Misāwā 13:2 - Myēnj phōn mí Zɛɛ̄mb

² Tí wūl mwēs ɛ́, ɓɛ̄ ɓúzī gwêsla tí ɛsála Zɛ́mb, nɛ ɛsá ci íɗóó nɛ mɛɗyūū. Áchāāchǎnj Sisímb ɛ ɓúzī lɛ́ɛ́ nɛ nɔ̄ɔ̄ nāá: «Ɗüiská mɛ Ɓaanáɓas nɛ Sɔ́l ɓī gbā ɓɛ́ tí ɛphanj tí nāá, ɓá á sála ísɛ̄ɛ̄ mí jōō ɓɛ́ ték ɓîk.»

Misāwā 13:2 Iomraidhean Croise

Matyôos 17:21

Thɔ́k ɛ́, wūnɛ́ɛ̌ŋ mbi ɓyǒla sisímb í dā gbɔ́m tɛ́m ɓí sā míndakla nɛ ci íɗóó nɛ mɛɗyūū ê.»

Matyôos 6:16

«Tɛ́m ɓí sā ci íɗóó nɛ mɛɗyūū ékɛ́, mot a a kā ɗi nɛ mɛnól ɛ́sísî, ɗakɛ ɓót ō mɛ́pek o sá ê. Ɓɔ̂ɔ ɓɛ́ ɗǐ nɛ mɛnól ɛ́sísî tí ɛlyákɛl ɓót ɛ́nwɔŋnwɔŋ nāá, ɓɛ́ tí ci íɗóó nɛ mɛɗyūū. Mí kū lɛ́ɛ́ ɓén twóó oceece nāá, ɓɛ́ náǎŋ ɓɛ́ ɛ́ ɓye myɔ̄ɔ̄ myána.

Matyôos 9:38

Daklaká phɛ̄ nɛ mot pyeēmb ték nāá, ɛ thēs osɛ́l ō wā zī ɗüis íɗóó ɓyɛ̄ ɓâk.»

Lókas 10:1

Phúla ilüii iték ɛ́, Ɗá ɛ ɓúzī ɓākā tɔ́p ɓɛ̄l óphōn mɛkām tɛ̄n nɛ mɛ̄mbá nɛ ōɓá. Tí nāá, á á nyēē kɛnd ɓɛ́ ōɓá ōɓá, tí ikhanda ɓyɛ̂ɛsa, nɛ ipyaāt ɓyɛ̂ɛsa ɓyā ɓɛ nāá, nyɛ mot ték á á tɔ́ ê.

Lókas 2:37

Ɛ ɓú dā kā ɗi ɗyáŋ ɛ́, ta kā ɓá nɔ̄l ndóm süîs. Ɛ kúm mímbú mɛkām tɛ̄n nɛ mɛ̄ lɛ́l nɛ mimbú mīnâ. Ā ɓiɓɛ tɛ́m yɛ̂ɛs ɓɛ̌ njāā Zɛ́mb. Ɛ ɗīɗí tí isɛ̄ɛ̄ ī mí Zɛɛ̄mb mwēs nɛ pum, tí mindakla nɛ cī íɗóó nɛ mɛɗyūū.

Misāwā 10:19

Pyɛ̂ɛ ɛ jína tí ɛsîmsa tí sá ɗí a a lwɔ̂ɔ ɓɛɛ é nâk, Áchāāchǎnj Sisímb nɛ nɛ̄ nāá: «Ɓɛɛ́, í nɛ ɓot olɛ́l ɓɛ ɛ́gbɛ̄s kák tí ɛsáŋ ɔ̂.

Misāwā 10:30

Kɔɔnɛ́y ɛ ɓúkā ɓɛ́s ɛ́ nāá: «Í í sá mús mɛlú mɛlɛ̂l, mā ɓɛ tí mindakla ɓɛ̌ njāā wám tí mbi tɛ́m ô. Tí mɛwolo mɛ́lɛ́l mɛ̄ khoŋga ɓíkokō, mí dā sɔka nɔ̄l mótóm nɛ mikānd ɛ́pɛɛpɛn sɔ̂kphɔ̌mb nyaām.

