Lomɛ̂ 4:3 - Myēnj phōn mí Zɛɛ̄mb

³ Twóó oceece, Ɓǎchāāchānj ō Mítilā ɓɛ́ lɛ̄ɛ̄ nāá: «Áɓilam ā ɓɛ ɛ́ ɛ́ ɓûkla Zɛ́mb, í sá ték yā sá nāá, Zɛɛ̄mb ɛ nwɔ́ŋ ɛ ɗakɛ̌ zwēs sɔ̂kphɔ̌mb nyɛ̄ ê.»

Lomɛ̂ 4:3 Iomraidhean Croise

Matyôos 20:9

Ɓɛ̄l ō ɓā nyɛl isɛ̄ɛ̄ tí mɛwolo mɛtɛ́n mɛ̄ ɓíkokō ɓák ɛ́, ɓɛ̄ ɓúkɛ̄ zye, ákɛl ɛ ɓyé myána mɛ̄ ísɛ̄ɛ̄ ī ŋgúmǎ mwēs.

Máákus 12:10

Yésus nɛ nɔ̄ɔ̄ nāá: «Í sā mɛ̄ oké nāá, ɓí í láŋ pyaāt ɛ́kɛ́l ɛ̄ mí Zɛɛ̄mb ɛ ɗí tí ɛlɛ́ɛ́ nāá: “Ɛkɔ̄k ɛ̄ ɓót ō zúm ɓā myas lík, Lī mú petǒk njāā.

Lomɛ̂ 10:11

Í ɗakɛ Ɓááchāāchānj ō Mítilā ɗí tí ɛlɛ́ɛ́ nāá: «Nɔ̄l ɓūklā Yésus ɔ́kɛ́, a á salɔɔ.»

Lomɛ̂ 11:2

Zɛ̌mb a a lūm kɔŋ nɛ ɛyɔŋ lɛ̄ ā nyee tɔ̂p lîk. Ɓī tí gú pyaāt Ɓááchāāchānj ō Mítilā ɗí tí ɛlɛ́ɛ́ nāá, Éli ā ɓɛ tí ɛje nɛ ɗín lɛ̄ Ízaɛ́l sɔ̂kphɔɔ̄mb mí Zɛɛ̄mb ê.

Lomɛ̂ 4:11

Zɛɛ̄mb ā nyee nwɔŋ Áɓilam ɗakɛ̌ zwēs sɔ̂kphɔ̌mb nyɛ̄. Phúla ték ɛ́, ɓɛ ɓúzī kā sá ɛ́ zaŋgo. Yā ɓɛ ɛjüeēs lā lyákɛl nāá, Zɛɛ̄mb ɛ́ ɛ́ nwɔŋ ɛ́ ɗakɛ̌ zwēs sɔ̂kphɔ̌mb nyɛ̄ tɔɔ̄p ɛ́ɓūklā lɛ̄ ê. Ɓyela nāá, yā ɓɛ ɛ jína ta ɓā sáwǎ zaŋgo. Í ɗyaāŋ ték Áɓilam mú tí ɛzī ɗî sǎŋg ɓot o ɗí ɓɛ́ ɛ́ ɓûkla Zɛ́mb ɓɔ̂ɔ ta ɓā sáwaá zaŋgo ɓâk, tí nāá, Zɛɛ̄mb á á nwɔŋ ɓɛ́ thɔ́k ɗakɛ mízwēs sɔ̂kphɔ̌mb nyɛ̄.

Lomɛ̂ 4:5

Ɓyela nāá, í ɓɛ̄ nāá, mot a a sālā ŋgúmǎ sɛ̄ɛ̄, sá gwát ɛ ɓūklā Zɛ́mb nwɔ́ŋ ɓááɓyóóɓyóó ō ɓót ɗakɛ mízwēs ɓák ɔ́ nâk, ɛɓūklā lɛ̄ lá á sá nāá, Zɛɛ̄mb ɛ nwɔ́ŋ ɛ ɗakɛ̌ Zwēs.

Lomɛ̂ 4:9

Mɛnwɔŋ mɛték mɛ́ nje tí ɛsú lɛ̄ Óyúɗɛn ɛ́? Gú thɔ́k í ti nɛ ɓɛ̄l ō ɗí ta ɓɛ Óyúɗɛn ɓák? Ná a lwɔ́ nɛ lɛ́ɛ́ ká wák ɛ́chāak nāá: «Í ɛɓūklā ɛ̄ mí Áɓilam lā sâ nāá, Zɛɛ̄mb ɛ nwɔ́ŋ ɛ ɗakɛ̌ zwēs sɔ̂kphɔ̌mb nyɛ̄.»

Lomɛ̂ 9:17

Twóó Ɓǎchāāchānj ō Mítilā, Zɛɛ̄mb ɛ́ lɛ̄ɛ̄ ndə́ə́ Egíptɛn nāá: «Myam mā tɛ́l ɔ̂ ndə́ə́ tí nāá, má á thaŋ tí wɔ, tí ɛlyákɛ̌l ɗakɛ mí ɗí nɛ khul ê. I zyē pɔ́ nyaām nyá á dala sī nyɛ̂ɛs.»

Zwâk 2:23

Í ɗyaāŋ ték sá ɗí tilā tí Ɓaáchāāchānj ō Mítilā yā lwónd e, yā lɛ́ɛ nāá: «Áɓilam ɛ́ ɛ ɓɛ nɛ ɛɓūklā nɛ Zɛɛ̄mb, Zɛ̌mb ɛ ɓúzī nwɔŋ ɛ́ ɗakɛ̌ zwēs tɔɔ̄p ɛ́ɓūklā lɛ̄.» Nyɛ thɔ́k jóó ɛ nāá, sɔ̄ wɛ̄.

Zwâk 4:5

Ɓyá a sîmsa nāá, sá Mɛ́kanā mɛ̄ Zɛ́mb lɛ̄ɛ̄ nāá: «Zɛ̌mb ɛ tí ɓū gúɛl sisímb ā gbâ twóó mɛnól kámīnā,» ékɛ́, í títoōk.