Lókas 23:7 - Myēnj phōn mí Zɛɛ̄mb

⁷ Ɓɔ̂ɔ nɛ Pilát nāá: «Ɛ̂ɛŋ! Ɛ mot Galilê.» Ɗɛ̌ Pilát ā gwók nāá, Yésus ɛ ɗüǐs ɓɛ̌ pyaāt Elôd ɗí ndə́ə́ ékɛ́, ɛ ɓúkā nwɔŋ Yésus ɛ kɛ́nd ɛ́ ɓɛ ɗá mí Elôd. Nɛ dɔ nāá, Elôd ā ɓɛ tí tɛ́m ték ɓɛ̌ Yotósalɛm.

Lókas 23:7 Iomraidhean Croise

Matyôos 14:1

Tí tɛ́m ték ɛ́, Elôd ndə́ə́ Galilê ɛ ɓúzī gwók ɗɛ ɓā ɓɛ tí ɛlüǐ tɔɔ̄p mí Yésus ê.

Matyôos 14:3

Tí ɛɓɛɛ ɛ́nwɔŋnwɔŋ ɛ́, Elôd ā ɓɛ ɛ́ ɛ́ jüe ɓót ɓɛ̄ thɛ́l nāá, ɓɛ̄ mɛ̂t Zwâŋ, ɓɛ̄ gwōl ɛ́ nɛ idɔpɔ, ɓɛ̄ nwáp ɛ́ tí mbok tɔɔ̄p mí Eloɗyâaɗ myɛɛ̄l mí Fílíp mwânaāŋg wɛ̄.

Matyôos 14:6

Mwēs ɓwók mɛ́ɓyɛ̄l mí Elôd ɛ́, ɛsyés ɛ̄ mí Eloɗyâaɗ ɛ ɓúzī ɓwal sɔ̂kphɔ̌mb ɓot ɓā ɓándlaa ɓâk. Elôd ɛ pák ɛ.

Máákus 6:14

Í ɓyela náǎŋ ɛ́, Elôd ā ɓɛ̄ kūmāndē. Ɛ ɓú gigwók tɔɔ̄p mí Yésus tí ɛlüiiaa. Nɛ dɔ nāá, Pɔ́ mí Yésus nyā ɓɛ nyí í dalǎ kanda. Ɓák ɓót ɓā lilɛ́ɛ nāá: «Í Zwáŋ mɛɗuuɓot. Ɛ́ ɛ́ pas pāká mimûŋ. Yɛ́ têŋ ɛ́ ɗí nɛ də́ə́ ɛ́sá mɛ́simbā ɗyaāŋ ê.»

Lókas 13:31

Phúla ték ɛ́, ɓɛ̄l Ófatizyɛ́ŋ ɓɛ̄ ɓúzī zyě ɓɛ ɗá mí Yésus. Ɓɔ̂ɔ nɛ nɛ̄ nāá: «Pēmā wâk, u tɔ̄ ɛ́cetaceta, nɛ dɔ nāá, Elôd ɛ tí ɛsáŋ nāá, á á dó ɔ̂.»

Lókas 23:6

Ɗɛ Pilát gwōk ɗyáŋ ékɛ́, ɛ ɓúkā jí nɛ nɔ̄ɔ̄ ɗêk: «Mot ɔ́kɛ́ ɛ mot Galilé ê?»

Lókas 3:1

Tɛ́m Zɛ́mb ā lüii nɛ Zwáŋ mwán mí Zakalí ɓɛ̌ sɔ̄sā sī ékɛ́, Tiɓɛ̂ɛ ánénén kūmāndē ā ɓɛ ɛ́ ɛ́ sá mímbú kām nɛ mītɛ́n, nyɛ tí ɛdə́ə́ njés kánda ilomɛ̂. Pɔ́ŋs Pilát ā ɓɛ ndə́ə́ tí pák ɓwǎs Yuɗé twóó kanda ŋgwát nɛ ŋgwát têk. Elôd Aŋtípas, nyɛ ɛ də̄ə̄ pák ɓwǎs Galilé Fílíp, tōl mí Elôd ɛ də̄ə̄ Itulé nɛ Talakonîɗ. Lizanyás ɛ də̄ə̄ Aɓilɛ̂n. Án nɛ Kaíf, ɓɔ̂ɔ ɓā ɓɛ ífata i mɛ́tûnka i ɓáánénên.

Lókas 9:7

Í ɓyela náǎŋ ɛ́, Elôd mot á ɓɛ ndə́ə́ ɓɛ̌ cǐl ɓwǎs Galilé ɔ́kɛ́, ɛ tí ɛgīgwók sá yɛ̂ɛs yā ɓɛ tí ɛthaŋ ê. Ī ɓú dā ɗi ɛ́ ɗyaāŋ ɛ́zǎm, nɛ dɔ nāá, ɓɛ̄l ɓót ɓá lilɛ́ɛ nāá: «Zwáŋ mɛɗuu-ɓot ɛ́ ɛ́ pas pāká mimûŋ.»

Misāwā 4:27

Ɛ̂ɛŋ, í kǔ ceece nāá, sá Ɗávit ā lɛ́ɛ ékɛ́, í í lwônd. Elôd nɛ Pɔ́ŋs Pilát ɓɛ́ ɛ́ gwêsla tí khanda e, ɓá nɛ ikúl ɓɛ̄ Ízaɛ́l nɛ ɓīl íkul ɓyɛ̂ɛsa, ɓɛ́ ɛ́ ɗǐ ɓomb nɛ Yésus, Áchāāchānj sɛ̂l wɔ̄ wā tɛ́l ɛ tí nāá, á á ɗi ndə́ə́ ɔ̂.