Matyôos 17:3 - Myēnj phōn mí Zɛɛ̄mb

³ Títɛɛ̄l ŋgwát ɛ́, ophōn ōlɛ́l ɓɛ̄ ɓɛ́ dā ɓɛɛ́ Moís ɓá nɛ Éli tí ɛlɛ́ɛla nɛ Yésus.

Matyôos 17:3 Iomraidhean Croise

Matyôos 17:2

Tɛ̄lā mí Yésus ū dā cénj cēnj é tí mís mɔ̄ɔ̄, phɔ̌mb nyɛ̄ nyī zyē ɛ́pɛɛpɛn ɗakɛ ɓum ɗwôo, mikānd myɛ̄ mī dá sá ɛ́pūpūpū.

Matyôos 17:4

Pyɛ̂ɛ ɛ ɓúkā lɛ́ɛ́ nɛ Yésus nāá: «Ɗâ, ī tí nwɔŋ nāá nī ɗî káyīnā wâk. Ú wā kpɛl nâk, má á sum íphālā īlɛ̂l: Gwát tí ɛsú lɔ̂, yīl tí ɛsú ɛ̄ mí Moís, yīl tí ɛsú ɛ̄ mɛ Éli.»

Máákus 9:4

Títɛɛ̄l ŋgwát ɛ́, ophōn ōlɛ́l ɓɛ̄ ɓɛ́ da ɓɛɛ Éli nɛ Moís tí ɛlɛ́ɛla nɛ Yésus.

Lókas 1:17

Á á zyě ɗakɛ lɛ́ɛ́ Pɔ́ mí Zɛɛ̄mb nɛ sisímb nɛ khul mí mgbɛ́sel mitɔɔ̄p mí Zɛɛ̄mb Éli tí nāá, á á gbá ɛ́pyaala pāká osāŋg nɛ ɓwân. Ɛ sā nāá, ɓot o sā lúk mɛ́lɔ́ nɛ Ɗâ Zɛɛ̄mb ɓák ɛ́, ɓɛ̄ kɛ̂ tí kǒ-kɛnd ɓɛ̄l ō ɗí zwēs sɔ̂kphɔɔ̄mb mí Ɗâ Zɛɛ̄mb ɓâk. Í ɗyaāŋ ték ɛ wā kwomsa ŋgúma ɛ́yɔŋ ɛ wā kámb Ɗá Zɛɛ̄mb lîk.»

Lókas 16:16

«Ti ɛnyɛl tí tɛ́m mí Moís ī kɛ́ kum tí tɛ́m mí Zwáŋ mɛɗuu-ɓot ɛ́, yā ɓɛ tɛ́m mɛtyuūŋ nɛ ɓot ɓā gbigbɛ̂s mitɔɔ̄p mí Zɛɛ̄mb ɓâk. Tí ɛkā nyɛl tí tɛ́m mí Zwáŋ ɛ́, í kā lwiiǎ tɔɔ̄p Tyâa Pɔ́ Də́ə́ mí Zɛɛ̄mb. Thɔ́k ɛ́, thūnd ɓót ɓɛ̄ tí ɛgbá khúl tí nāá, ɓá á ní twóó Də́ə́ têk.

Lókas 24:27

Yésus ɛ ɓúkā nyɛl ɛ́timbɛl ɓɛ́ ɗɛ Mɛ́kanā mɛ̄ Zɛ́mb myɛ̂ɛsa ɗí tí ɛlüǐ tɔɔ̄p wɛ̄ ê. Ɛ nyɛ́l tí mɛkanā mí Moís, ī ɗúm mɛ̄l ógbɛ́sel o mítɔɔ̄p mí Zɛɛ̄mb ɓyɛ̂ɛs.

Lókas 24:44

Phúla ték ɛ́, ɛ ɓúzī lɛ́ɛ́ nɛ nɔ̄ɔ̄ nāá: «Tɛ́m nā ɓɛ ka ndɔŋ ékɛ́, mā ɓɛ mí i lɛ́ɛ ɓeēn nāá: “Isá ī ɗí mitilā tí mɛtyuūŋ mí Moís, nɛ mɛkanā mɛ̄ Ógbɛ́sel o mítɔɔ̄p o mí Zɛɛ̄mb, nɛ Mɛkanā mɛ̄ Mɛ́jémb ɗúm nɛ naām ékɛ́, ɓí dalǎ nɛ ɛsɛ́ɛ.”»

Lókas 9:33

Tɛ́m ɓótóm ɓīnɛ́ɛ̌ŋ ɓā ɓɛ ɓɛ́ ɛ́ ɓɛsa nɛ Yésus ékɛ́, Pyɛ̂ɛ nɛ Yésus nāá: «Ɗâ, ī tí nwɔŋ nāá nī ɗî káyīnā wâk. Zá á sum íphālā īlɛ̂l. Gwát tí ɛsú lɔ̄, yīl tí ɛsú ɛ̄ mí Moís, yīl tí ɛsú ɛ̄ mɛ̄ Éli.» Lüii mí Pyɛ̂ɛ yā ɓɛ ɗɛ mót tēāā lyêm

Zwâŋ 1:17

Zɛɛ̄mb ā jüe kaɓiná ilɔ́a, ɛ tháŋ tí kɔŋ mí Moís. Í kā ɓɛ ɛ́nwɔŋ ɛ̄ lyém lɛ̄ nɛ oceece ɓɛ̄ nák ɛ́, ā jüe káɓiná ɓyá tí ɛthaŋ tí kɔŋ mí Yésus Kilîs.