Misāwā 13:3

Ɗɛ ɓā ɓɛ ɓɛ́ ɛ́ síl ɛ́sá ci íɗóó nɛ mɛɗyūū nɛ mindakla ékɛ́, ɓɛ̄ ɓúzī kɛl ɓɛ́ mɛɓɔ́ tí milô, ɓɛ̄ ɓyēt ɓɛ́ nāá, ɓɛ̄ tɔ̂.

Misāwā 13:4

Ɗakɛ Áchāāchǎnj Sisímb ā lwôm Ɓaanáɓas nɛ Sɔ́l ékɛ́, ɓɛ̄ ɓúzī tɔ́ ɓɛ̌ Seləsī. Náǎŋ ɛ́, ɓɛ̄ ɓúzī kalɔɔ́ kukɛ, ɓɛ̄ tɔ̄ ɓɛ̌ pāk ɓɛ́ jōō nāá, Sîipɛ ê.

Misāwā 14:26

Í tí pyaāt ték ɓɛ́ mú tí ɛzī kalɔɔ kukɛ tí ɛtɔ́ ɓɛ̌ Aŋtiós khanda ɓā gbâ ɓɛ tí mɛɓɔ́ mí Zɛɛ̄mb mot nwɔ̌ŋlǎ lyém tí ɛsú lɛ̄ isɛ̄ɛ̄ ī ɗí ɓá a lwɔ̂ɔ síl ɗyáŋ ɓîk.

Misāwā 20:28

Kāndɔ̄ɔ̄ká mɛnól mēn, ɓī gú jüák íthɛmbɛ i mí Zɛɛ̄mb ɓyɛ̂ɛs, nɛ Áchāāchǎnj Sisímb ā jüe ɓeēn nāá ɓī ɓákɛl ɓîk. Ɗikāná oɓakɛl ō gós-óɓúkɛl o mí Zɛɛ̄mb. A ɓwâm yɛ́ nɛ chía nyɛ̄ nyɛ mot ték tí nāá, yá á ɗi yɛ̄.

Misāwā 22:21

Sá gwát ɛ́, Ɗá ɛ ɓúzī ɓākā lɛ́ɛ́ nɛ naām nāá: “Ɓā tɔ̂, mí kɛnd ɔ́ ɛ́cetaceta ɓɛ ɓót ō ɗí ta ɓɛ Óyúɗɛn ɓâk!”»

Misāwā 4:36

Yā ɓɛ nɛ nɔ̄l mótóm tí chīlā mí Levî, ɗín lɛ̄ lā ɓɛ Yósɛp. A ɓyɛ̂l ɓɛ Síipɛ. Milwōmtwōm mī ɓúzī jüe ɛ́ ɗín ɛ́, Ɓaanáɓas i tían nāá: Mot mɛlyōō.

Misāwā 6:4

Náǎŋ yá á sá nāá, zī ɓɛ̄ nɛ tɛ́m tí ɛsú lɛ̄ ɛsisá míndakla nɛ ɛlilɛ́ɛ́ ɓót ɛkɛ́l ɛ̄ mí Zɛɛ̄mb.»

Misāwā 8:29

Áchāāchǎnj Sisímb nɛ Fílíp nāá: «Jēmbā ndumɛ nɛ khɛlɛlɛ énɛ́ɛ̌ŋ.»

Misāwā 9:15

Sá gwát, Ɗá Yésus nɛ nɛ̄ nāá: «Wɔ tɔ̂, í nyɛ mí tɔ̄p ɛ́ tí nāá, á á ɗi sɛ̂l waām, ɛ lɛ̄ɛ̄ íkúl īsüís nɛ mikūmāndē myɔ̄ɔ̄ nɛ ɓot ɓɛ̄ Ízaɛ́l tɛ̄lā wâm.

