Misāwā 17:14 - Myēnj phōn mí Zɛɛ̄mb

¹⁴ Ɗɛ óɓúkɛl ɓā ɓɛɛ ɗyaāŋ ékɛ́, ɓɛ̄ ɓúzī sá nāá Pɔ́l ɛ kpás ɛtɔ́ ɓɛ pák mâŋ. Sílas ɓá nɛ Timoté ɓɔ̂ɔ ɓɛ līs náǎŋ ɓɛ̌ Ɓelê.

Misāwā 17:14 Iomraidhean Croise

Matyôos 10:23

Tɛ́m ɓɛ́ wā lûmla nɛ nēn tí ŋgúma khanda ékɛ́, kāmbká ɓī tɔ̄ ɓɛ yīl khanda. Mɛ́ kū lɛ́ɛ́ ɓén tí oceece nāá, Mwán mí mot á á ɓākā zye, ɓyɔ̂ɔ ta ɓā ɓoma íkhanda ɓɛ̄ Ízaɛ́l ɓyɛ̂ɛsa.

Misāwā 1:15

Tí mwēs ték ɛ́, ɓot o mí Yésus ɓā ɓɛ ɓɛ́ ɛ́ gwêsla ɓɛ̄ kúm ɓót thyet nɛ mɛkām mɛ̄mbá ɗyaāŋ. Pyɛ̂ɛ ɛ ɓúzī gbal pāká nyɔ̄ɔ̄ nyɛ nāá:

Misāwā 15:22

Ɗyaāŋ ték ɛ́, milwōmtwōm ɓá nɛ otōmbá ō gós-óɓúkɛl zī ká nwɔŋ ɓót o gós mí Yésus ɓyɛ̂ɛs ɓɛ̄ ɓúzī nwɔ̌ŋ cyūklā ɛ́tɔ́p ɛ́ɓīm ɛ́ ɓót tí ndɔŋ wɔ̄ɔ̄ tí ɛsú lɛ̄ ɛkɛnd ɓɛ́ ɓá nɛ ɓɔɔ Pɔ́l nɛ Ɓaanáɓas ɓɛ̌ Aŋtíôs. Í ɗyaāŋ ték ɓā tɔ̂p Yûuɗ ɓɛ̄ jōō ɛ́ thɔ́k nāá, Ɓaasáɓas ɔ̂, nɛ Sílas. Ɓot ōɓá ɓīnɛ́ɛ̌ŋ ɛ́, oɓúkɛl ɓā ɓɛ tí ɓū ɗúɛl ɓɛ̂.

Misāwā 16:1

Pɔ́l ɛ ɓúkā tɔ́ ɓɛ̌ khandǎ Ɗɛ́ɛɓ, phúla ték ɛ́, ɓɛ̌ Lístɛlɛ. Pyaāŋ ɛ́, í i ɓɛ nɛ nɔ̄l mbúkɛl mí Yésus ɗín lɛ̄ nāá, Timotê. Naāŋg ā ɓɛ Yúɗɛn, mbúkɛl mí Yésus, sāŋg wɛ̄ nyɛ ā ɓɛ Gɛlɛ̂k.

Misāwā 17:10

Ɗɛ̌ pum wā jüîndla ékɛ́, oɓúkɛl ɓɛ̄ ɓúzī sá nāá, Pɔ́l ɓá nɛ Sílas ɓɛ̄ tɔ̂ ɓɛ̌ khandǎ Ɓelê. Ɗɛ ɓɛ́ kɛ̄ kǔm pyaāŋ ékɛ́, ɓɛ̄ ɓúzī tɔ́ ɓɛ̌ njāā míndakla Óyúɗɛn.

Misāwā 17:15

Ɓot o ɓā tɔ́ nɛ Pɔ́l ɓák ɛ́, ɓɛ́ ɛ kɛ kum nɛ nɛ̄ ɓɛ̌ khandǎ Atɛ̂n. Pɔ́l ɛ ɓúzī ɓúlɛl ɓɛ́ nɛ twōm nāá, ɓɛ̄ kɛ́ɛ lɛ́ɛ́ Sílas nɛ Timoté nāá, ɓɛ̄ kpás ɛkɛ̄ ɓyela ɛ́ pyaāŋ.

Misāwā 17:4

Mɛkɛ́l mɛ̄ték mɛ̄ ɓúzī sála ɛ́ɓim lɛ́ Óyúɗɛn ɓā ɓɛ náǎŋ ɓák tí milyêm. Oyúɗɛn oték ɓɛ̄ ɓúzī ní tí ndɔŋ mí Pɔ́l ɓá nɛ Sílas, zī kā nwɔ̌ŋ thūnd Ígɛlɛ́k ɗūɛ̄l Zɛ́mb ɓík, nɛ thūnd ɓáánénén ō ɓúá.

