Lókas 7:38 - Myēnj phōn mí Zɛɛ̄mb

³⁸ Ɛ zí kút mɛ́ɓɔ̄ŋ zinjá mɛkoō mí Yésus, ɛ nyɛ́l ɛ́jüeē. Ɛ jé ɛ́jejeje, myāŋɛ́l mɛ̄, mɛ̄ ɓɔ́t Yésus mɛkoō. Ɛ ɓúkā nwɔŋ phwóŋ nyɛ̄, ɛ tínd mɛ́koō mɛték nɛ yɛ̂. Ɛ ɓyéndɛ̄l mɛ̂, ɛ só mɛ́ loɓínda.

Lókas 7:38 Iomraidhean Croise

Matyôos 5:4

Lɛ̄m nɛ ɓɛ̄l ō ɗí tí ɛje ɓâk, Nɛ dɔ nāá, Zɛɛ̄mb á á phwámbɛl ɓɛ̂!

Lókas 22:62

Pyɛ̂ɛ ɛ dá gbás ɛ́, ɛ kɛ́ je ɓyǒla.

Lókas 6:21

Lɛ̄m nɛ ɓyɔ̂ɔ ɓot o gwōk zá ɛ́chāak ɓâk, Nɛ dɔ nāá, ɓyá á ɓɛ ɛ́myān tí mgbela íɗôo! Lɛ̄m nɛ ɓyɔ̂ɔ ɓot o ɗí ɛ́chāak tí mɛjüé ɓâk, Nɛ dɔ nāá, ɓyá á ɓɛ ɛ́myān tí mimyaŋla!»

Lókas 7:37

Í i ɓɛ nɛ nɔ̄l múmá imɔlā tí khanda têk. Ɗɛ ā gwōk nāá, Yésus ɛ tí ɛɗēē ɓɛ̌ njāā mí Fatizyɛ́ŋ énɛ́ɛ̌ŋ ékɛ́, ɛ ɓúzī zye nɛ tyaa thǎk loɓínda.

Lókas 7:39

Ɗɛ̌ Fatizyɛ́ŋ mot ā ɓándɛl Yésus ɔ́ ā ɓɛɛ ɗyaāŋ ékɛ́, ɛ ɓú lilɛ́ɛ́ tí lyém wɛ̄ nāá: «Mot ɔ́kɛ́ ɛ ɓɛ̄ mgbɛ́sel mitɔɔ̄p mí Zɛɛ̄mb nâk, phú ɛ́ ɛ́ gú tɛ̄lā múmá ɗí tí ɛkúna nɛ nɛ̄ ɗék ɔ̂: Sá múmá misɛ̄m.»

Zwâŋ 11:2

Malía ték ɗí mumá ā so Ɗá Yésus loɓínda tí mɛkoō, ɛ tínd ɛ́ má nɛ phwoŋ nyɛ̄ ɔ̂, ā ɓɛ kɛ̄l mí Lazâa mot ā ɓɛ tí ɛkpay ɔ̂.

Zwâk 4:9

Ɗiká tí phimb tí tɔɔ̄p mísɛ̄m myēn, sāká mɛda, ɓī jé mɛ́jüê. Í je nāá, dɔ yēn ī línjā mɛjüê, myaŋla wēn ū línjā phîmb.