«Tɛ́m ɓí sā ci íɗóó nɛ mɛɗyūū ékɛ́, mot a a kā ɗi nɛ mɛnól ɛ́sísî, ɗakɛ ɓót ō mɛ́pek o sá ê. Ɓɔ̂ɔ ɓɛ́ ɗǐ nɛ mɛnól ɛ́sísî tí ɛlyákɛl ɓót ɛ́nwɔŋnwɔŋ nāá, ɓɛ́ tí ci íɗóó nɛ mɛɗyūū. Mí kū lɛ́ɛ́ ɓén twóó oceece nāá, ɓɛ́ náǎŋ ɓɛ́ ɛ́ ɓye myɔ̄ɔ̄ myána.
Tɛ́m ú jüē pwêepweē sínɔŋ ékɛ́, wa a sá ɗōmbōl, ɗakɛ ɓót o mɛ́pek o sā twóó minjāā mī míndakla, nɛ tí ikphaāk, tí nāá ɓot ɓá á jüe ɓɛ́ kúm ê. Mí kū lɛ́ɛ́ ɓén twóó oceece nāá, mbi ɓót ōték ɛ́, ɓɛ́ ɛ́ síl ɛ́ɓye myɔ̄ɔ̄ myána.
«Thɔ́k tɛ́m ɓí sā míndakla ékɛ́, ɓyá a sá ɗakɛ ɓót o mɛ́pek o kám ɛ́sá myɛ̄ mitítɛɛ̄l twóó minjāā mi míndakla nɛ tí mɛman, tí nāá, ɓá á nyén ê. Mí kū lɛ́ɛ́ ɓén twóó oceece nāá, ɓɛ́ náǎŋ ɓɛ́ ɛ́ ɓye myɔ̄ɔ̄ myána.
Sá gwát ɛ́, mí i dakla tí ɛsú lɔ́ kām nāá, ɛɓūklā lɔ́ lá a ɓwɔ̂ɔ ɗîmb. Thɔ́k ɛ́, tɛ́m ú wā ɓākā sula tyâa zyeē ékɛ́, wa a jesa ɛ́lelɛl ɓwán ɓɛ̄ ónɔɔ̄ŋg.»