Lókas 4:17 - Myēnj phōn mí Zɛɛ̄mb

¹⁷ Ɓɛ̄ ɓúzī jüe ɛ́ mɛkanā mí mgbɛ́sel mitɔɔ̄p mí Zɛɛ̄mb Izaî. Ɛ nwɔ́ŋ mɛ́, ɛ gûnj. Ɛ kɛ́ ɓyelǎ pyaāt ɗí tilā nāá:

Lókas 4:17 Iomraidhean Croise

Lókas 16:29

Áɓilam nɛ nɛ̄ nāá, ɓɛ́ nɛ mɛtyuūŋ mí Moís nɛ mitilā mī ógbɛ́sel o mítɔɔ̄p o mí Zɛ̌mb pyaāŋ, ɓɛ̄ ɗúɛl myɛ̂.

Lókas 20:42

Tí ɛɓɛɛ nák ɛ́, tí mɛkanā mɛ̄ Mɛ́jémb mí Ɗávit ɛ́, nyɛ mot ték ɛ́ lɛ̄ɛ̄ nāá: “Ɗá Zɛɛ̄mb ā lɛ́ɛ nɛ Ɗá waām nāá: Thā ɗi mɛ́ ɓɛ mbɔ́ ɛ́dóm wâm,

Lókas 4:16

Yésus ɛ ɓúzī tɔ́ ɓɛ̌ Nazalɛ́ pyaāt ā ɓa ɓwɔk ê. Tí mwēs Saɓá, ɛ ɓúzī ní twóó phǎnj mindakla. Nɛ dɔ nāá, yā ɓɛ ŋgúma tíka tí ɛsú lɛ̄. Ɛ ɓúzī gbal tí ɛláŋ Ɛ́kɛ́l ɛ̄ mí Zɛɛ̄mb.

Lókas 4:18

«Sisímb mí Zɛɛ̄mb í nɛ naām, Ɛ tɛ̄l mɛ́ nāá, mi lɛ́ɛ mipwêepweē Tyaa Pɔ̂. Ɛ thes mɛ́ nāá, mi zí í lɛ́ɛ́ nɛ mimbok nāá, ɓɛ̄ mú mitiā. Nɛ ɛlɛ́ɛ́ ɓááchīm nāá, ɓɛ̄ ɓákā nyɛl ɛ́ɓɛɛ. Nɛ ɛzī cis ɓɛ̄l ō ɗí tí mitūŋ ɓâk.

Lókas 4:20

Phúla ték ɛ́, Yésus ɛ ɓúzī gwól mɛ́kanā mɛ̄ têk, ɛ nwɔ̂ŋ, ɛ jüē sɛ́l phǎnj mindakla. Ɛ ɓūlɛ̄l nól nyɛ̄, ɛ ɗí sī. Ɓot ɓā ɓɛ náǎŋ ɓák ɛ́, ɓɛ ɓú jijüák ɛ̂.

Misāwā 13:15

Phúla ɓā ɓɛ ɓɛ́ ɛ́ láŋ yīl pyaāt tí mɛkanā mɛ̄ ílɔ́a nɛ mɛ̄l mɛ̄ ógbɛ́sel o mítɔɔ̄p mí Zɛɛ̄mb ékɛ́, odə́ə́ ō njāā míndakla Óyúɗɛn ɓɛ̄ ɓúzī kɛnd mót tí ɛkɛ̄ lɛ́ɛ́ nɛ nɔ̄ɔ̄ nāá: «Ɓwán ɓɛ̄ onaāŋg, í ɓɛ̄ nāá, ɓí nɛ ɛkɛ́l ɛ̄ mɛ́lyóó nāá, ɓyá á lɛ́ɛ́ ɓót nâk, zí í jüe ɓén tɛ̂m.»

Misāwā 13:27

Sá gwát ɛ́, ɓot ō Yotósalɛm nɛ odə́ə́ ɓɔ̄ɔ̄ ɓá a nwɔŋ Yésus nāá, ɛ nɔ̄l ɗí tí ɛcis ɓót ɔ̂. Ɓā ɓɛ thɔ́k ta nwɔŋ ɛ́kɔɔ nɛ mɛ́kɛ́l mɛ̄ ógbɛ́sel o mitɔɔ̄p mí Zɛɛ̄mb ɓā lilâŋ mimwēs mī ísaɓá myɛ̂ɛsa ê. Í ɓɔ̂ɔ ɓā sâ nāá, mɛkɛ́l mɛ̄ték mɛ̄ lwónd ê, tí cyūklā ɓɛ́ cyūkɛ̄l nāá, ɓɛ̄ dô Yésus ê.

Misāwā 7:42

Ɗɛ Zɛ́mb ɓɛ́ɛ́ ɗyáŋ ékɛ́, ɛ ɓúzī lúm kɔŋ nɛ nɔ̄ɔ̄, ɛ ɓyēt ɓɛ́ nāá, ɓɛ̄ káa ɗiɗúɛ̌l tel ocwēēcwēn ō jwôo. Ɗakɛ ī ɗí tilā tí mɛkanā mɛ̄ ógbɛ́sel o mítɔɔ̄p o mí Zɛɛ̄mb nāá, Zɛɛ̄mb ā lɛ́ɛ nāá: “Ɓot ɓɛ̄ Ízaɛ̂l ye nāá, Otīt ō ɓyā cyûk tí ɛsá mɛ́tûnka nɛ ɓɛ́ ɓɛ̌ sɔ̄sā sī Tí mimbú mɛkām mɛ ná e, Ɓyā sâ yɛ tí ɛsú lâm ɛ?