Lomɛ̂ 1:1

Í myam Pɔ̂l, sɛ́l mí Yésus Kilís ɗí tí ɛtil ɓén mɛkanā mâk. Zɛɛ̄mb ā jôo mɛ̄, ɛ tɔ̄p mɛ́ nāá, mi ɗî lwōmtwōm wɛ̄ tí ɛsú lɛ̄ ɛ́tyáá tūnd Tyâa Pɔ́ nyɛ̄.

Lomɛ̂ 10:15

Á mot á á kɛ̄ lɛ́ɛ́ tɔɔ̄p wɛ̄ nā, í ɓɛ̄ nāá, ɓá a lwōm ɛ́ nâk? Í ɗakɛ Ɓááchāāchānj ō Mítilā ɗí tí ɛlɛ́ɛ́ nāá: «Á ɓū nwɔŋ tí ɛ ɓɛɛ́ ɗɛ ɓót o khɛ̄ɛ̄ Tyâa Pɔ́ ɓák ɗí tí ɛzye ékɛ́ e!»

Lomɛ̂ 15:16

mí ɗî sɛ́l mí Yésus Kilís tí ɛsú ɛ̄ ɓɛ̄l o ɗí ta ɓɛ Óyúɗɛn ɓák ê. Ā tɛ̄l mɛ tí ɛsú lɛ̄ tí nāá, má á tyáá tūnd Tyâa Pɔ́ mí Zɛɛ̄mb. Mí tyāā tūnd Tyâa Pɔ́ ték ɓɛ ɓót o ɗí ta ɓɛ Óyúɗɛn ɓák ɛ́, i zyē ɗɛ ɗí nāá, Áchāāchǎnj Sisímb ɛ́ ɛ sá nāá, ɓɛ̄ ɗî tí ɛsú ɛ̄ mí Zɛɛ̄mb ékɛ́, ɓá á ɗi ŋgúma mɛ́tûnka mɛ Zɛ́mb ɗí tí kpɛl mâk.

1 Kolɛ̂ŋt 12:11

Sá gwát, í Áchāāchǎnj Sisímb ŋgwát nɛ ŋgwát ték ɗí tí ɛsá ísá ɓīnɛ́ɛ̌ŋ ɓyɛ̂ɛs. Nyɛ mot ték ɛ́ jüē ákɛl nɛ kɛl wɛ̄ mbi thúmb wɛ̄ nɛ wɛ̄ ɗakɛ ɛ́ kpɛ́l ê.

1 Kolɛ̂ŋt 7:5

Motóm a a ɓyen ɛ́sá ɛ́ɓá nɛ myɛɛ̄l, mumá thɔ́k a a ɓyen ɛ́sá ɛ́ɓá nɛ ndôm. Ī dá ɓǔs nje tɛ́m ɗí nāá, ɓí í gwókol tí nāá, ɓyá á kpɛ́nj ɓīɓyɔ̌k tɛ́m tí ɛsú lɛ̄ ɛ́sá míndakla ê. Phúla ték ɛ́, ɓī ɓákā nyɛl ɛ́cyuk múmá nɛ motóm tí ɛkámb nāá, Sátan a a ɓwɔ̂ɔ ɓúɛl ɓén nɛ dɔ nāá, ɓyá a gū ɛ́mát mɛ́nôl.

2 Kolɛ̂ŋt 11:27

Mí i sála ílyělla ɓī ísɛ̄ɛ̄ mi tyâk. Ɓīl ítɛ́m ta dá dɔ̂, mi jüē zá nɛ jüēs mɛ́ɗyūū, tí ɓīl ítɛ́m ī kūl nāá, mi ɗî ci íɗóó nɛ mɛɗyūū, mi dā ɛ́jwôo, mi jüē lúk míkānd.

