Lókas 15:10 - Myēnj phōn mí Zɛɛ̄mb

¹⁰ Jwok gwát nɛ gwát mí lɛ̄ɛ̄ nɛ nēn nāá, ɓeéŋgeles o mí Zɛɛ̄mb ɓɛ́ nɛ mimyaŋla tɛ́m ŋgúma áɓyóóɓyôo mot cēnj cyuk ê.»

Lókas 15:10 Iomraidhean Croise

Matyôos 10:32

«Mot wā myam sɔ̂kphɔ̌mb ɓot nāá, ɛ phōn waām ɔ́kɛ́, má á myam thɔ́k nāá, ɛ waām sɔ̂kphɔ̌mb Sāŋg waām ɗí ɓɛ̌ jwóó ɔ̂.

Matyôos 18:10

«Ɓī gū ɓakɛl, mot a a sáŋ ɛ́ɓyasi mwán ŋgwát tí ndɔŋ ɓwán ɓâk. Nɛ dɔ nāá ɓeéŋgeles o ɗí tí ɛɓakɛl ɓɛ́ ɓák ɛ́, ɓɛ́ tɛ́m yɛ̂ɛsa ɓá nɛ ɓɔɔ Sāŋg waām ɗí ɓɛ jwóó ɔ̂.» [

Matyôos 18:14

Í thɔ́k ɗyaāŋ jwok gwát Sāŋg wēn ɗí ɓɛ jwóó, ɗí ta kam nāá, mwán wɛ̄ ŋgwát nɛ ŋgwát tí ndɔŋ ɓwán ɓák ɛ́, ɛ ɗîmb kê.»

Lókas 12:8

«Mí lɛ̄ɛ̄ ɓén nāá: Mot wā myam sɔ̂kphɔ̌mb ɓot nāá, ɛ phōn waām ɔ́kɛ́, Mwán mí mot á á myam thɔ́k mwēs dɔ́s sɔ̂kphɔ̌mb ɓeéŋgeles ō mí Zɛɛ̄mb nāá, ɛ wɛ̄.

Lókas 12:9

Sá gwát mot wā kála mɛ́ sɔ̂kphɔ̌mb ɓot ɔ́kɛ́, Mwán mí mot á á kála ɛ́ thɔ́k mwēs dɔ́s sɔ̂kphɔ̌mb ɓeéŋgeles o mí Zɛɛ̄mb.

Lókas 13:5

Yāā, pha gūká nāá, ɓí wā ɓɛ ta cénj ícyuk ɓyēn nâk, ɓyá á jüe thɔ́k ɓěn ɓyɛ̂ɛsa ɗakɛ ɓót ɓīnɛ́ɛ̌ŋ.»

Lókas 15:11

Yésus ɛ ɓú ɓākā lɛ́ɛ́ nāá: «Nɔ̄l mótóm ā ɓɛ nɛ ɓwâɓotóm ōɓá.

Lókas 15:7

Jwok gwát nɛ gwát ɛ́, Zɛɛ̄mb ɓá nɛ ɓeéŋgeles ɓɛ̄ ɓɛ́ tí thūnd mímyaŋla tɛ́m áɓyóóɓyôo mot cēnj cyuk é, ī tháŋ thūnd ɓót ɓɛ́ɛ́ nāá, ɓɛ́ ɛ́dalá ta kam ɛ́cénj ícyuk ɓyɔ̄ɔ̄ ê.»

Lókas 15:9

Tɛ́m ɛ́ kɛ̄ ɓyela wɛ́ ékɛ́, á á sáŋ ɓót ō mɛ́dumul ɓɛ̄, ɛ lɛ̄ɛ̄ nɛ nɔ̄ɔ̄ nāá: “Thāākānâ! Nī myâŋla ka, nɛ dɔ nāá, mí í ɓāndā ɓyelǎ thyǎŋ mɔnī wám ɓa ɗīmb ɔ̂!”

Lókas 7:47

Í yɛ́ mí lɛ̄ɛ̄ ɔ́ nāá, njés kpɛɛ̄l ɗí ɛ́ ɛ́ lyákɛl mɛ́ ékɛ́, í í lyákɛl nāá, thūnd mísɛ̄m myɛ̄ mi mú njuā. Thɔ́k ɛ́, nɔ̄l ɓɛ́ jú ɛ́ ɓīɓyɔ̄k ɔ́kɛ́, ɛ́ dā lyákɛ̌l ɓīɓyɔ̄k kpɛɛ̄l.»

Misāwā 11:18

Ɗɛ ɓā gwôk mɛkɛ́l mɛ̄ték ékɛ́, milyém myɔ̄ɔ̄ mī ɓúzī sula, ɓɛ nyɛ́l ɛ́gúmɛl Zɛ́mb nɛ ɛlilɛ́ɛ́ nāá: «Í kǔ ceece nāá, Zɛɛ̄mb ɛ́ ɛ́ jüe thɔ́k ɓot o ɗí ta ɓɛ Óyúɗɛn ɓák zye nāá, ɓɛ̄ cênj mɛkoō mɛ̄ kɛnd mɔ̄ɔ̄ tí nāá, ɓá á ɓyě cyuk mɛ́lú myɛ̂ɛs ɓɛ yