Misāwā 1:11 - Myēnj phōn mí Zɛɛ̄mb

¹¹ Ɓot oték ɓɛ̄ ɓúzī lɛ́ɛ́ nɛ milwōmtwōm nāá: «Ɓot ō Galilê, ɓí ɗi náǎŋ tí ɛsisyuŋgɛ̌l jwóó tí yɛ́ e? Yésus Zɛ̌mb ɗüis ɛ́ pāká nyēn tí ɛtɔ́ nɛ nɛ̄ ɓɛ jwóó ɔ́kɛ́, á á ɓākā zyě jwok gwát ɗɛ ɓí ɓā ɓɛɛ ɛ́ tí ɛtɔ́ ê.»

Misāwā 1:11 Iomraidhean Croise

Matyôos 16:27

Nɛ dɔ nāá, Mwán mí mot á á zye ɓá nɛ ɓeéŋgeles twóó kúm Sāŋg tí ɛsú lɛ̄ ɛ́jüe mót myána mɛ dálā nɛ isīsɛ̄ɛ̄ ɓyɛ̄ ê.»

Matyôos 16:28

Yésus ɛ ɓúzī ɓākā lɛ́ɛ́ nɛ nɔ̄ɔ̄ nāá: «Mí lɛ̄ɛ̄ ɓén twóó oceece nāá, ɓɛ̄l ɓót tí ndɔŋ ɓót ō ɗí wák ɛ́chāak ɓák, ɓá ǎ jüe ɓɔ̂ɔ ta ɓɛɛ ɛ́zye ɛ Mwán mí mot tí tɛ̄lā Ndə̂ə.»

Matyôos 24:30

Tí tɛ́m ték ɛ́, ndɛm wā lyákɛl nāá, ɛzye ɛ Mwán mí mot lī mú tí ɛkúnɔɔ ékɛ́, wá á nyén tí jwôo. Ikúl nɛ inɔŋ ɓyɛ̂ɛsa i ɗí tí sī nyík ɓík, ɓī nyɛ́l ɛ́cím nɛ ɛje mɛ́jüé tí ɛkámb ɛ́kúl lɛ̄. Ɓá á ɓɛɛ Mwán mí mot tí ɛzye tí ijūnd í jwóó nɛ thūnd də́ə́ nɛ kûm.

Matyôos 25:31

«Tɛ́m Mwán mí mot wā zye twóó kúm nyɛ ɓá nɛ ɓeéŋgeles ɓyɛ̂ɛsa ékɛ́, á á ɗi sī kwóó ɗǐ də́ə́ kúm nyɛ̄.

Máákus 13:26

Í náǎŋ ɓɛ́ wā ɓɛɛ Mwán mí mot tí ɛzye tí ijund i jwóó nɛ thūnd də́ə́ nɛ kúm ê.

Máákus 14:70

Pyɛ̂ɛ ɛ dá ɓākā kálǎ kālâ. Ta ɓwɛɛ nák ɛ́, ɓɛ̄l ɓót ɓá ɓɛ náǎŋ ɓák ɛ́, ɓɛ̄ dá ɓākā lɛ́ɛ́ nɛ Pyɛ̂ɛ nāá: «Tí ɛkū ɓɛɛ ɛ́nwɔŋnwɔŋ ɛ́, u tí ndɔŋ óphōn ō mí Yésus. Nɛ dɔ nāá, u mot Galilê.»

Máákus 16:19

Phúla Ɗá Yésus ā lüii nɛ nɔ̄ɔ̄ ɗyaāŋ ékɛ́, Zɛɛ̄mb ɛ ɓúzī nwɔŋ ɛ̂. Ɛ kɛ́ ɗil ɛ́ ɓɛ mbɔ́ ɛ́dóm wɛ̄.

Lókas 21:27

Í náǎŋ ɓɛ́ wā ɓɛɛ Mwán mí mot tí ɛzye tí ijuūnd ī jwóó nɛ thūnd də́ə́ nɛ kúm ê.

Lókas 24:5

Ī ɓúzī sá ɓɛ́ ɓwɔ̄ŋ, ɓɛ̄ swɔ́k mɛ́phɔɔ̄mb mɔ̄ɔ̄ sī. Í náǎŋ ɓótóm ɓīnɛ́ɛ̌ŋ ká jí nɛ nɔ̄ɔ̄ nāá: «Ɓí sāŋ mót ɗí tí ɛcyuk ɔ́ pāká mimúŋ tí tɔɔ̄p yɛ̄?

Zwâŋ 14:3

Tɛ́m mí wā ɓɛ mí í kɛ́ kwombɛ̌l pyaāt ték ékɛ́, má á ɓākā zī nwɔŋ ɓén, i zyē nāá, pyaāt mí ɗí ékɛ́, ɓyɔ̂ɔ thɔ́k ɓí ɗí náǎŋ.

Misāwā 1:2

i kúm tí mwēs Zɛ́mb ā ɓén ɛ ɓɛ̌ jwóó ê. Ā ɓɛ ɛ́ ɛ́ tɔ́p ɓót ɗɛ mílwōmtwōm. Ɛ lɛ̄ɛ̄ ɓɛ́ sá ɓɛ́ dálā ɛ́sá ékɛ́, tí khul Áchāāchǎnj Sisîmb.

Misāwā 1:22

Tí ɛnyɛl tí tɛ́m Zwáŋ ā ɗuu Yésus ékɛ́, ī kɛ́ kum tí tɛ́m Zɛ́mb ā ɗüis ɛ tí iɓwaās ê. Í je nāá, nī tɔ̂pkana mot ŋgwát tí ndɔŋ wɔ̄ɔ̄. Í zyeē nāá, mot ték á á lɛ́ɛ́ thɔ́k tɔɔ̄p ɛ́pas ɛ mí Yésus ɗɛ zyɔ̂ɔ.»

