Lókas 5:24 - Myēnj phōn mí Zɛɛ̄mb

²⁴ Ɛ̂ɛŋ, gūká nāá, myam Mwán mí mot mi nɛ də́ə́ nāá, mi jû ɓot misɛ̄m wák tí iɓwaās ɓîk.» Phúla ték ɛ́, nyɛ nɛ ɓōkā nāá: «Gbal ê! U nwɔ́ŋ dídɔɔ̄ŋ yɔ̂, u tɔ̄ ɓɛ̌ njāā wēn!»

Lókas 5:24 Iomraidhean Croise

Matyôos 16:13

Yésus ɛ ɓúzī kǔm ɓɛ̌ Sezalé mí Fílíp. Ɛ ɓúkā zī jí nɛ ophōn ɓɛ̄ nāá: «Ɓot ɓɛ́ pūkū lɛ́ɛ́ nāá, myam Mwán mí mot mi zɛ̄?»

Matyôos 25:31

«Tɛ́m Mwán mí mot wā zye twóó kúm nyɛ ɓá nɛ ɓeéŋgeles ɓyɛ̂ɛsa ékɛ́, á á ɗi sī kwóó ɗǐ də́ə́ kúm nyɛ̄.

Matyôos 26:64

Yésus ɛ ɓúzī ɓɛ́s nɛ nɛ̄ nāá: «Ī ɗɛ ú lɛ̄ɛ̄ ɗyáŋ ê. Sá gwát mí lɛ̄ɛ̄ ɓén nāá: Tí ɛnyɛl ɛ́chāak ɛ́, ɓyá á kā ɓɛɛ Mwán mí mot ndíndiīl ɓɛ mbɔ́ ɛ́dóm mí Zɛɛ̄mb ɗí nɛ khul ɔ́, tí ɛzye tí ijūnd ī jwôo.»

Matyôos 28:18

Yésus ɛ ɓúzī jémbǎ ndumɛ nɛ nɔ̄ɔ̄, nyɛ nāá: «Zɛɛ̄mb ɛ́ ɛ́ jüe mɛ́ də́ə́ yɛ̂ɛs tí ɛnyɛ̌l ɓɛ̌ jwôo, ī zí kum tí iɓwaās.

Matyôos 4:24

Pɔ́ nyɛ̄ nyī ɓúzī dala cǐl ɓwǎs Silí yɛ̂ɛsa. Ɓɛ̄ ɓú kɛ̄ zye ɛ́ nɛ mimbɛ́l mimbi mimbi, nɛ ɓɛ̄l ō ɓā ɓɛ tí ithēsā ɓɛ̄ íɓyǒla ɓɛ̄ ísisímb ɓâk. Nɛ ɓot ɓɛ̄ íɓôk, nɛ iɓōkā, kā zī nwɔŋ mínjēmōt. Yésus ɛ jījwóm ɓɛ̂.

Matyôos 9:6

Ɛ̂ɛŋ, gūká nāá, myam Mwán mí mot mi nɛ də́ə́ ɛ́ju ɓót misɛ̄m wák tí iɓwaās ɓîk. Phúla ték ɛ́, nyɛ nɛ ɓōkā nāá: “Gbal ê! U nwɔ́ŋ dídɔɔ̄ŋ yɔ́, u tɔ̄ ɓɛ̌ njāā wēn!”»

Lókas 5:13

Yésus ɛ ɓúzī kɔ́s mbɔ̂ ɛ kūnā nɛ nɛ̄, nyɛ nɛ nɛ̄ nāá: «Mí í kam. Kōt yɔ́ ī chánjɔɔ ê!» Thɔ́k títɛɛ̄l ŋgwát ɛ́, zaām yɛ̄ ī dá sí sî.

Lókas 5:18

Ɓɛ̄l ɓót ɓɛ̄ ɓúzī zye nɛ yīl ɓōkā, ɓɛ̄ khɛ̄ɛ̄ ɛ́ tí dídɔɔ̄ŋ, ɓɛ̄ sāŋ ɛ́ní nɛ nɛ̄ tí nāá ɓá á ka ɛ́ sɔ̂kphɔɔ̄mb mí Yésus.

