Misāwā 16:13 - Myēnj phōn mí Zɛɛ̄mb

¹³ Tí mwēs saɓá, zī ɓúzī gbɔ́m twóó khanda, zī tɔ̄ ɓɛ̌ mwɔ̄ŋ yīl ɗyūū. Zā ɓɛ tí ɛsîmsa nāá, zá á ɓyelǎ pyaāt Óyúɗɛn sā míndakla ê. Kɛ kum pyaāŋ nák ɛ́, zí ɓyelǎ thūnd ɓúá ɓɛ́ ɛ́ gwêsla. Zī ɓúzī ɗi sī zī lüii nɛ nɔ̄ɔ̄.

Misāwā 16:13 Iomraidhean Croise

Matyôos 13:2

Mɛthum mɛ ɓót mɛ̄ ɓúzī gwêslǎ ndumɛ nɛ nɛ̄. Ɛ ɓúzī kā kalɔɔ tí ɓyɛ̂l, ɛ ɗí ndíndiīl, mɛthum mɛ ɓót mɔ̂ɔ mɛ̄ lǐs ɓɛ̄ cīnd.

Máákus 16:15

Yésus ɛ ɓúkā lɛ́ɛ́ nɛ nɔ̄ɔ̄ nāá: «Tɔ̄kāná tí sī nyɛ̂ɛsa. Ɓī tyāā tūnd Tyâa Pɔ́ zinjá mot nyɛ̂ɛsa.

Lókas 13:10

Wūl mwēs Saɓá, Yésus ā ɓɛ tí ɛlyákɛl ɓót ɛkɛ́l ɛ̄ mí Zɛɛ̄mb twóó wūl njāā míndakla.

Zwâŋ 8:2

Tí mbūt mɛ́lyám ɛ́, ɛ ɓúzī süís ɓɛ ánénén njāā Zɛ́mb. Ɓot ɓyɛ̂ɛs ɓɛ ɓúzī zyě ɓɛ yɛ̄. Ɛ́ ɓúzī ɗi sī ɛ nyɛ́l ɛ́jüe ɓɛ́ sukúl ɛ́kɛ́l ɛ́ mí Zɛɛ̄mb.

Misāwā 13:14

Pɔ́l ɓá nɛ Ɓaanáɓas ɓɔ̂ɔ ɓɛ̄ tɔ̄ yɔ̄ɔ̄, ɓɛ̄ kɛ́ kǔm ɓɛ̌ Aŋtiós gūm nɛ Pisiɗí ê. Tí mwēs saɓá, ɓɛ̄ ɓúzī ní twóó njāā míndakla Óyúɗɛn, ɓɛ̄ ɗí sī.

Misāwā 13:42

Tɛ́m Pɔ́l ɓá nɛ Ɓaanáɓas ɓā gbâs ɓɛ̌ njāā míndakla ékɛ́, ɓot ɓɛ̄ ɓúzī dakla nɛ nɔ̄ɔ̄ nāá, ɓɛ̄ ɓáka zye tí yīl saɓá tí nāá, ɓá á ɓākā lüii tí ló ɛ́kɛ́l ɛ̄têk.

Misāwā 16:16

Tí wūl mwēs zā ɓɛ tí ɛtɔ́ ɓɛ̌ pyaāt míndakla ékɛ́, yīl phala múmá í ɓúzī zye tí ɛzī ɓoma nɛ nēs. Mumá ték ā ɓɛ nɛ sisímb nɔŋol. Tí nɔŋol wɛ̄ ték ɛ́, omása ɓɛ̄ ɓɛ̄ ɓīɓyé thūnd mɔnī.

Misāwā 16:6

Pɔ́l ɓá nɛ Sílas ɓā ɓɛ tí ɛkam ɛ́tɔ́ ɓɛ pák ɓwǎs Azí, tí ɛkɛ̄ lɛ́ɛ́ ɓót ɛkɛ́l ɛ̄ mí Zɛɛ̄mb. Sá gwát, Áchāāchǎnj Sisímb ɛ ɓúzī kambɛl ɓɛ̂. Ɓɛ̄ ɓúkā ceé ɓɛ pák ɓwǎs Fiigí nɛ Galasî.

Misāwā 17:2

Ɗɛ yā ɓɛ ŋgúma tíka tí ɛsú lɛ̄ ékɛ́, Pɔ́l ɛ ɓúkɛ̄ ní ɓɛ̌ njāā míndakla. Ɛ ɓúzī tɔ́ ɗyáŋ táŋ isaɓá īlɛ̂l. Ɓá nɛ ɓot o ɓā ɓɛ twóó njāā ték ɓák ɓɛ̄ ɓūɓúl ɛ́kɛ́l ɛ mí Zɛɛ̄mb.

Misāwā 18:4

Isaɓá ɓyɛ̂ɛs, Pɔ́l ā ninwɔŋ ɛkɛ́l twóó njāā míndakla tí ɛsisáŋ nāá, Oyúɗɛn nɛ Igɛlɛ́k ɓɛ̄ myám Yésus.

Misāwā 20:7

Tí mwēs mɛ́nyɛɛ̄l mɛ sɔ́ndɔ ɔ́, zā ɓɛ zí í gwêsla tí ɛɗɛ íɗóó ī Zɛ́mb. Ɗɛ yá ɓɛ nāá Pɔ́l á á tɔ́ tí mwēs wā ɗum úkɛ́, ɛ ɓúzī nyee lüii nɛ ɓot ɛ́lüii lüii lüii í kɛ́ kum kúkǔ pum.

Misāwā 21:5

Phúla zā sîl sɔ́ndɔ ték náǎŋ ékɛ́, zī ɓúzī tɔ́ nɛ kɛnd yēs ɓɛ sɔ̂k. Mot nyɛ̂ɛs, nɛ ɓuá nɛ ɓwâthɛɛ̄mb ɓɛ̄ ɓúkɛ̄ lyúkɛl ɓés ɓɛ mɛ́síl mɛ̄ khanda. Zí ɓúzī kút mɛ́ɓɔ̄ŋ tí mwɔ̄ŋ mâŋ, zī dáklā nɛ Zɛɛ̄mb.

Misāwā 9:20

Ɛ dá nyɛl ɛtyáá tūnd ɛ́kɛ́l ɛ mí Zɛɛ̄mb twóó minjāā mī míndakla mī óyúɗɛn, nyɛ nāá: «Yésus ɛ Mwán mí Zɛɛ̄mb.»

Galât 3:28

Yá a ká ɓɛ nɛ mbɔ̄k pāká Yúɗɛn ɛ́, nɛ Gɛlɛ̂k, pāká kwōm ɛ́, nɛ mot ɗí ta ɓɛ̌ kwōm ɔ̂, pāká mumá, nɛ motôm, nɛ dɔ nāá ɓěn ɓyɛ̂ɛs ɓí ɛ́dalá tí lɛt ɓyá nɛ ɓɔɔ Kūmāndē Zɛ́mb ā kɛs ɔ̂.

Kolosyɛ̂ŋ 1:23

Sá gwát, í dá je yɔ̂ɔ nāá, ɓī dâ ɗi ɛ́thīn tí ɛɓūklā, ta tyaŋla, ta cyeta nɛ mɛjendɛɛ̄l ɓyā ɓye tɛ́m ɓyā gwôk Tyaa Pɔ́ ê. Tyaa Pɔ́ ték nyā lɛ́ɛ́aa ɓot o sī ɓyɛ̂ɛs. Ī thɔ́k Tyaa Pɔ́ ték sā nāá, myam Pɔ́l mi ɗî sɛ́l ê.