Misāwā 1:9

Phúla Yésus ā síl ɛlüii ékɛ́, Zɛ̌mb ɛ ɓúzī nwɔ̂ŋ ɛ́, ɛ tɔ̄ nɛ nɛ̄ ɓɛ ɛ́kó tí mís mɛ̄ mílwōmtwōm. Tɛ́m ā ɓɛ tí ɛtɔ́ ékɛ́, juūnd ī ɓúzī zye ī zí ɓúmɛl ɛ́, ɓɔ̂ɔ ta kā ɓɛɛ ɛ́.

Misāwā 13:31

Í i sâ thūnd mɛ́lû, Yésus tí ɛlyákɛl nól nyɛ̄ ɓɛ ɓót ō ɓá nɛ nɔ̄ɔ̄ ɓā tyâa ɓɛ̌ Galilé ɓɛ̄ kɛ́ kum ɓɛ̌ Yotósalɛm ɓâk. Í ɓot oték ɗí tí ɛkā lɛ́ɛ́ ɓót ɓɛ̄ Ízaɛ́l sá ɓɛ́ ɗí tí gú, nɛ sá ɓā ɓɛɛ zinjá nyɛ̄ ê.

Misāwā 2:7

Ɓɛ́ ɓyɛ̂ɛs ɓā ɓɛ tí ɛsɛ́mɛ sá ték ɛ́ɓuuɓu ɓɛ̄ ɗí tí okāmāmā, ɓɛ̄ ɓú jijí nāá: «Ɓot ɓák ɓyɛ̂ɛs o lüíí ɗék ɓák, ɓá a ɓɛ̄ ɓót ō Galilé e?

Misāwā 3:12

Ɗɛ Pyɛ̂ɛ ā ɓɛɛ nāá, ɓot ɓɛ́ ɛ́ gwêsla ékɛ́, ɛ ɓúzī lɛ́ɛ́ nāá: «Ɓot ɓɛ̄ Ízaɛ̂l, ɓí sɛ̄mɛ̄ sá kūl é tí tɔɔ̄p yɛ̄? Í yɛ̄ ɓí kā jüák ɓés ɗyǎŋ ɗakɛ mót ké nāá, í tí khul nyēs zí sā nāá, mot ɔ́kɛ́ ɛ kɛ̂ kê, gú thɔ́k í tí tɔɔ̄p nāá, zī tí ɛɗúɛl Zɛ́mb e?

Misāwā 3:21

Ɛ́chāak ɛ́, Yésus kilís ɛ́ dalǎ nɛ ɛɗǐ ɓɛ̌ jwôo, kum tí tɛ́m ísínɔŋ ɓyɛ̂ɛs wā ɓɛ̌ kwomblā é, ɗakɛ Zɛ́mb ā lwaa lɛ́ɛ ī gbɔ̄m tí minup mi ɓááchāāchānj ɓɛ̄ ógbɛ́sel o mítɔɔ̄p ā thes ɓâk.

1 Tesalonisyɛ̂ŋ 1:10

Í ɗyaāŋ ték ɓī ɗí tí ɛɓwónd nāá, Yésus Mwán wɛ̄, nɔ̄l Zɛ́mb ā gbɛl ɛ pāká mimúŋ ɔ́kɛ́, ɛ zyê tí ɛɗüǐs ɓɛ̌ jwôo. Í nyɛ ɗí tí ɛpém káɓiná tí ɛɓūk ɛ̄ mí Zɛɛ̄mb ɗí lí í kúnɔɔ lîk.

1 Tesalonisyɛ̂ŋ 4:16

Tí tɛ́m wā lɛ́ɛ́aa nāá, isínɔŋ ɓī nyɛ̂l kê, ɓot ɓá á gwók ndə́ə́ ɓeéŋgeles tí ɛɓó ɛ́kāŋgā, ɓɛ̄ gwǒk jwōnd mɛ́syōō mí Zɛɛ̄mb. Tí tɛ́m ték ɛ́, Ɗá Yésus nyɛ mot ték á á sǔl ɓɛ̌ jwôo. Ɓot o ɓā jüe ɓɔ̂ɔ tí ɛɓûklǎ Kilís ɓák ɛ́, ɓɔ̂ɔ wā nyēē pas.

Eɓelê 9:28

Jwok gwát ɛ́, Kūmāndē Zɛ́mb ā kɛs ɔ́kɛ́ ā jüéna cyuk yɛ̄ tí mɛtûnka nje kɛnd gwát tí ɛsú lɛ̄ ɛ́ɗüis mísɛ̄m mī thūnd ɓôt. Á á ɓākā zyě kɛnd mbá, ta kā ɓɛ tel tí ɛzī ɗüis mísɛ̄m ɛ́, sá gwát, tí ɛzī cis ɓót ō ɓwōnd ɛ́ ɓâk.

Apokalîs 1:7

Jüākkâ, ɛ tí ɛzye kúkūū ijuūnd! Ɓot ɓyɛ̂ɛs ɓá á ɓɛɛ ɛ̄, ísu ɓot o ɓā tūū ɛ tí iphanj ɓâk. Ikūl ɓɛ̄ íɓwaās ɓyɛ̂ɛs ɓyá á je ɛ́ɓuuɓu tí ɛsú lɛ̂. Ɛ̂ɛŋ, yá á sɛ̄ɛ̄ ɗyáŋ! Aamɛn.