Misāwā 17:6

Ɗɛ ɓā ɓɛ ta ɓyela ɓɛ́ ékɛ́, ɓɛ̄ ɓúzī mɛ́t Yasɔ́n ɓá nɛ ɓɛ̄l ɓót ō mí Yésus, ɓɛ̄ tɔ́ nɛ nɔ̄ɔ̄ ɓɛ ɓót ō dɔ̄s mítɔɔ̄p tí khanda ték ɓâk. Ɓɛ̄ ɓú cicím ɗêk: «Ɓot ɓák ɓɛ̄ tí ɛgbá ɛ́tuūk tí sī nyɛ̂ɛs, ɛ́chāak ɓɛ́ ɛ́ kum nɛ yɛ́ wâk.

Misāwā 18:5

Tɛ́m Sílas nɛ Timoté ɓā tyâa ɓɛ pák ɓwǎs Maseɗwán tí ɛzī ɓyela Pɔ́l ɓɛ̌ Kolɛ̂ŋt ékɛ́, í tí tɛ́m ték Pɔ́l ā nyɛl ɛlɛ́ɛ́ Oyúɗɛn ɛkɛ́l ɛ̄ mí Zɛɛ̄mb tɛ́m yɛ̂ɛs é nāá, í Yésus ɗí Kūmāndē Zɛ́mb ā kɛs ɔ̂.

Misāwā 19:22

Ɛ ɓúzī kɛ̌nd Timoté nɛ Élast ɓɛ̌ Maseɗwân, ɓɔ̂ɔ ɓot o ɓā kikɛm ɛ tí isɛ̄ɛ̄ ɓâk. Nyɛ mot ték ɛ ɓákā dá ílílū ɓɛ̌ ɓwǎs Azî.

Misāwā 20:3

ɛ kɛ́ sá pyǎŋ oŋgɔn olɛ̂l. Tɛ́m ā ɓɛ ɛ mú tí ɛnwɔ̌ŋ kukɛ nāá, á á tɔ́ ɓɛ pák ɓwǎs Silí ékɛ́, ɛ ɓú dā gwók nāá, Oyúɗɛn ɓɛ́ ɛ́ ɗǐ ɓomb nɛ ɗín lɛ̄ nāá, ɓá á sá ɛ́ ɛɓyôo. Ɛ ɓúzī ɓɛɛ nāá, í jé nāá, ɛ süîs ɓɛ̌ Maseɗwân.

Misāwā 9:25

Tí wūl pum ɛ́, ophōn ō mí Sɔ́l ɓɛ̄ ɓúzī gbá ɛ́ twóó njés phyɛ̂ɛ, ɓɛ̄ tháŋgɛ̄l ɛ́ kwóó pɛ́nj lúŋ khanda ô. Ɓɛ̄ súl ɛ́ ɓɛ nyīl phûs.

Misāwā 9:30

Ɗɛ oɓúkɛl ɓā gwôk ɗyaāŋ ékɛ́, ɓɔ̂ɔ thɔ́ nwɔŋ Sɔ́l, ɓɛ tɔ̄ nɛ nɛ̄ ɓɛ̌ khandǎ Sezalê. Kɛ́ kǔm pyaāŋ nák ɛ́, ɓɛ̄ ɓúkā kɛnd ɛ́ ɓɛ Tâas.

1 Tímotê 1:3

Ɗǐ ɓɛ̌ khandǎ Efɛ́ɛz ɗakɛ mā lɛ́ɛ ɔ tɛ́m mā ɓɛ tí ɛtɔ́ ɓɛ̌ cǐl ɓwǎs Maseɗwán ê. Í nɛ ɓot pyǎŋ tí ɛlyákɛl íɓyǒla imílyāklā, lɛ̄ɛ̄ ɓɛ́ nāá, ɓɛ̄ kát ê.

Mɛkanā mɛ̄ Pɔ́l ā til Tít mâk 1:5

Mā lyúk ɔ ɓɛ̌ pāk Kɛlɛ́t tí nāá, wá á swánjɛl ɛ́tɛ́l ísínɔŋ ɓyɛ̂ɛs tí iɗiī ɓyɔ̄ɔ̄, u tɛ̄l ótōmbá ō Gós-óɓúkɛl tí ikhanda ɓyɛ̂ɛsa ɗí nɛ oɓúkɛl, ɗakɛ mā lɛ́ɛ́ ɔ ê,