Misāwā 13:12 - Myēnj phōn mí Zɛɛ̄mb

¹² Tɛ́m ŋgɔ́mina ā ɓɛɛ sá yā kûl Elímas ékɛ́, ɛ ɓúzī ɓûkla Yésus. Nɛ dɔ nāá, sá ɓā lilyákɛl ī ɗúm nɛ Ɗá ékɛ́, yā ɓɛ tí ɛsála ɛ́ ɛ́ɓuuɓu.

Misāwā 13:12 Iomraidhean Croise

Matyôos 27:54

Ɗɛ ndə́ə́ isóda ílomɛ́ nɛ isóda ɓā ɓiɓakɛl Yésus ɓák ɓā ɓɛɛ iɓwaās tí ɛthɛnja nɛ ɓīl ísínɔŋ ɓyā ɓākā sɛ́ɛ ɓík ékɛ́, ī ɓúzī sá ɓɛ́ ɓwɔ̄ŋ ɛ́ɓuuɓu, ɓɔ̂ɔ nāá: «Í kǔ ceece nāá, mot ɔ́kɛ́ ɛ ɓɛ̄ Mwán mí Zɛɛ̄mb!»

Lókas 4:22

Ɓɛ́ ɓyɛ̂ɛsa ɓā ɓɛ tí ɛlɛ́ɛ́ tɔɔ̄p mí Yésus, nɛ ɛpak mɛ́kɛ́l mɛ̄ lɛ̄m mā gbigbɔ̂m tí nup wɛ̄ mâk. Ɓɛ̄ ɓú lilɛ́ɛ́ nāá: «Syēék yá a ɓɛ̄ mwán mí Yósɛp ɛ?»

Lókas 7:16

Sá ték ī ɓúzī sá ɓót ɓwɔ̄ŋ. Ɓot ɓɛ nyɛ́l ɛ́gúmɛl ɗín ɛ́ mí Zɛɛ̄mb, ɓɔ̂ɔ nāá: «Ánénén mgbɛ́sel mitɔɔ̄p mí Zɛɛ̄mb ɛ́ ɛ́ kǔm ɓɛ káyīnā!» Thɔ́k ɛ: «Zɛɛ̄mb ɛ́ ɛ́ zye ɛyɔŋ lɛ̄ mɛkhɛɛ̄m.»

Zwâŋ 7:46

Ísóda thɔ́ ɓɛ́s nɛ nɔ̄ɔ̄ nāá: «Zá a ɓá ɓiɓɛɛ mót ɛ̄ lüíí ɗakɛ nyīnɔ́ɔ̌ŋ môt.»

Misāwā 13:48

Tɛ́m ɓɛ̄l ō ɗí ta ɓɛ Óyúɗɛn ɓák ɓā gwôk lɔ́ŋ ték ékɛ́, ɓɛ̄ ɓúzī gwók thūnd mímyaŋla, ɓɛ̄ nyɛ́l ɛ́gúmɛl ɛ́kɛ́l ɛ́ mí Zɛɛ̄mb. Ɓot ɓyɛ̂ɛsa Zɛ́mb ā tɛ̂l ɓɛ tí nāá, ɓá á ɓye cyuk mɛ́lú myɛ̂ɛsa ɓák ɛ́, ɓɛ ɓúzī ɓûkla.

Misāwā 13:49

Ɛkɛ́l ɛ̄ mí Ɗá lí ɓúzī dala tí pák ɓwaās ték wɛ̂ɛs.

Misāwā 13:7

Ā ɓɛ tí ɛɓū ɗiɗi ɓá nɛ ɓɔ̂ɔ Sɛ̂ɛz Paolos ŋgɔ́mina pāk. Ŋgɔ́mina ték ā ɓɛ tí célɔɔ. Tí wūl mwēs ɛ́, ɛ ɓúzī ɓándɛl Ɓaanáɓas ɓá nɛ Sɔ́l nɛ dɔ nāá, ā ɓɛ nɛ khós ɛ́gwók ɛ́kɛ́l ɛ̄ mí Zɛɛ̄mb.

Misāwā 13:8

Ɓɛ̄ ɓúzī zye, ɓɛ̄ nyɛ́l ɛ́lɛ́ɛ́ ŋgɔ́minǎ pāk ɛkɛ́l ɛ̄ mí Zɛɛ̄mb. Ɓáá Yésus mot májik ɓɛ́ jōō ɛ́ Elímas tí lüǐ gɛlɛ́k ɔ́kɛ́, ɛ ɓúzī nyɛl ɛ́kambɛl ɓɛ́ tí ɛsáŋ nāá, ŋgɔ́mina a a ɓwɔ̂ɔ gwók mɛ́kɛ́l mɔ̄ɔ̄, ɛ ɓūklā Ɗâ.

