Lókas 9:22 - Myēnj phōn mí Zɛɛ̄mb

²² Ɛ ɓúzī ɓākā lɛ́ɛ́ nāá: «Í je nāá, Mwán mí mot ɛ ɓɛ́ɛ mitūŋ ɛ́ɓuuɓu. Otōmbá ɓɛ̄ óyúɗɛn, nɛ ɓǎnénén ɓɛ̄ ífata i mɛ́tûnka, nɛ iyêkle ɓɛ̄ ílɔ́a, ɓá á lúm kɔŋ nɛ nɛ̄, ɓɛ̄ dō ɛ́, tí ɛlú ɛ̄ lɛ́l ɛ́, nyɛ thɔ́ pas.»

Lókas 9:22 Iomraidhean Croise

Matyôos 17:12

Sá gwát, mí lɛ̄ɛ̄ ɓén nāá: Éli ɛ ɓɛ̄ ɛ́ ɛ́ zye, ɓot ta gú nāá í nyɛ. Ɓɛ̄ sā ɛ́ thɔ́k ɗɛ ɓɔ̂ɔ ɓā ɓā kpɛl ê. Í thɔ́k jwok gwát nɛ gwát ɓɛ́ wā sá nāá, Mwán mí mot ɛ ɓóma nɛ mitūŋ ê.»

Matyôos 17:22

Wūl mwēs ɛ́, ophōn ɓyɛ̂ɛs ɓā ɓɛ ɓɛ́ ɛ́ gwêsla ɓɛ̌ Galilê. Yésus ɛ ɓúzī lɛ́ɛ́ nɛ nɔ̄ɔ̄ nāá: «Ɓá á ɓɔ́msa Mwán mí mot, nɛ ɓot.

Matyôos 27:63

Ɓɔ̂ɔ nɛ nɛ̄ nāá: «Ndə̂ə, í sā ɓés oké nāá, ɓyǒla mót ɔ́kɛ́, tɛ́m ā ɓɛ ɛ jína tí ɛcyuk ékɛ́, ɛ́ ɛ lɛ́ɛ nāá: “Phúla mɛlú mɛ̄lɛ́l ɛ́, á á pas.”

Máákus 8:31

Phúla ték ɛ́, Yésus ɛ ɓúzī nyɛl ɛ́jüe óphōn ɓɛ̄ sukûl, nyɛ nɛ nɔ̄ɔ̄ nāá: «Í je nāá, Mwán mí mot ɛ ɓɛ́ɛ mitūŋ ɛ́ɓuuɓu. Ótōmbá ɓɛ̄ óyúɗɛn, nɛ ɓǎnénén ɓɛ̄ ífata i mɛ́tûnka, nɛ iyêkle ɓɛ̄ ílɔ́a, ɓá á lúm kɔŋ nɛ nɛ̄. Ɓɛ̄ dō ɛ̂, phúla mɛlú mɛ̄lɛ́l ɛ́, nyɛ thɔ́ pas.»

Máákus 9:31

Nɛ dɔ nāá, ā ɓɛ tí ɛlyákɛl óphōn ɓɛ̄ sukúl, ɛ līlɛ̄ɛ̄ nɛ nɔ̄ɔ̄ nāá: «Ɓá á ɓɔ́msa Mwán mí mot nɛ ɓot o ɗí ta gú Zɛ́mb ɓâk. Ɓot oték ɓɛ̄ dō ɛ̂. Phúla mɛlú mɛ̄lɛ́l ɛ́, nyɛ thɔ́ gbal tí ɛvit.»

Lókas 17:25

Sá gwát í je nāá, Mwán mí mot ɛ nyée ɓɛɛ mítūŋ, ɓot o ɓíliīk ɓɛ̄ ɓyén ɛ̂.

Lókas 24:26

Gūká nāá: “Yā je nāá, Kūmāndē Zɛ́mb ā kɛs ɔ, ɛ ɓɛ́ɛ mitūŋ ɗyaāŋ. Phúla ték ɛ kɛ́ ní tí kúm nyɛ̄.”»

Lókas 24:44

Phúla ték ɛ́, ɛ ɓúzī lɛ́ɛ́ nɛ nɔ̄ɔ̄ nāá: «Tɛ́m nā ɓɛ ka ndɔŋ ékɛ́, mā ɓɛ mí i lɛ́ɛ ɓeēn nāá: “Isá ī ɗí mitilā tí mɛtyuūŋ mí Moís, nɛ mɛkanā mɛ̄ Ógbɛ́sel o mítɔɔ̄p o mí Zɛɛ̄mb, nɛ Mɛkanā mɛ̄ Mɛ́jémb ɗúm nɛ naām ékɛ́, ɓí dalǎ nɛ ɛsɛ́ɛ.”»

Lókas 24:7

“Í je nāá, ɓɛ̄ jüéna Mwán mí mot nɛ iɓyǒla i ɓôt. Iɓyǒla i ɓót ī ték ɓɛ̄ ɓómɛ̄l ɛ́ tí kolos. Tí ɛlú ɛ̄ lɛ́l nák ɛ́, nyɛ thɔ́ zī pas.”»

Lókas 9:44

«Gū kɔ́njká mɛlɔ́ mēn, ɓī gwōk sá mí wā lɛ́ɛ́ ɓén ɗék ê. Ɓá á ɓɔ́msa Mwán mí mot, nɛ ɓot o ɗí ta gú Zɛ́mb ɓâk.»

1 Kolɛ̂ŋt 15:4

Ɓā ɓɛ ɓɛ́ ɛ́ ɗel ɛ̂, ɛ ɓúzi pas tí ɛlú ɛlɛ́l ɗakɛ Ɓááchāāchāŋj ō Mítilā ɓā nyee lɛ́ɛ́ ê.

1 Pyɛ̂ɛ 1:11

Ɓɛ̄ ɓú sisáŋ ɛ́gú ítɛ́m nɛ mɛzyel mɛ̄ ísá ī ték wā sɛ́ɛ́ ékɛ́, ɗakɛ Sisímb Kūmāndē Zɛ́mb ā kɛs ɔ, yā ɓɛ twóó nyɔ̄ɔ̄ ékɛ́, yā ɓā lɛ́ɛ́ ê. Sisímb ték yā ɓɛ í í nyēē lɛ́ɛ́ ɛ́sɔ́k tɔ̌p Kūmāndē Zɛ́mb ā kɛs ɔ́ wā ɓɛɛ mítūŋ, nɛ kúm, ɛ́ wā ɓye phúla ték ê.