Lókas 5:23

Nɛ ɛlɛ́ɛ́ nɛ mbɛ́l nāá: “Mí í ju ɔ́ misɛ̄m myɔ̂.” Nɛ ɛlɛ́ɛ́ nɛ nɛ̄ nāá: “Gbal é u nyɛ́l kɛnd.” Í yɔ́ɔ́ ɗía?

Lókas 7:14

Ɛ ɓúzī tɔ̂, ɛ kūnā nɛ phɔtɔ. Ɓot ɓā khikhɛ́ɛ phɔtɔ ték ɓák ɓɛ̄ ɓúzī tyâa. Yésus ɛ ɓúzī lɛ́ɛ́ nāá: «Mwáámgbānj, mí lɛ̄ɛ̄ ɔ́ nāá, gbal ê!»

Lókas 8:54

Yésus ɛ ɓú dā mɛ́t mwâmumá ték tí mbɔ́, ɛ jōō ɛ́ khul, nyɛ nāá: «Mwâmumá, gbal ê!»

Zwâŋ 11:43

Phúla ā lɛ́ɛ ɗyaāŋ ékɛ́, ɛ ɓúzī khákɔɔ khûl, nyɛ nāá: «Lazâa, gbās ê!»

Zwâŋ 17:2

Í wɔ jüē ɛ́ də́ə́ zinjá mot nyɛ̂ɛs tí nāá, ɓot ú jüē ɛ́ ɓá ɓák ɛ́, ɛ jüē ɓɛ cyuk mɛ́lú myɛ̂ɛs.

Zwâŋ 3:13

Nɛ dɔ nāá, nɔ̄l mót a a ɓá tɔ́ ɓɛ̌ jwóó phúla myam Mwán mí mot, nɔ̄l ā ɗüis ɓɛ̌ jwóó ɔ̂.

Zwâŋ 5:27

Ɛ ɓākā jüe Mwán də́ə́ ɛ́cyúkɛl mítɔɔ̄p nɛ dɔ nāá, ɛ Mwán mí mot.

Misāwā 14:10

Pɔ́l ɛ ɓúzī ɓén jwōnd ɛ lɛ̄ɛ̄ ɛ́ nāá: «Gbal e, u tyaa títɛɛ̄l ɛ́písi!» Ɛ dá gbal ɛ́kôsló ɛ nyɛ́l kɛnd.

Misāwā 5:31

Ɛ ɓúzī ɓén ɛ́ ɓɛ ɛ́kó, ɛ ɗíl ɛ́ ɓɛ̄ mbɔ́ ɛ́dóm wɛ̄, ɛ tɛ̄l ɛ́ Ndə́ə́ nɛ Cisa ɓót tí nāá, á á jüe ɓót ɓɛ̄ Ízaɛ́l zyē nāá, ɓɛ̄ cênj icyuk, Zɛ̌mb ɛ jú ɓɛ́ misɛ̄m myɔ̄ɔ̄.

Misāwā 9:34

Pyɛ̂ɛ nɛ nɛ̄ nāá: «Enê! Yésus Kilís ɛ́ ɛ́ cis ɔ̂! Gbal ê, u gwōl ɓúm yɔ́, u kpâŋ!» Nyɛ thɔ́k ɛ́kôsló.

Misāwā 9:40

Pyɛ̂ɛ ɛ ɓúzī gbɛ́s ɓót ɓyɛ̂ɛs, ɛ kūt mɛ́ɓɔ̄ŋ ɛ dákla. Ɛ lyûŋg ɛ jüǎk mûŋ, nyɛ nɛ nɛ̄ nāá: «Taɓíta gbal ê.» Taɓíta ɛ ɓúzī ɓɛ́ɛ́ mîs, ɛ ɓɛ́ɛ́ Pyɛ̂ɛ. Ɛ gbal, ɛ ɗí sī tí dɔ̄ŋ sɔ̂kphɔ̌mb nyɛ̄.

Apokalîs 1:13

Kúkǔ olámba oték ɛ́, í i ɓɛ nɛ mot ɛ nɔ́ŋlǎ nɛ mwâmot, ɛ́ ɛ́ ɓwát dǎlǎ zīŋgī ī kúm ɛ́ ɓɛ mɛ́koō ti nɛ kandā sāwā nɛ gól tyuŋlā tí kuū.