Misāwā 15:35

Pɔ́l ɓá nɛ Ɓaanáɓas ɓɛ̄ ɓúzī lís yɔ̄ɔ̄ ɓɛ Aŋtíôs. Ɓá nɛ ɓɛ̄l ɓót ɓɛ̄ ɓú lilyákɛl nɛ ɛlɛ́ɛ́ ɓót ɛkɛ́l ɛ mí Ɗâ.

Misāwā 15:36

Ta ɓwɛɛ nák ɛ́, Pɔ́l ɛ ɓúzī lɛ́ɛ́ nɛ Ɓaanáɓas nāá: «Ni süîs tí ɛkɛ́ ɓɛɛ óɓúkɛl tí ikhanda ɓyɛ̂ɛs nā lilɛ́ɛ ɛkɛ́l ɛ̄ mí Ɗá tí ɛɓɛɛ́ ɗɛ ɓɛ́ ɗí ê.»

Misāwā 18:12

Pɔ́l ā ɓɛ ɛ jína náǎŋ tɛ́m Galyɔ̌ŋ ā ɓɛ ŋgɔ́mina pák ɓwǎs Akaí ê. Oyúɗɛn ɓɛ̄ ɓúzī ɗi cyūŋ inɔɔ̄n, ɓɛ̄ mɛ̄t Pɔ́l tí nāá, ɓá á tɔ́ nɛ nɛ̄ ɓɛ phānj mitɔɔ̄p.

Misāwā 19:10

Ā sisá ɓɛ sukúl ték ɗyaāŋ táŋ mimbú mīmbá, tí tɛ̄lā ɗí nɛ nāá, ɓɛ̄l ɓā ɓɛ ɓɛ̌ cǐl ɓwǎs Azí ɓyɛ̂ɛs ɓák, nɛ Oyúɗɛn nɛ Igɛlɛ́k ɓɛ̄ gwôk ɛkɛ́l ɛ̄ mí Ɗâ.

Misāwā 19:20

Í ɗyaāŋ ték tí khul mí Ɗá, ɛ́kɛ́l lɛ̄ lā dala pyaāt yɛ̂ɛs, lí ɓákā ɗǐ lwōndlā nɛ khul ê.

Misāwā 19:38

Ī ɓɛ̄ nāá, Ɗemetíus nɛ ɓot o ɓá nɛ nɔ̄ɔ̄ ō sála ɓák, ɓɛ́ nɛ tɔ̌p nɛ mot nák ɛ́, í nɛ mimwēs mī ídɔ̂s, í thɔ́k nɛ odɔ́sel o mítɔɔ̄p, ɓɛ̄ tɔ̂ pyaāŋ.

Misāwā 19:7

Ɓot oték ɓɛ́ ɛ dala ɛkum kām nɛ ōɓá.

Misāwā 28:7

Ndumɛ nɛ pyaāt ték ɛ́, yā ɓɛ nɛ icil ɓɛ̄ íɓwaās ī nɔ̄l ndə́ə́ pāk ɗín lɛ́ nāá Pübiliü̂s. Ɛ ɓúzī ɓakɛl ɓés ɗakɛ mót ɓákɛ̄l osɔ̄ ɓɛ̄ ê. Zī ɓúzī sá náǎŋ twóó njāā wɛ̄, mɛlú mɛ̄lɛ̂l.

Misāwā 6:10

Sá gwát ɛ́, ɓá a kikwok ɛ. Nɛ dɔ nāá, á lilüii nɛ pek Áchāāchǎnj Sisímb á jijüe ɛ ê.

Misāwā 8:25

Phúla Pyɛ̂ɛ ɓá nɛ Zwáŋ ɓā síl ɛlüii tɔɔ̄p mí Ɗá nɛ ɛlyákɛl ɛ́kɛ́l lɛ̄ ékɛ́, ɓɛ̄ ɓúzī ɓúlǎ ɓɛ̌ Yotósalɛm. Zyě nɛ zyě, ɓɛ̄ tītɔ̄ nɛ ɛtityáá tūnd Tyâa Pɔ́ tí thūnd mɛ́l mɛ̄ cǐl ɓwǎs Samalî.