Lókas 6:45 - Myēnj phōn mí Zɛɛ̄mb

⁴⁵ Tyaa mot ɛ́ dá sá tyâa isīsɛ̄ɛ̄ tɔɔ̄p nāá, lyém wɛ̄ ū tí nwɔŋ. Ɓyǒla mót ɛ́ dā sá íɓyǒla ɓɛ̄ ísīsɛ̄ɛ̄ tɔɔ̄p nāá, lyém wɛ̄ ū tí ɓyôo. Mot ɛ́ dā gbɛ́s yīl ɗí lwōndlā twóó lyém wɛ̄ ê.»

Lókas 6:45 Iomraidhean Croise

Zwâŋ 7:38

“Mot ɓūklā mɛ́ ɔ́kɛ́, misomb mi mɛ́thyūū mɛ̄ jüē cyuk mák ɛ́, myá á gúŋɛl tí lyém wɛ̄,” ɗakɛ Mɛ́kanā mɛ̄ Zɛ́mb lɛ́ɛ́ ê.»

Misāwā 5:3

Pyɛ̂ɛ ɛ ɓúzī jí nɛ nɛ̄ nāá: «Ánanyaās, í yɛ̄ ú ɓyēt nāá, Sátan ɛ ní ɔ tí lyêm ɗyaāŋ e? Ɓā ɓɛɛ nāá, ú ú kwóŋ Áchāāchǎnj Sisîmb, ú ú ɓɛ́s līl ɛ́kɔɔ ɛ̄ mɔnī pɛ́s ɓwaās yɔ́ ú ɓɔ̄mā ê.

Efezyɛ̂ŋ 3:8

Myam ɗí mwâthɛɛ̄mb tí ndɔŋ ɓót ō mí Kūmāndē Zɛ́mb ā kɛs ɔ́ ɓyɛ̂ɛs. Ɓyela yɔ̂ɔ nāá Zɛɛ̄mb ɛ́ ɛ́ jüe mɛ́ thúmb nāá mi lɛ́ɛ ɓɛ̄l ō ɗí ta ɓɛ Óyúdɛn ɓák, mɛɗím mɛ̄ mɛ́nwɔŋ mí Kūmāndē Zɛ́mb ā kɛs ɔ̂.

Efezyɛ̂ŋ 4:29

Ɓyá a gbɛ́s íɓyǒla i mɛ́kɛ́l tí minup myēn, sá gwát dā gbɛ́ská mɛkɛ́l mɛ̄ ɗí nɛ khul ɛsá nāá, ɓot ō ndɔŋ yēn ɓɛ̄ gwée kê, mɛ̄ sā ɓɛ̄l ō wā gwók mɛ́ ɓák ɛnwɔŋ ê.

Efezyɛ̂ŋ 5:19

Jēmbkānā ɓák ɓɛ̄ jēmb ɓák idaā i ɗüís tí mɛkanā mɛ̄ Zɛ́mb ɓîk, ɓī jēmb ídaā i ɓót ō mí Zɛɛ̄mb ti nɛ mimbi mī ídaā myɛ̂ɛs Sisímb jüē ɓén ɓîk. Jēmbkâ, ɓī lúŋgɛ̄l Ɗá nɛ milyém myēn myɛ̂ɛs.

Kolosyɛ̂ŋ 3:16

Ī je nāá, ɓī ɗî milwōndlā nɛ ɛkɛ̄l ɛ̄ Kūmāndē Zɛ́mb ā kɛs ɔ̂. Lyāklāká Ɛkɛ́l ɛ̄ mí Zɛɛ̄mb, lyōwōlká pāká nyēn nɛ pek yɛ̂ɛs ɓí ɗí nɛ yɛ́ ê. Myaŋlaká nɛ Zɛɛ̄mb. Jēmbkānā nɛ milyém myēm myɛ̂ɛs ɓák ɓɛ̄ jēmb ɓák idaā i ɗüís tí mɛkanā mɛ̄ Zɛ́mb ɓîk, ɓī jēmb ídaā i ɓót ō mí Zɛɛ̄mb, ti nɛ mimbi mī ídaā myɛ́ɛ̌s Sisímb jüē ɓén ɓîk.

Kolosyɛ̂ŋ 4:6

Í je nāá, mɛkɛ́l mēn mɛ̄ ɓɛ̂ tyaa mɛkɛ́l mɛ̄ ɗí nɛ nɔm mák tɛ́m yɛ̂ɛs, i zyē ɓyá á gú ɛ́ɓɛ́s nɛ ákɛl nɛ kɛl ɗakɛ í dála ê.

Eɓelê 8:10

Phōn mí wā lǎt nɛ ɛyɔŋ lɛ̄ Ízaɛ́l ékɛ́, nyá á ɓɛ ɗêk: Phúla mɛlú mɛ̄ték ɛ́, Má á gbā ílɔ́a ɓyám tí ipek ɓyɔ̄ɔ̄, Mi tíl ɓyɛ́ tí milyém myɔ̄ɔ̄, Má á ɗi Zɛ́mb wɔ̄ɔ̄, Ɓɔ̂ɔ ɓɛ̄ ɗí ɛ́yɔŋ lâm. Í myam Ɗá lɛ̄ɛ̄ ɗyáŋ!

Yûuɗ 1:15

tí ɛzī cyúkɛl mítɔɔ̄p mi mót nyɛ̂ɛs, ɛ pɔ́nɛ̄s ɓót ō mísɛ̄m ɓyɛ̂ɛs tí iɓyǒla ɓɛ̄ ísīsɛ̄ɛ̄ ɓyɛ̂ɛs ɓā sâ zinjá nyɛ̄, nɛ tí mɛkɛ́l mɛ̄ íɓyasi myɛ̂ɛs ɓót ɓīnɛ́ɛ̌ŋ ɗí ta ɓɛ nɛ ɗūū ɓák ɓā lɛ́ɛ́ ɛ mâk.»