Lókas 2:25 - Myēnj phōn mí Zɛɛ̄mb

²⁵ Í ɓyela náǎŋ nāá, í nɛ nɔ̄l mót ɓɛ̌ Yotósalɛm ɗín lɛ̄ nāá, Simeɔ̂ŋ. Mot ték ā ɓɛ ɛ́dalá sɔ̂kphɔɔ̄mb mí Zɛɛ̄mb. Ɛ ɗīɗūɛ̄l Zɛ́mb ték ɛ́nwɔŋnwɔŋ. Ā ɓɛ thɔ́k tí ɛɓwónd ɛzye ɛ nɔ̄l ā ɓɛ nāá, á á zī cis Ízaɛ́l ɔ̂. Chāāchānj Sisímb ā ɓɛ nɛ nɛ̄.

Lókas 2:25 Iomraidhean Croise

Máákus 15:43

Yósɛp mot khanda Alimaté, ánénén twóó phānj mitɔɔ̄p mi Óyúɗɛn ɛ́, ɛ ɓúzī zye. Á ɓɛ thɔ́k tí ɛɓwónd ɛ́zye ɛ́ Də́ə́ mí Zɛɛ̄mb. Nyɛ ta kámb sínɔŋ ɛ́, ɛ ɓándā tɔ́ ɓɛ ɗá mí Pilât. Nyɛ nɛ nɛ̄ nāá, ɛ jüê ɛ múŋ mí Yésus.

Lókas 1:41

Ɗakɛ Elísaɓɛt gwók mɛ́süesol mɛték ékɛ́, mwán ɛ dá kuula ɛ́ kuulá tí mo. Thɔ́k ɛ́, Elísaɓɛt ɛ mú lwōndlā nɛ Áchāāchǎnj Sisîmb.

Lókas 1:6

Ɓā ɓɛ ɛ́dalá sɔ̂kphɔɔ̄mb mí Ɗâ. Ɓɛ̄ ɗīɗūɛ̄l mɛ́tyuūŋ mɛ̄ nɛ milɛ̄ā myɛ̄ myɛ̂ɛsa ɛ́nwɔŋnwɔŋ.

Lókas 1:67

Zɛɛ̄mb ɛ ɓúzī lwóndɛ̌l Zakalí nɛ Áchāāchǎnj Sisîmb. Zakalí ɛ nyɛ́l ɛ́lüǐ ɗakɛ mgbɛ́sel mitɔɔ̄p mí Zɛɛ̄mb. Nyɛ nāá:

Lókas 2:38

Tí tɛ́m sāŋg nɛ naāŋg mí Yésus ɓā ɓɛ nɛ nɛ̄ ɓɛ̌ njāā Zɛ́mb ékɛ́, Ána ɛ dá kúl kūl ê. Ɛ ɓúzī myaŋla nɛ Zɛɛ̄mb tí tɔɔ̄p mwán têk. Ɛ tɔ̄ nɛ ɛlɛ́ɛ́ tɔɔ̄p mwán ték ɓɛ ɓót ɓā ɓɛ tí ɛɓwónd nāá, Zɛɛ̄mb á á cǐs khandǎ Yotósalɛm ê.

Misāwā 10:2

Motóm ték ā ɓɛ tí kámb Zɛ́mb, nɛ nyɛ nɛ ɓot ō njāā wɛ̄ ɓɛ̄ ɗīɗūɛ̄l thɔ́k Zɛɛ̄mb. Ā ɓɛ thɔ́k tí ɓū sá mípwêepweē mī Óyúɗɛn ɛnwɔŋ, ɛ dīdáklā nɛ Zɛ̌mb itɛ́m ɓyɛ̂ɛs.

Misāwā 10:22

Ɓɔ̂ɔ nɛ Pyɛ̂ɛ nāá: «Í Kɔɔnɛ́y ndə́ə́ isóda thyet thes ɓés. Ɛ ŋgúma mót ɗí zwēs ɔ̂, ɛ thɔ́k tí ɛɗúɛl Zɛ́mb. Oyúɗɛn ɓyɛ̂ɛs ɓɛ tí ɛlɛ́ɛ́ ɛnwɔŋ lɛ̄. Eŋgeles mí Zɛɛ̄mb ɛ zi lɛ́ɛ́ ɛ́ nāá, ɛ jóó ɔ̂, u tɔ̄ ɓɛ̌ njāā wɛ̄, u kɛ́ lɛ́ɛ́ ɛ́ ɛkɛ́l u ɗí nɛ lɛ̄ lîk.»

Misāwā 2:5

Í ɓyela náǎŋ ɛ́, yā ɓɛ nɛ mizwēs mī Óyúɗɛn ɓɛ̌ Yotósalɛm ɓā ɗüis tí mipák mí sī myɛ̂ɛs ê.

Misāwā 24:16

Í yɛ́ mí ɗí tí ɛsáŋ nāá, mi ɗí nɛ lyém ɛ́sɔ̄ŋ sɔ̂kphɔɔ̄mb mí Zɛɛ̄mb nɛ sɔ̂kphɔ̌mb ɓot ê.»

2 Pyɛ̂ɛ 1:21

Nɛ dɔ nāá, mɛkɛ́l mɛ̄ ógbɛ́sel o mítɔɔ̄p o mí Zɛɛ̄mb ɓā gbɛ̂s mák ɛ́, má a ɓɛ tí kpɛlā wɔ̄ɔ̄ ɓɔ̂ɔ ɓot otêk. Sá gwát ɛ́, í Áchāāchǎnj Sisímb ā kikɛ nɛ ɓot tí nāá, ɓɛ̄ lüíi tɔɔ̄p mí Zɛɛ̄mb.