Lókas 9:42 - Myēnj phōn mí Zɛɛ̄mb

⁴² Ɗɛ mwán ték a ɓɛ tí ɛzyě ɓɛ ɗá mí Yésus ékɛ́, ɓyǒlǎ sisímb ínɛ́ɛ̌ŋ ī dá khɛ́ɛ́ ɛ́, ī nīp ɛ́ sī, nɛ ɛthɛnj ɛ́ khul. Sá gwát ɛ́, Yésus ɛ ɓúzī khákhɔɔ nɛ ɓyǒlǎ sisímb têk, ɛ cís mwán ɔ́nɔ́ɔ̌ŋ, ɛ nwɔ́ŋ ɛ́, ɛ jüe ɛ́ sāŋg.

Lókas 9:42 Iomraidhean Croise

Máákus 9:20

Ɓɛ ɓúzī zye ɛ́ nɛ mwán têk. Ɗɛ ɓyǒlǎ sisímb dá ɓɛɛ Yésus ékɛ́, ī ɓúzī thɛnj mwán ték ɛ́ɓyóóɓyôo. Ī ɗúm ɛ́ sī. Ɛ nyɛ́l ɛ́ɓyûŋla sī nɛ sī, mɛpúl mɛ̄ dá sá ɛ́ tí nup ɛ́thwombɛ thwombɛ.

Lókas 7:15

Múŋ u dá gbǎl gbal ê, ɛ nyɛ́l ɛ́lüii. Yésus ɛ ɓúzī nwɔŋ ɛ́, ɛ jüe ɛ́ naāŋg.

Lókas 9:39

Ɓyǒlǎ sisímb ī tí ɛní ɛ́ tí nôl. Tɛ́m ī nī ɛ́ ɗyaāŋ ékɛ́, ɛ cīm ɛ́ɓuuɓu, ī thɛ́nj ɛ́ khul, mɛpúl mɛ̄ gbīgbās ɛ́ tí nup. Tɛ́m ɗí í í mɛ́t ɛ́ ɗyaāŋ ékɛ́, yá ǎ ɓyét ɛ́, yɔ̂ɔ ta ɓā sá ɛ́ ɛɓyôo.

Lókas 9:41

Yésus ɛ ɓúzī nwɔŋ ɛ́kɛ̂l nyɛ nāá: «Wɛɛ́ɛ̄! Ɓyɔ̂ɔ ɓot o ɓíliīk ɓyá a ɓɛ̄ nɛ ɛɓūklā, ɓí nje ték tí ɛsá ɛ́ɓyôo! Ná á ɗi ká ndɔŋ ī kɛ́ kum tí yɔ́ɔ́ tɛ̂m? Má á jísɔɔ ɓén i kɛ́ kum tí yɔ́ɔ́ tɛ̂m? Thā nɛ mwán ɔ̂.»

Lókas 9:43

Mot nyɛ̂ɛs ā ɓɛ twóó okāmāmā, tí ɛɓɛɛ́ thūnd khúl mí Zɛɛ̄mb. Ɗakɛ ɓɛ́ ɓyɛ̂ɛsa ɓā ɓɛ tí ɛpak sá Yésus ā sâ ékɛ́, Ɛ ɓúkā lɛ́ɛ́ nɛ ophōn ɓɛ̄ nāá:

Zwâŋ 6:19

Í tɛ́m ophōn ō mí Yésus ɗí ɓɛ́ ɛ́ sá mínɔŋ mi tɛ́n gú thɔ́k twōō ékɛ́, ɓɛ́ ɗí tí ɛɓɛɛ Yésus tí ɛzyě ɓɛ yɔ̄ɔ̄, ɛ kīkɛ̄ kwóó mɛɗyūū ê. Ī ɓúzī sá ɓɛ́ ɓwōŋ.

Misāwā 9:41

Pyɛ̂ɛ ɛ ɓúzī mɛ́t ɛ́ tí mbɔ̂, ɛ gbɛ́l ɛ́. Phúla ték ɛ́, ɛ jōō óɓúkɛl nɛ mikús mī ɓúá, ɛ lyākɛ̄l ɓɛ́ Taɓíta kuúla.

Apokalîs 12:12

Í yɛ́ ɗí nāá, jwóó, nɛ ɓyɔ̂ɔ ɓot o ɗí pyǎŋ ɓák ɛ́, Myaŋlakâ! Sá gwát, ɛkɔ̌p nɛ mâŋ, nɛ ɓot ɓɛ̄ íɓwaās! Nɛ dɔ nāá, ɓyǒla mót ɛ́ ɛ́ sǔl pyǎŋ ɓɛ yěn Lwōndlā nɛ ánénén ɛɓūk, Nɛ dɔ nāá, ɛ tí gú nāá, tɛ́m yɛ̄ i līs kékê.»