2 Kolɛ̂ŋt 6:5

nɛ mbīî, nɛ mimbok, nɛ ɓaasôklo, nɛ ilyělla ɓī ísɛ̄ɛ̄, nɛ dǒnj nɛ za.

Galât 1:15

Sá gwát ɛ́, Zɛɛ̄mb ā ɓɛ ɛ́ ɛ́ lwāā tɔ́p mɛ́, myam ta ɓa ɓyɛ̂l. Ā ɓɛ thɔ́k ɛ́ ɛ́ jóó mɛ́ tí ɛnwɔŋ ɛ̄ lyɛ́m lɛ̄.

Efezyɛ̂ŋ 3:7

Zɛɛ̄mb tí ɛnwɔŋ ɛ̄ lyém lɛ̄ ɛ́ ɛ́ sá nāá, mi ɗî sɛ́l wɛ̄ tí ɛtyáá tūnd Tyâa Pɔ́ tí khul nyɛ̄.

Kolosyɛ̂ŋ 4:17

Lɛ̄ɛ̄ká Asíp nāá, a a sá ɛzɔ̌m nɛ ló-sɛ̄ɛ̄ Ɗá ā jüe ɛ wá ô, ɛ lwōndɛ̄l wɛ̄ ɛ́nwɔŋnwɔŋ.

1 Tímotê 2:7

Í sá ték Zɛ́mb ā tɛ̂l mɛ lɛ́ɛ́ Pɔ́, ɛ tɛ̄l mɛ́ lwōmtwōm tí nāá, mi kɛ̂ lɛ́ɛ́ ɓót ō ɗí ta ɓɛ Óyúɗɛn ɓák ɛ́, Tyaa Pɔ́ tí sá ɓɛ́ dálā ɛ́ɓûkla ékɛ́, nɛ yīl ɗí oceece ê. Mā ā lɛ̄ɛ̄ ócāl, sá mí lɛ́ɛ́ ékɛ́, í oceece.

2 Timotê 1:11

Zɛɛ̄mb ā tɛ̂l mɛ lwōmtwōm, ɛ tɛ̄l mɛ́ yêkle Ɛ́kɛ́l lɛ̄ tí nāá, má á tyáá tūnd tyâa Pɔ̂.

2 Timotê 2:2

Sá wā gwôk mɛ tí ɛtyáá tūnd sɔ̂kphɔ̌mb thūnd ɓót ékɛ́, doŋga mílyāklā mīték ɓɛ ɓót ú ɗí nɛ ɛɓūklā nɛ nɔ̄ɔ̄, ɗí nɛ khul ɛɓākā lyákɛl ɓɛ̄l ɓót sukúl ték ɓâk.

2 Timotê 4:11

Í zá nɛ Lókas dákā ɗi wâk. Nwɔŋ Máákus ɓyá nɛ nɛ̄ ɓī zyê, nɛ dɔ nāá, á á kɛm mɛ́ ɛ́ɓuuɓu tí isɛ̄ɛ̄ ī mí Zɛɛ̄mb mí ɗí tí ɛsála ɓîk.

2 Timotê 4:5

Sá gwát í kā ɓɛ wɔ́ nák ɛ́, māt nôl nyɔɔ̄ tí isínɔŋ ɓyɛ̂ɛs, u jīsɔ̄ɔ̄ mítūŋ. Gbā nól tí ɛtyáá tūnd tyâa Pɔ̂, u lwōndɛ̄l ló-sɛ̄ɛ̄ wɔ́ Zɛ́mb ā jüe ɔ wá ɔ̂.

Eɓelê 5:4

Mot ā ā jüe nól nyɛ́ nyɛ mot ték kúm ɛ́ɗi ánénén fata mɛ́tûnka. Í Zɛ̌mb nyɛ mot ték jōō mót, ɛ ɓú tɛ́l ɛ́ tí ɗiī ték ɗakɛ ā tɛ̂l Álɔn ê.