́mb ā gbɛl ɛ pāká mimúŋ ɗakɛ tyâa Pɔ́ mí tyǎ tūnd nyík, lɛ́ɛ́ ê.

Eɓelê 1:1

Tɛ́m ɛsɔ́k ɛ́, Zɛɛ̄mb ā thaŋ tí minup mī ógbɛ́sel o mítɔɔ̄p ɓɛ̄ tí ɛlüii nɛ osǎŋg-phāmb káɓīnā ikɛnd ikɛnd, tí mitɛ̄lā mimbi mimbi,

Eɓelê 3:7

Í yɛ́ ɗǐ nāá, ɗakɛ Áchāāchǎnj Sisímb ɗí tí ɛlɛ́ɛ́ nāá: «Mûs, ɓí wā gwók jwōnd mí Zɛɛ̄mb nâk,

Eɓelê 4:7

Í yɛ́ ɗí nāá, Zɛɛ̄mb ɛ́ ɓākā tɛ́l mwēs ɓɛ̄ jōō wɛ́ nāá, «Mús ê». A lüii tɔ̌p mwēs ték ɛ́, tí tɛ́m oɗá ɓā sâ mɛɓǔn nɛ nɛ̄, ɛ tháŋ tí nup mí Ɗávit tí pyaāt Mɛ́kanā mɛ̄ ɗí ná a lwɔ̂ɔ gwók tí ɛlɛ́ɛ́ nāá: «Mûs, ɓí wā gwók jwōnd mí Zɛɛ̄mb nâk, Ɓyá a lelɛl mílyém myēn.»

Eɓelê 6:17

Tí ɛgú ɓɛɛ ɛ́, Zɛɛ̄mb ā kam ɛlyákɛl ɓót ɓā ɓɛ nāá, ɓá á ɓye mɛ́nwɔŋ mɛ̄ íkɛs ɓák ɛ́kpɛŋglɛm nāá, cyūklā wɛ̄ ték wá ǎ cênj. Í yɛ́ ā kana phúla ā ɓɛ ɛ́ ɛ́ sá íkɛs ê.

Eɓelê 7:21

Sá gwát tí ɛsú ɛ̄ mí Yésus ɛ́, Zɛɛ̄mb ā tɛ́l ɛ fata, ɛ kána tí tɛ́m ā lɛ́ɛ nɛ nɛ̄ nāá: «Ɗá ɛ́ ɛ́ kana, A á ɓākā cénj lɛ̄ɛ̄ā wɛ̄. “Wɔ ū fata kɔ̌m tí nɛ kɔ̄m”.»

2 Pyɛ̂ɛ 1:21

Nɛ dɔ nāá, mɛkɛ́l mɛ̄ ógbɛ́sel o mítɔɔ̄p o mí Zɛɛ̄mb ɓā gbɛ̂s mák ɛ́, má a ɓɛ tí kpɛlā wɔ̄ɔ̄ ɓɔ̂ɔ ɓot otêk. Sá gwát ɛ́, í Áchāāchǎnj Sisímb ā kikɛ nɛ ɓot tí nāá, ɓɛ̄ lüíi tɔɔ̄p mí Zɛɛ̄mb.

Apokalîs 17:14

Ɓá á lûmla nɛ Mwâthɛmbɛ. Sá gwát ɛ́, á á ga ɓɛ̂, nɛ dɔ nāá, nyɛ ɗí Ɗá oɗâ, Kūmāndě míkūmāndē. Mwâthɛmbɛ ték, ɓā nɛ ɓot ɓɛ̄ ā jôo, ɛ tɔɔ̄p ɓɛ́ ɓák ɛ́, ɓá á ga.»

Apokalîs 19:16

Í i ɓɛ nɛ ɗín tilā tí kānd wɛ́ nɛ tí ces yɛ̄ nāá: «Kūmāndē míkūmāndē, Ɗá oɗâ.»