Misāwā 10:31 - Myēnj phōn mí Zɛɛ̄mb

³¹ Nyɛ nɛ naām nāá: “Kɔɔnɛ́y, Zɛɛ̄mb ɛ́ ɛ́ gwók mindakla myɔ́. Ɛ́ ɛ́ ɓɛɛ thɔ́k ɛnwɔŋ lyɛ̂ɛs u ɗí tí ɛsá mipwêepweē ê.

Misāwā 10:31 Iomraidhean Croise

Lókas 1:13

Éŋgeles nɛ nɛ̄ nāá: «Wa a kámb sínɔŋ Zakalî. Zɛɛ̄mb ɛ́ ɛ́ gwók míndakla myɔ̂. Myɛɛ̄l ɔ́ Elísaɓɛt á á ɓyá ɔ́ mwâmotôm. U dót ɛ́ nāá, Zwâŋ.

Misāwā 10:30

Kɔɔnɛ́y ɛ ɓúkā ɓɛ́s ɛ́ nāá: «Í í sá mús mɛlú mɛlɛ̂l, mā ɓɛ tí mindakla ɓɛ̌ njāā wám tí mbi tɛ́m ô. Tí mɛwolo mɛ́lɛ́l mɛ̄ khoŋga ɓíkokō, mí dā sɔka nɔ̄l mótóm nɛ mikānd ɛ́pɛɛpɛn sɔ̂kphɔ̌mb nyaām.

Misāwā 10:32

Kɛnd ɓót ɓɛ Yopé tí ɛkɛ́ sáŋ Símɔn ɓɛ́ jōō ɛ́ nāá, Pyɛ̂ɛ ɔ̂. Ɛ́ ɗǐ ɓɛ ɗáá yīl Símɔn, mot ikōt, njāā wɛ̄ ú ɓɛ̌ mwɔ̄ŋ mâŋ.”

Misāwā 10:4

Kɔɔnɛ́y ɛ ɓúzī nyēē jüák ɛ́ ɗyǎŋ nɛ ɓwɔ̄ŋ. Ɛ ɓúkā jí Éŋgeles ték nāá: «Ɗâ! Ú kam yɛ̄ ê?» Éŋgeles nɛ nɛ̄ nāá: «Zɛɛ̄mb ɛ́ ɛ́ gwók míndakla myɔ̂. A a jésā ɛ́nwɔŋ ú ɗí tí ɛsá mípwêepweē ê, a a jésā ɔ̂.

Filipyɛ̂ŋ 4:18

Tí tɛ́m ékɛ́, mi mú nɛ sá yɛ̂ɛs ɓɛ̄ tí ɛyák mɛ́ é, yɔŋzim ī tháŋ thɔ̂k. Mí i ɓye sá yɛ̂ɛs ɓyā thes nɛ Epafoɗít ê. Ɛ́chāak ɛ́, mi mú nɛ yɛ̂ɛsa. Mɛphɔ̄k mēn mɛ̄ték mā ɓɛ mɛ ɗakɛ̌ loɓínda ɗí nɛ tyaa mɛnuūp ê. Mbi mɛ́phɔ̄k mɛ̄ ɗí tí nwɔŋ sɔ̂kphɔɔ̄mb mí Zɛɛ̄mb ê, mɛ̄l mɛ̄ Zɛ́mb kpɛ́l mâk.

Eɓelê 6:10

Zɛ̌mb ɛ ɛ́dalâ. A á jesa ísɛ̄ɛ̄ ɓyēn nɛ kpɛɛ̄l ɓyā lyákɛl ɛ tí isɛ̄ɛ̄ ī ɓyā sála, ɓí jína thɔ́k tí ɛtɔ́ nɛ ɛsála tí ɛsú ɛ ɓɛ̄l óɓúkɛl ê.

Apokalîs 5:8

Títɛɛ̄l ŋgwát ɛ́, isá īná ɗí tí ɛcyuk ɓík, nɛ mindǒmb mɛkām mɛ̄mbá nɛ mīná ɓɛ̄ ɓúzī kút mɛ́ɓɔ̄ŋ sɔ̂kphɔɔ̄mb Mwâthɛmbɛ tí ɛɗúɛl ɛ̂. Ákɛl nɛ kɛl tí ndɔŋ wɔ̄ɔ̄ ā ɓɛ nɛ njaāŋ, nɛ ikɔ́p sāwā nɛ gôl, milwōndlā nɛ pǔ ɓēl. Ɓēl ték í mindakla mi ɓót ō mí Zɛɛ̄mb.