Lókas 4:15 - Myēnj phōn mí Zɛɛ̄mb

¹⁵ Ɛ ɓú titɔ́ tí mɛphānj mɛ̄ míndakla, ɛ līlyākɛ̄l ɓót ɛkɛ́l ɛ̄ mí Zɛɛ̄mb. Ɓot ɓɛ ɓú sisyókɛl ɛ̂.

Lókas 4:15 Iomraidhean Croise

Matyôos 13:54

Ɛ tɔ̄ ɓɛ̌ Nazalɛ̂, khanda ā ɓā ɓwɔk ték ê. Ɛ nyɛ́l ɛ́lyákɛl ɓót sukúl ɛ́kɛ́l ɛ̄ mí Zɛɛ̄mb twóó njāā míndakla. Ī ɓúzī sá nāá, ɓot ɓā ɓɛ náǎŋ ɓák ɓɛ̄ sɛ̄mɛ̄ lyāklā wɛ̄ ɛ́ɓuuɓu. Ɓɛ̄ ɓúkā jijí ɗêk: «Yúk thūnd ɛ́célɔɔ nɛ yúk thūnd mɛ́simbā í ɗüis ɛ́ wɛ̄?

Matyôos 4:23

Yésus ɛ ɓú titɔ́ dalǎ Galilé yɛ̂ɛsa nɛ ɛlyákɛl ɓót ɛkɛ́l ɛ̄ Zɛ́mb twóó minjāā mī míndakla mi Óyúɗɛn, nɛ ɛtyáá tūnd Tyâa Pɔ́ Də́ə́ mí Zɛɛ̄mb ti nɛ ɛcis mímbɛ́l mimbi mimbi zī kā nwɔŋ ɓót ɓɛ íjám ɓyɛ̂ɛs tí kúl ɓót yɛ̄.

Matyôos 9:35

Yésus ā ɓɛ tí ɛtíthaŋ íkhanda nɛ ikhanda, nɛ mɛ̌l nɛ mɛɛ̄l, nɛ ɛlilyákɛl ɛ́kɛ́l ɛ̄ mí Zɛɛ̄mb twóó minjāā mi míndakla mī Óyúɗɛn. Nɛ ɛlilɛ́ɛ́ tyâa Pɔ́ Də́ə́ mí Zɛɛ̄mb, ti nɛ ɛjwom mɛ́kpay nɛ mimbi mi íjám myɛ̂ɛs.

Matyôos 9:8

Ɗɛ mɛ́thum mɛ ɓót mā ɓɛɛ sá ték ékɛ́, ɓwɔ̄ŋ nyī ɓúzī sá ɓɛ̂, ɓɛ̄ nyɛ́l ɛ́gúmɛl Zɛ́mb tí ɛsú ɛ̄ nāá, ɛ́ ɛ́ jüe ɓót ō sī mbǐ də́ə́ têk.

Máákus 1:27

Ɓot ɓyɛ̂ɛsa ɓɛ ɓúzī kám tɔɔ̄p ték nɛ ɛjijíila nāá: «Wúk tɔɔ̄p ú wɔ̂ɔ? Yúk yá a mú wák wūl mbǐ lyāklā süís lwōndlā nɛ də́ə́ ɛ̂! U ɓɛ́ɛ́ mót ɛ khākɔ̄ɔ́ nɛ ɓyǒla sisîmb ī ɓándā ɗúɛ̌l lüii yɛ̄!»

Máákus 1:39

Í ɗyaāŋ ték ā titɔ́ dalǎ ɓwǎs Galilê, ɛ līlɛ̄ɛ̄ Tyâa Pɔ́ tí minjāā mī míndakla mī Óyúɗɛn o ɗí pyaāŋ ɓâk, ɛ sīsɔ́ thɔ́k iɓyǒla ɓɛ̄ ísisîmb.

Máákus 1:45

Sá gwát, ɗɛ mót ɔ́nɔ́ɔ̌ŋ ā da tɔ̂ ékɛ́, ɛ dá nyɛl ɛ́lɛ́ɛ́ sá yā ɓā thaŋ ékɛ́ pyaāt yɛ̂ɛs. Sá ték í i sā nāá, Yésus a a kā ɓɛ tel nɛ khul ɛní tí khanda ɛ́kpɛŋglɛm. Ɛ dá kā ɗiɗi tí mɛ́phānj, tí ipyaāt ī ɗí nāá, ɓyá a ɓɛ̄ nɛ ɓot ɓîk. Ɓot ɓɛ̄ ɓúkā tityáá mípák myɛ̂ɛsa tí ɛzyě ɓɛ yɛ̄.

Lókas 13:10

Wūl mwēs Saɓá, Yésus ā ɓɛ tí ɛlyákɛl ɓót ɛkɛ́l ɛ̄ mí Zɛɛ̄mb twóó wūl njāā míndakla.

Lókas 4:16

Yésus ɛ ɓúzī tɔ́ ɓɛ̌ Nazalɛ́ pyaāt ā ɓa ɓwɔk ê. Tí mwēs Saɓá, ɛ ɓúzī ní twóó phǎnj mindakla. Nɛ dɔ nāá, yā ɓɛ ŋgúma tíka tí ɛsú lɛ̄. Ɛ ɓúzī gbal tí ɛláŋ Ɛ́kɛ́l ɛ̄ mí Zɛɛ̄mb.