Lókas 5:21 - Myēnj phōn mí Zɛɛ̄mb

²¹ Ɗɛ Ófatizyɛ́ŋ nɛ iyêkle ɓɛ̄ ílɔ́a gwōk ɗyáŋ ékɛ́, ɓɛ̄ ɓúzī nyɛl ɛ́sîmsa ɗêk: «Nɔ́k nyɛ ɛ ku yɔ̂ɔ zɛ̄? Ɓā gwókká ɗɛ ɛ́ ɗí tí ɛɓáwɛl Zɛ́mb nɛ wūnɛ́ɛ̌ŋ mbi mɛ́kɛ́l ê! Zɛ̄ ɗí nɛ khul ɛju mót misɛ̄m tí iɓwaās ɓík phúla Zɛ̌mb nyɛɛmɛ̄t ɔ̂!»

Lókas 5:21 Iomraidhean Croise

Matyôos 26:65

Ndə́ə́ ifata í mɛ́tûnka ɛ dá naŋ míkānd, nyɛ nāá: «Ɛ́ ɛ́ lə́ə́ Zɛ́mb! Á ní kā ɓākā sáŋ kā tel wɔ́ɔ́ mót tí nāá, á á zī lɛ́ɛ́ káɓiná oceece ɔ̄ tɔɔ̄p mót ɔ̂! Ɓyɔ̂ɔ ɓot oték ɓí í gwɔ́k ɗɛ ɛ́ ɓyasi Zɛ́mb ê.

Matyôos 9:3

Ɓīl íyêkle ɓɛ̄ ílɔ́a ɓī dá nyɛl ɛ́sîmsa twóó milyém myɔ̄ɔ̄, ɓɔ̂ɔ nāá: «Mot ɔ́kɛ́, ɛ tí ɛlə́ə́ Zɛ́mb.»

Lókas 3:8

Sākāná phɛ̄ tyaa isīsɛ̄ɛ̄ ī lyākɛ̄l nāá, ɓí í lúm míkɔŋ nɛ ɛ́ɓyôo ê. Ɓyá a dá gú ɛ́swômbla nāá: “Zí chīlā mí Áɓilam.” Gūká nāá, Zɛɛ̄mb ɛ nɛ khul ɛlinj mɛ́kɔ̄k mák ɓwán ō mí Áɓilam.

Lókas 5:17

Tí wūl mwēs ɛ́, Yésus ā ɓɛ tí ɛlyákɛl ɓót ɛkɛ́l ɛ̄ mí Zɛɛ̄mb. Ofatizyɛ́ŋ nɛ iyêkle ɓɛ̄ ílɔ́a ɓā ɓɛ yes. Ɓɛ̄ tyāā ɓɛ mɛ́l mɛ̄ pák Galilé, nɛ Yuɗê, zī kā nwɔ̌ŋ Yotósalɛm. Khul mí Zɛɛ̄mb nyā ɓɛ nɛ nɛ̄. Ɛ ɓú jijwom mímbɛ̂l.

Lókas 5:22

Ɗakɛ Yésus ā ɓɛ tí gú ósīmsā ɓɔ̄ɔ̄ ékɛ́, ɛ ɓúkā jí nɛ nɔ̄ɔ̄ nāá: «Í yɛ̄ ɓí ɗí nɛ wūnɛ́ɛ̌ŋ mbi ósīmsā ê?

Lókas 7:49

Ɓot ō ɓá nɛ nɔ̄ɔ̄ ɓā ɓɛ tí ɛɗēē ɓák ɛ́, ɓɛ̄ ɓú lilɛ́ɛ́ twóó milyém myɔ̄ɔ̄ nāá: «Nɔ́k ɛ zɛ̄, ɗí thɔ́k tí ɛju ɓót misɛ̄m ɔ̂?»

Zwâŋ 10:33

Oyúɗɛn ɓɛ̄ ɓúzī ɓɛ́s nɛ nɛ̄ nāá: «Yá a ɓɛ̄ tí tɔɔ̄p tyâa isīsɛ̄ɛ̄ zí kám ɛdó ɔ́ nɛ mɛkɔ̄k ê. Zí kam ɛdó ɔ́ tí tɔɔ̄p nāá, u tí ɛlə́ə́ Zɛ́mb. Ú kam ɛ́lɛ́ɛ́ nāá, u Zɛ̌mb ɓyela nāá, u ku mót ɗɛ zyɔ̂ɔ!»

Lomɛ̂ 8:33

Í zɛ̄ wā put ɓɛ̄l ō Zɛ́mb ɗí ɛ́ ɛ́ tɔ́p ɓák ɔ̂? Yá a ɓɛ̄ nɛ mot. Nɛ dɔ nāá, Zɛ̌mb nyɛ mot ték ɛ́ nwɔŋ ɓɛ́ ɗakɛ mízwēs sɔ̂kphɔ̌mb nyɛ̄.