Misāwā 13:30 - Myēnj phōn mí Zɛɛ̄mb

³⁰ Sá gwát ɛ́, Zɛɛ̄mb ɛ́ ɛ sâ nāá, ɛ pâs pāká mimûŋ.

Misāwā 13:30 Iomraidhean Croise

Matyôos 28:6

A a ɓɛ̄ wâk, ɛ́ ɛ́ pǎs ɗakɛ ā ɓa lɛ́ɛ́ ê. Thā ɓɛɛká pyaāt ɓā ɓā dɛ́s ɛ ê.

Zwâŋ 10:17

Sāŋg waām ɛ tí kpɛl mɛ́ nɛ dɔ nāá, mí dōl cyuk yám tí nāá, má á ɓākā ɓye yɛ̂.

Zwâŋ 2:19

Yésus ɛ ɓúzī ɓɛ́s nɛ nɔ̄ɔ̄ nāá: «Ɓūkkāná njāā Zɛ́mb ánénén ɔ, myam má á ɓākā sum wɛ́ tí mɛlú mɛ̄lɛ̂l.»

Misāwā 10:40

Sá gwát ɛ́, Zɛɛ̄mb ɛ́ ɛ gbɛl ɛ́ tí ɛvit tí ɛlú ɛ̄lɛ̂l. Ɛ ɓúzī sá nāá, ɛ lyákɛl nól ɓɛ ɓôt.

Misāwā 13:33

ɛ́ ɛ́ sá nāá, ī lwônd ɛ́chāak tí ɛsú ɛ̄ kálīnā, nyɔ̂ɔ ká ɓot o ɗí chīlā yɔ̄ɔ̄ ɓák tí sāwā ā sâ nāá, Yésus ɛ pâs e, dala nɛ ɗɛ í ɗí tilā tí jémb mbá mí Ɗávit nāá, Zɛɛ̄mb ā lɛ́ɛ nāá: “Í wɔ ɗí mwán aām, Mús ɛ́, mí í ɓyá ɔ̂.”

Misāwā 13:34

Zɛ̌mb ɛ ɓákā lɛ́ɛ́ nāá, á á sá nāá, ɛ pâs pāká mimúŋ ta ɓyét nāá, ɛ ɓáka süís ɓɛ ɛ́lwɔkɔɔ. Í sá ték ā lɛ́ɛ nāá: “Má á jüe ɓén ísá ī mā kɛs Ɗávit ɓîk, Isá í ɗí tí chánjɔɔ, ɓí ɗí thɔ́k oceece ɓîk.”

Misāwā 13:37

Sá gwát, nɔ̄l Zɛɛ̄mb ā sá nāá, ɛ pâs pāká mimúŋ ɔ́kɛ́, múŋ wɛ̄ wa a ɓɔ twóó ɛvit.

Misāwā 17:31

Nɛ dɔ nāá, ā ɓɛ ɛ́ ɛ́ tɛ́l ŋgúmǎ mwēs tí ɛsú lɛ̄ ɛzī cyúkɛ̌l tɔɔ̄p ɛ́dalá pāká nyɛ nɛ ɓot. Dɔ́s ték yá á thǎŋ zinjá mot ŋgwát ā ɓɛ ɛ́ ɛ́ tɛ́l ɛ́ tí ɛsú ɛ̄ ték ɔ̂. Ɛ ɓúzī lyákɛl ɓót ɓyɛ̂ɛsa nāá, í mot ték ɗí nɔ̄l ā tɛ̂l ɔ́kɛ́, tí ɛgbɛl ɛ́ pāká mimûŋ.»

Misāwā 2:24

Sá gwát ɛ́, Zɛɛ̄mb ɛ́ ɛ́ sá nāá, ɛ pás ê. Ɛ cíí ɛ́ tí mitūŋ mī ɛ́süee nɛ dɔ nāá, ɛsüee lá a ɓɛ nɛ də́ə́ ɛ́mɛ́t ɛ̂.

Misāwā 2:32

Yésus ték ɛ́, Zɛɛ̄mb ɛ́ ɛ́ sá nāá ɛ pás ê. Ɓeēs ɓyɛ̂ɛs zā ɓɛ zí í ɓɛɛ ɛ́ nɛ mís mēs.

Misāwā 3:13

Í Zɛɛ̄mb mí Áɓilam, Zɛɛ̄mb mí Ízak, Zɛɛ̄mb mí Yákɔp, Zɛɛ̄mb osǎŋg-phāmb káɓīnā sā nāá, mot ɔ́nɔ́ɔ̌ŋ ɛ kɛ̂ tí ɛsú lɛ̄ ɛ́gúmɛl Yésus sɛ́l wɛ̄. Yésus ték ɓyā ɓɔ̂msa ɛ́, ɓī ɓyén ɛ́ sɔ̂kphɔɔ̄mb mí Pilát, nyɛ mot ā ɓɛ tí ɛkam ɛ́ɓyét ɛ́, ɓyɔ̂ɔ ta kam ɔ̂

Misāwā 3:15

Ɓí i dó ndə́ə́ cyuk. Sá gwát ɛ́, Zɛɛ̄mb ɛ́ ɛ́ sá nāá ɛ pâs pāká mimûŋ, zyɔ̂ɔ zí i ɓɛɛ ɛ̂.

Misāwā 3:26

Í yɛ́ ɗí Zɛɛ̄mb ɛ́ ɛ́ lwāā tɔ́p sɛ́l wɛ̄ ɛsɔ́k, tí mɛsú mēn ɛ́, ɛ thés ɛ́ tí nāá, á á zī lɛ́mɛl ɓén, nɛ ɛsá thɔ́k nāá, ákɛl nɛ kɛl ɛ lūm koŋ nɛ iɓyǒla i mísāwā myɛ̄ ê.»

Misāwā 4:10

gūká yɛ́ ɛ́nwɔŋnwɔŋ ɓěn ɓyɛ̂ɛsa, tí nɛ kúl Ízaɛ́l yɛ̂ɛsa. Í tí khul ɗín ɛ̄ mí Yésus Kilís mót Nazalɛ́, nɔ̄l ɓyā ɓomɛl ɛ kokō tí kolos, Zɛ̌mb ɛ gbɛ́l ɛ́ pāká mimúŋ ɔ́ sā nāá, mot ɓí ɓɛ́ɛ́ ɗék títɛɛ̄l sɔ̂kphɔ̌mb nyēn ɔ́kɛ́, cyuk ê.

Eɓelê 13:20

Zɛ̌mb mot jüē ɛ́pyaala ɔ́kɛ́, ī nyɛ ā sâ nāá, Ɗá káwūnā Yésus ɛpâs pāká mimûŋ. Yésus ték ɗí ánénén mbakɛl itaa. Í chía mɛtûnka nyɛ̄ sā nāá, nī ɓyéka phōn ɗí ndɔ̌mb ɗiī nyîk.