Misāwā 12:7 - Myēnj phōn mí Zɛɛ̄mb

⁷ Títɛɛ̄l ŋgwát ɛ́, éŋgeles mí Ɗá ɛ dá sulǎ sulâ, ɛɓyakɔɔ lī zyě pyaāt ɓā ɓɛ ê. Ɛ thɛ́nj Pyɛ̂ɛ tí iphānj tí ɛjem ɛ̂, nyɛ nɛ nɛ̄ nāá: «Kpās ɛ́gbal!» Idɔpɔ i ɓā gwôl Pyɛ̂ɛ mɛɓɔ́ nɛ ɓyɛ́ ɓík ɛ́, ɓī dá kǔt kut ê.

Misāwā 12:7 Iomraidhean Croise

Matyôos 2:13

Ɗɛ ócél ɓīnɛ́ɛ̌ŋ ɓā ɓɛ ɓɛ́ ɛ́ kpáŋ ékɛ́, éŋgeles mí Ɗá ɛ ɓúzī túula Yósɛp tí líma, nyɛ nɛ nɛ̄ nāá: «Gbal ê, u nwɔ́ŋ mwán ɓá nɛ naāŋg, u kāmb nɛ nɔ̄ɔ̄ ɓɛ̌ Egíptɛn. Ɓī ɗí pyaāŋ ī kɛ́ kum tɛ́m mí wā lɛ́ɛ́ nɛ nɔɔ̄ nāá, u ɓúla kê. Nɛ dɔ nāá, Elôd á á sáŋ nāá, ɛ dô mwán têk.»

Lókas 2:9

Éŋgeles mí Ɗá ɛ ɓúzī sula ɓɛ̂. Ɛɓyakɔɔ ɛ mí Ɗá Zɛɛ̄mb lī ɓúzī tûla tí pyaāt yɔ̄ɔ̄. Sá ték ī ɓúzī sá ɓɛ́ ɓwɔ̄ŋ ɛ́ɓuuɓu.

Lókas 24:4

Ɓɛ̄ dá kā ɗi náǎŋ ɛ́zǎm. Títɛɛ̄l ŋgwát ɛ́, ɓɛ́ dā ɓɛɛ ɓótóm ōɓá nɛ mikānd ɛ́pɛɛpɛn.

Misāwā 10:30

Kɔɔnɛ́y ɛ ɓúkā ɓɛ́s ɛ́ nāá: «Í í sá mús mɛlú mɛlɛ̂l, mā ɓɛ tí mindakla ɓɛ̌ njāā wám tí mbi tɛ́m ô. Tí mɛwolo mɛ́lɛ́l mɛ̄ khoŋga ɓíkokō, mí dā sɔka nɔ̄l mótóm nɛ mikānd ɛ́pɛɛpɛn sɔ̂kphɔ̌mb nyaām.

Misāwā 12:23

Tí tɛ́m gwát nɛ gwát ték ɛ́, eŋgeles mí Ɗá ɛ ɓúzī gbá ɛ́ ɛkpay tɔɔ̄p nāá, a a ɓyêt nāá, kúm nyī ɗî nyīl mí Zɛɛ̄mb. Inaām ɓī ɓúzī ló ɛ́, ɛ jüê.

Misāwā 12:6

Pum wá ɓɛ nāá, Elôd á á dɔ́s Pyɛ̂ɛ tí mɛlyám mɛ̄ték ékɛ́, Pyɛ̂ɛ ā ɓɛ tí dɔ́ pāká isóda iɓá, ŋgwōlā nɛ idɔpɔ iɓá, ɓīl ísóda tí ɛɓakɛl ɛ́gbɛ̄s ɛ̄ njāā mbok.

Misāwā 12:8

Éŋgeles ɛ ɓúzī ɓākā lɛ́ɛ́ ɛ́ nāá: «Cyuŋɛ̌l mbaāmb wɔ́, u ɓwāt ísapát ɓyɔ̂.» Ɛ ɓúzī sá ɗakɛ éŋgeles ā ɓā lɛ́ɛ́ ɛ ê. Éŋgeles ɛ ɓú ɓākā lɛ́ɛ́ nɛ nɛ̄ nāá: «Ɓwǎt kānd ɛ́jwóó wɔ́, u ɗū mɛ̂!»

Misāwā 16:26

Ta ɓwɛɛ nâk ɛ́, iɓwaās ɓī ɓúzī thɛnja ɛ́ɓyóóɓyóó tí tɛ̄lā ɗí nɛ nāá, ipetok ī njāā mbok ɓī thɛ́nja, mɛgbɛs myɛ̂ɛsa mɛ̄ ɗíi, idɔpɔ ɓā gwôl mimbok nɛ ɓyɛ́ ɓík ɛ́, ɓī tíi.

Misāwā 2:24

Sá gwát ɛ́, Zɛɛ̄mb ɛ́ ɛ́ sá nāá, ɛ pás ê. Ɛ cíí ɛ́ tí mitūŋ mī ɛ́süee nɛ dɔ nāá, ɛsüee lá a ɓɛ nɛ də́ə́ ɛ́mɛ́t ɛ̂.

Misāwā 5:19

Sá gwát tí pum ték ɛ́, éŋgeles mí Ɗá ɛ dá zī ɗii mɛ́gbɛ̄s mɛ̄ njāā mbok ɛ gbɛ̄s mílwōmtwōm nyɛ nɛ nɔ̄ɔ̄ nāá:

Misāwā 9:3

Sɔ́l ɛ ɓúzī nwɔŋ mɛ́kanā ɛ tɔ̄ ɓɛ̌ Ɗamâs. Tɛ́m ɛ kɛ́ kǔm ndumɛ nɛ khanda ték ékɛ́, títɛɛ̄l ŋgwát, ɛ́ dā sɔka, ɛ mú tí mimbanjla mi ánénén ɛɓyakɔɔ lí ɗüís ɓɛ̌ jwôo.

Efezyɛ̂ŋ 5:14

Tí ɛɓɛɛ nák ɛ́, isá gbɔ̄m ɛ́kpɛŋlɛm tí mwēs ɓík ɛ́, ɓí linja ɛ́ɓyakɔɔ. Í yɛ́ ɓɛ́ lɛ̄ɛ̄ nāá: «Jem ê, wɔ mot ɗí tí dɔ́ ɔ̂, Gbal pāká mimûŋ, Kilís á á lyákɛl ɔ́ ɛɓyakɔɔ lɛ̄.»

Eɓelê 1:14

Ɓeéŋgeles ɓyɛ̂ɛs ɓɛ da ɓɛ̄ nje ték isisímb ī ɗí tí ɛsála Zɛ́mb ɓîk. Ɛ́ kɛnd ɓɛ́ nāá, ɓɛ̄ kɛ́ɛ kɛm ɓót ɛ́ wā cis ɓâk.

Apokalîs 18:1

Phúla ték ɛ́, mi ɓúzī ɓɛɛ nɔ̄l éŋgeles tí ɛsisul, ɛ ɗüís ɓɛ̌ jwôo. Ā ɓɛ nɛ ánénén də̂ə, ɛɓyakɔɔ ɛ kúm nyɛ̄ lī dálā íɓwaās ɓyɛ̂ɛs.