Misāwā 16:18 - Myēnj phōn mí Zɛɛ̄mb

¹⁸ Ɛ ɓú sisá sá ték mɛ́lú myɛ̂ɛs. Tí wūl mwēs e, ī ɓúzī kpay Pɔ́l tí lyêm. Ɛ ɓúzī lyuŋg, ɛ khākɔ̄ɔ̄ nɛ sisímb nɔŋol énɛ́ɛ̌ŋ nāá: «Mí lɛ́ɛ́ ɔ́ tí ɗín ɛ̄ mí Yésus Kilís nāá, gbɔ̄m tí nôl mumá ɔ̂!» Títɛɛ̄l ŋgwát, sisímb ték ī dá gbɔ́mgbɔ̄m ê.

Misāwā 16:18 Iomraidhean Croise

Matyôos 14:24

Í ɓyela náǎŋ ɛ́, ɓyɛ́l ɛ mú ɛ́cetaceta nɛ ɛɓôŋ. Ɗakɛ khúŋ ā ɗiɗüis sɔ̂kphɔ̌mb nyɔ̄ɔ̄ ékɛ́, ɓyɛ́l ta kā kɛ̌ tel ɛ́nwɔŋnwɔŋ, tɔɔ̄p nāá, oɓwɔ̄k ɓā ɓɛ tí ɛtunɛ̌l kɛnd yɛ̄.

Máákus 1:34

Yésus ɛ ɓúzī jwǒm thūnd ɓót ɓā ɓɛ nɛ mɛkpay mimbi mimbi ɓâk. Ɛ sɔ́ thūnd iɓyǒla ɓɛ̄ ísisímb tí mɛnól mɛ̄ ɓôt. Nyɛ ta ɓyét ɓyɛ́ nāá, ɓī lüíí e. Nɛ dɔ nāá, ɓā ā jǒk mbi mót wɛ̄.

Máákus 16:17

Ɓɛɛká mɛsīmbā mɛ̄ wā kɛ̄ nɛ ɓɛ̄l ō wā ɓûkla mɛ́ ɓâk. Tí ɗín lám ɛ́, ɓá á sɔ íɓyǒla ɓɛ̄ ísisîmb, ɓɛ lüíí ílüiī i mímyēnj.

Lókas 9:1

Yésus ɛ ɓúzī gwésɛl óphōn kām nɛ ōɓá ɓɛ̄. Ɛ jüē ɓɛ́ də́ə́ ɛ́sɔ íɓyǒla ɓɛ̄ ísisímb ɓyɛ̂ɛs nɛ ɛjwom mɛ́kpay.

Misāwā 3:6

Pyɛ̂ɛ ɛ ɓúkā lɛ́ɛ́ nɛ nɛ̄ nāá: «Ma a ɓɛ̄ nɛ mɔnī gú gól tí nāá, má á jüe ɔ̂. Sá gwát, sá mɛ́ ɗí nɛ yɛ́ ékɛ́, má á jüe ɔ̂: Tí ɗín ɛ̄ mí Yésus Kilís mot Nazalɛ́, gbal é u kɛ̂!»

Misāwā 9:34

Pyɛ̂ɛ nɛ nɛ̄ nāá: «Enê! Yésus Kilís ɛ́ ɛ́ cis ɔ̂! Gbal ê, u gwōl ɓúm yɔ́, u kpâŋ!» Nyɛ thɔ́k ɛ́kôsló.

Kolosyɛ̂ŋ 2:15

Í ɗyaāŋ ték Zɛ́mb ā ɗüis isisímb ɓyɛ̂ɛs i ɗí nɛ də́ə́ nɛ ɓīl ī ɗí nɛ mɛkhul ɓík, də́ə́ ê. Ɛ gá ɓyɛ́, ɛ ɗul ɓyɛ̄ ɛ́kpɛ́tɛkpɛ́tɛ tí mís mɛ̄ ɓót tí ɛlyákɛl nāá, ɛ́ ɛ́ ga ɓyɛ̂ tí kolos mwán wɛ̄.