Lókas 4:1 - Myēnj phōn mí Zɛɛ̄mb

¹ Ɗɛ Yésus ā ɓɛ́, ɛ mú lwóndlā nɛ Áchāāchǎnj Sisímb ékɛ́, Ɛ ɓúzī ɓúlǎ ɓɛ̌ mwɔ̄ŋ Yuuɗɛ̂n. Áchāāchǎnj Sisímb ɛ ɓúkā tɔ́ nɛ nɛ̄ ɓɛ̌ sɔ̄sā sī.

Lókas 4:1 Iomraidhean Croise

Matyôos 3:16

Ɛ ɗúú ɛ̂. Ɗɛ Yésus dá gbɔ́m tí mɛɗyūū phúla nduān ékɛ́, jwóó i ɓúzī ɗii, nyɛ thɔ́ ɓɛɛ́ Sisímb mí Zɛɛ̄mb tí ɛsul ī nɔ́ŋlā nɛ ɛpep, i zí ɓakɔɔ ɛ́ tí nôl.

Lókas 2:27

Tí kpɛlā Áchāāchǎnj Sisímb ɛ́, ɛ ɓúzī ní twóó Njāā Zɛ́mb ɔ́nɔ́ɔ̌ŋ. Malía ɓá nɛ Yósɛp ɓɛ̄ ɓúzī ní thɔ́k nɛ mwán wɔ̄ɔ̄ tí nāá, ɓá á sá ɗakɛ mɛ́tyuūŋ mā lilɛ́ɛ́ ê.

Lókas 3:3

Zwáŋ ɛ ɓú titɔ́ dala mípák mī ɓwǎs ɗyūū ɓɛ̄ jóó nāá, Yuuɗɛ́n ê. Ɛ ɓú nyɛl ɛ́lɛ́ɛ́ nɛ ɓot nāá: «Ɓot ɓâk! Sāŋká nāá, ɓī ɗúwa. I zyē yá á nyén nāá, ɓí í cénj ícyuk ɓyēn. Í náǎŋ Zɛ́mb wā ju ɓén misɛ̄m myēn ê.»

Lókas 3:38

Enɔ́s ɛ ɓyā Kenân, Sɛ́t ɛ ɓyā Enɔ̂s, Áɗam ɛ ɓyā Sɛ́t, Zɛ̌mb ɛ kús Áɗam.

Lókas 4:14

Yésus ɛ ɓúzī süís ɓɛ pák ɓwǎs Galilê, lwōndlā nɛ də́ə́ Áchāāchǎnj Sisîmb. Tɔɔ̄p wɛ̄ ū ɓúzī lüiiaa tí pák ɓwaās ték wɛ̂ɛsa.

Lókas 4:18

«Sisímb mí Zɛɛ̄mb í nɛ naām, Ɛ tɛ̄l mɛ́ nāá, mi lɛ́ɛ mipwêepweē Tyaa Pɔ̂. Ɛ thes mɛ́ nāá, mi zí í lɛ́ɛ́ nɛ mimbok nāá, ɓɛ̄ mú mitiā. Nɛ ɛlɛ́ɛ́ ɓááchīm nāá, ɓɛ̄ ɓákā nyɛl ɛ́ɓɛɛ. Nɛ ɛzī cis ɓɛ̄l ō ɗí tí mitūŋ ɓâk.

Zwâŋ 1:32

Zwáŋ ɛ ɓúzī ɓākā lɛ́ɛ́ ɗêk: «Mí i ɓɛɛ Sisímb mí Zɛɛ̄mb tí ɛsul, ī ɗüís ɓɛ̌ jwóó ɗakɛ ɛ́pep, ī zí nwɔ̌ŋ ɗiī tí nól nyɛ̄.

Zwâŋ 3:34

Tí ɛkū ɓɛɛ ɛ́, nɔ̄l Zɛ́mb ā thes ɔ́kɛ́, ɛ́ lɛ̄ɛ̄ mɛkɛ́l mɛ̄ Zɛ́mb. Nɛ dɔ nāá, Zɛɛ̄mb ɛ́ ɛ́ lwóndɛl ɛ́ nɛ Áchāāchǎnj Sisîmb.

Misāwā 1:2

i kúm tí mwēs Zɛ́mb ā ɓén ɛ ɓɛ̌ jwóó ê. Ā ɓɛ ɛ́ ɛ́ tɔ́p ɓót ɗɛ mílwōmtwōm. Ɛ lɛ̄ɛ̄ ɓɛ́ sá ɓɛ́ dálā ɛ́sá ékɛ́, tí khul Áchāāchǎnj Sisîmb.

Misāwā 10:38

Ɓi tí gú ɗakɛ Zɛ́mb ā jüe Yésus mot Nazalɛ́ khul Áchāāchǎnj Sisímb ê. Yésus ték ɛ titɔ̄ dalǎ kanda tí ɛsá ɛnwɔŋ nɛ ɛcis ɓót ɓyɛ̂ɛs ɓā ɓɛ tí də́ə́ mí Sátan ɓâk. Nɛ dɔ nāá, Zɛɛ̄mb ā ɓɛ nɛ nɛ̄.

Misāwā 8:39

Tɛ́m ɓɛ́ gbɔ̄m twóó mɛɗyūū ékɛ́, Sisímb mí Ɗá ī ɓúzī ɗüǐs Fílíp, ī tɔ̄ nɛ nɛ̄, mot Etyopí ta kā ɓɛɛ ɛ̂. Sá gwát ɛ́, nyɛ ɛ dá tɔ́ nɛ yɛ́ kɛnd ɓɛ sɔ́k lwōndlā nɛ mimyaŋla.