Matyôos 1:1 - Myēnj phōn mí Zɛɛ̄mb

¹ Njāā ɓót mí Yésus Kilís wā nyɛl ɗêk: Yésus Kilís ā ɗüis tí ɗú ɛ̄ njāā ɓót mí Ɗávit, Ɗávit ɛ ɗüis tí ɗú ɛ̄ njāā ɓót mí Áɓilam,

Matyôos 1:1 Iomraidhean Croise

Matyôos 1:18

Ɛɓyɛ̄l ɛ̄ mí Yésus Kilís lā ɓɛ ɗêk. Malía naāŋg mí Yésus ɓá nɛ Yósɛp ɓā ɓɛ nɛ mɛtyūŋ mɛ̄ ɛ́ɓáala ɗakɛ ɓót ō kāmb Zɛ́mb ɓák o sá ê. Sá gwát ɛ́, ɛsɔ́k nāá Yósɛp ɛ gbâ Malía twóó njāā wɛ̄, Malía ɛ khɛ̄ɛ̄ ɛ́ɓum tí khul Áchāāchǎnj Sisîmb.

Matyôos 1:2

Áɓilam ā ɓyâ Ízak, Ízak ɛ ɓyā Yákɔp, Yákɔp ɛ ɓyā Yúɗa nɛ ɓwán ɓɛ̄ ónaāŋg,

Matyôos 15:22

Ɗɛ ā kɛ kum ékɛ́, nɔ̄l múmá Kanāáŋ ɛ ɓúzī zyě ɓɛ yɛ̄ nɛ ɛcím nāá: «Dōs mɛ́ khɔɔ̄ŋ! Ɗâ, Mwán mí Ɗávit. Mwâmumá waām ɛ tí íthēsā ī ɓyǒlǎ sisîmb! Yā ā dála.»

Matyôos 3:16

Ɛ ɗúú ɛ̂. Ɗɛ Yésus dá gbɔ́m tí mɛɗyūū phúla nduān ékɛ́, jwóó i ɓúzī ɗii, nyɛ thɔ́ ɓɛɛ́ Sisímb mí Zɛɛ̄mb tí ɛsul ī nɔ́ŋlā nɛ ɛpep, i zí ɓakɔɔ ɛ́ tí nôl.

Matyôos 9:27

Tɛ́m Yésus ā ɓɛ ɛ́ ɛ́ péma tí yízaāŋ pyaāt ékɛ́, ɓǎthīm ōɓá ɓɛ̄ ɓúzī ɗú ɛ́ nɛ ɛcím nāá: «Mwán mí Ɗávit, dōs ɓēs khɔɔ̄ŋ!»

Lókas 1:33

Á á ɓɛ ndə́ə́ tí ɛyɔŋ lɛ̄ ízaɛ́l itɛ́m ɓyɛ̂ɛsa. Də́ə́ yɛ̄ yá ǎ ɓɛ nɛ ɛchēs.»

Zwâŋ 7:42

Mitilā mí lɛ̄ɛ̄ nāá, Kūmāndē Zɛ́mb ā kɛs ɔ́kɛ́, á á ɓyɛ́l tí ɗú ɛ̄ njāā ɓót mí Ɗávit ɓɛ̌ Ɓɛ́tɛlɛm, ɗɛɛ̄l ɛ mí Ɗávit.»

Misāwā 2:30

Sá gwát Ɗávit ā ɓɛ mgbɛ́sel mitɔɔ̄p mí Zɛɛ̄mb. Thɔ́k ɛ́, ā ɓɛ tí gú nāá, Zɛɛ̄mb ɛ́ ɛ kɛs ɛ́, ɛ kána nāá, mwán wɛ̄ ŋgwát á á zī jila ɛ́ tí ɗia ókūmāndē yɛ̄.

Lomɛ̂ 1:3

Tyaa Pɔ́ ték nyí lüǐ tɔɔ̄p Mwán wɛ̄, Yésus kilís ā ɓyɛ̂l ɗɛ mót nyɛ̂ɛs, twóó njāā ɓót mí Ɗávit ɔ̂.

Lomɛ̂ 4:13

Zɛɛ̄mb ā ɓɛ ɛ́ ɛ́ sá Áɓilam ɓá nɛ chīlā yɛ̄ ikɛs nāá, á á jüe ɓɛ́ sī nyûk. Zɛɛ̄mb a a sâ ikɛs ī ték tí tɔɔ̄p nāá, Áɓilam ā ɓɛ tí ɛɗúɛl lɔ́a. Sá gwát ɛ́, tɔɔ̄p nāá, Zɛɛ̄mb ā nwɔŋ ɛ ɗakɛ̌ zwēs sɔ̂kphɔ̌mb nyɛ̄ tɔɔ̄p ɛ́ɓūklā lɛ̄.

Lomɛ̂ 9:5

Í ɓɔ̂ɔ o ɗí chīlā óɗá káɓiná. Kūmāndē Zɛ́mb ā kɛs ɔ́, ā ɓyɛ̂l tí ipúnd tí kúl yɔ̄ɔ̄, nyɛ mot ɗí kwóó isínɔŋ ɓyɛ̂ɛs, ɛ ɓákā ɗi Zɛ́mb dálā nɛ kúm itɛ́m ɓyɛ̂ɛs ɔ̂! Aamɛn!

Galât 3:16

Í thɔ́k jwok gwát nɛ gwát, ɗɛ íkɛs i Zɛ́mb ā sâ Áɓilam nɛ mwán wɛ̄ ê. A a lɛ́ɛ chīlā yɛ̄ ɗɛ mót ké yā jüâk thūnd mímyaā mi ɓót, í dā jüák mót ŋgwát, mot ték í Kilîs.

1 Tímotê 2:5

Nɛ dɔ nāá, í nje ték Zɛɛ̄mb ŋgwát, Nɛ ndoŋgāndóŋga ŋgwát pāká mot nɛ Zɛɛ̄mb: Ɗín lɛ̄ lí Yésus Kilîs, ɛ mot.

2 Timotê 2:8

Sīmsā Yésus Kilîs, nyɛ mot ā ɗüis tí chīlā mí Ɗávit ɔ̂. Nyɛ mot Zɛ́mb ā gbɛl ɛ pāká mimúŋ ɗakɛ tyâa Pɔ́ mí tyǎ tūnd nyík, lɛ́ɛ́ ê.

Apokalîs 22:16

«Myam Yésus, mi thēs éŋgeles waām tí ɛsú ɛ̄ nāá, ɛ zí i sá nāá, Igós ɓɛ̄ óɓúkɛl ɓí gû isá ɓīnɛ́ɛ̌ŋ. Mi tí chīlā njāā ɓót mí Ɗávit, mi thɔ́k cwēēcwēn pɛ́n tí mɛlyám ɔ̂.»