Misāwā 13:14 - Myēnj phōn mí Zɛɛ̄mb

¹⁴ Pɔ́l ɓá nɛ Ɓaanáɓas ɓɔ̂ɔ ɓɛ̄ tɔ̄ yɔ̄ɔ̄, ɓɛ̄ kɛ́ kǔm ɓɛ̌ Aŋtiós gūm nɛ Pisiɗí ê. Tí mwēs saɓá, ɓɛ̄ ɓúzī ní twóó njāā míndakla Óyúɗɛn, ɓɛ̄ ɗí sī.

Misāwā 13:14 Iomraidhean Croise

Lókas 4:16

Yésus ɛ ɓúzī tɔ́ ɓɛ̌ Nazalɛ́ pyaāt ā ɓa ɓwɔk ê. Tí mwēs Saɓá, ɛ ɓúzī ní twóó phǎnj mindakla. Nɛ dɔ nāá, yā ɓɛ ŋgúma tíka tí ɛsú lɛ̄. Ɛ ɓúzī gbal tí ɛláŋ Ɛ́kɛ́l ɛ̄ mí Zɛɛ̄mb.

Misāwā 13:42

Tɛ́m Pɔ́l ɓá nɛ Ɓaanáɓas ɓā gbâs ɓɛ̌ njāā míndakla ékɛ́, ɓot ɓɛ̄ ɓúzī dakla nɛ nɔ̄ɔ̄ nāá, ɓɛ̄ ɓáka zye tí yīl saɓá tí nāá, ɓá á ɓākā lüii tí ló ɛ́kɛ́l ɛ̄têk.

Misāwā 13:44

Saɓá yā ka ɗum ékɛ́, ɓot ō khanda ɓyɛ̂ɛs ɓɛ̄ ɓúzī gwêsla tí ɛgwókɛl ɛ́kɛ́l ɛ̄ mí Ɗá.

Misāwā 13:46

Pɔ́l ɓá nɛ Ɓaanáɓas ɓɛ̄ ɓúzī lɛ́ɛ́ ɓɛ́ ɛ́kpɛŋglɛm nāá: «Í ɓyɔ̂ɔ oyúɗɛn zí dálá nɛ ɛ́nyēē lɛ́ɛ́ ɛ́kɛ́l ɛ̄ mí Zɛɛ̄mb ɓâk. Sá gwát ɛ́, ɗɛ ɗí nāá, ɓí í ɓyen ɛ́kɛ́l ɛ ték, ɓī ɓákā ɓɛɛ nāá, ɓyā ā dálā nɛ nāá, ɓī ɓyê ɛkɔɔ ɛ̄ cyuk mɛ́lú myɛ̂ɛsa ékɛ́, zá á kā tɔ́ ɛ́chāak nɛ Pɔ́ ték ɓɛ íkúl ísüîs.

Misāwā 13:5

Ɗɛ ɓɛ́ dā kǔm ɓɛ̌ Salamín ɗí twóó pák ɓwaās Sîipɛ ékɛ́, ɓɛ̄ ɓúzī nyɛl ɛ́lɛ́ɛ́ ɛ́kɛ́l ɛ̄ mí Zɛɛ̄mb twóó minjāā mī míndakla mī Óyúɗɛn. Zwáŋ Máákus ā ɓɛ ɓá nɛ nɔ̄ɔ̄ ndɔŋ tí ɛkikɛm ɓɛ̂.

Misāwā 14:19

Phúla ték ɛ́, ɓɛ̄l Óyúɗɛn ɓɛ̄ ɓúzī kûl, ɓɛ̄ ɗüís ɓɛ̌ Aŋtiós gǔm nɛ Pisiɗí ékɛ́, nɛ ɓɛ̌ Ikonyɔ̂m, ɓɛ sā nāá, mɛthum mɛ ɓót mɛ̄ káa gwók ɓɛ̂. Ɓá nɛ nɔ̄ɔ̄ ɓɛ gús Pɔ́l nɛ mɛkɔ̄k, ɓɛ ɗúl ɛ́ sī nɛ sī, ɓɛ̄ tɔ̄ nɛ nɛ̄ phús khanda nɛ dɔ nāá, ɓā sîmsa nāá, ɛ́ ɛ́ jüe.

Misāwā 16:13

Tí mwēs saɓá, zī ɓúzī gbɔ́m twóó khanda, zī tɔ̄ ɓɛ̌ mwɔ̄ŋ yīl ɗyūū. Zā ɓɛ tí ɛsîmsa nāá, zá á ɓyelǎ pyaāt Óyúɗɛn sā míndakla ê. Kɛ kum pyaāŋ nák ɛ́, zí ɓyelǎ thūnd ɓúá ɓɛ́ ɛ́ gwêsla. Zī ɓúzī ɗi sī zī lüii nɛ nɔ̄ɔ̄.

Misāwā 17:2

Ɗɛ yā ɓɛ ŋgúma tíka tí ɛsú lɛ̄ ékɛ́, Pɔ́l ɛ ɓúkɛ̄ ní ɓɛ̌ njāā míndakla. Ɛ ɓúzī tɔ́ ɗyáŋ táŋ isaɓá īlɛ̂l. Ɓá nɛ ɓot o ɓā ɓɛ twóó njāā ték ɓák ɓɛ̄ ɓūɓúl ɛ́kɛ́l ɛ mí Zɛɛ̄mb.

Misāwā 18:4

Isaɓá ɓyɛ̂ɛs, Pɔ́l ā ninwɔŋ ɛkɛ́l twóó njāā míndakla tí ɛsisáŋ nāá, Oyúɗɛn nɛ Igɛlɛ́k ɓɛ̄ myám Yésus.

Misāwā 19:8

Pɔ́l ɛ ɓú titɔ́ ɓɛ̌ njāā míndakla Óyúɗɛn táŋ oŋgɔn olɛ̂l. Ɛ līlɛ̄ɛ̄ ɓót tɔɔ̄p Də́ə́ mí Zɛɛ̄mb ta gwók ɓwɔ̄ŋ, nɛ ɛsisáŋ nāá, ɓot ɓɛ̄ kâm sá ā lilɛ́ɛ ê.

Misāwā 9:20

Ɛ dá nyɛl ɛtyáá tūnd ɛ́kɛ́l ɛ mí Zɛɛ̄mb twóó minjāā mī míndakla mī óyúɗɛn, nyɛ nāá: «Yésus ɛ Mwán mí Zɛɛ̄mb.»

2 Timotê 3:11

u tí gú mítūŋ nɛ mindɛl, nɛ sá yɛ̂ɛs yā kûl mɛ ɓɛ̌ Aŋtyós, nɛ ɓɛ̌ Ikonyóm, nɛ ɓɛ lístɛ ê. U tí gú mítūŋ mīték myɛ̂ɛs mā ɓoma nɛ myɛ́ mîk. Sá gwát, Ɗá ā ɓɛ tí ɛɗüis mɛ́ tí mitūŋ mīték myɛ̂ɛs.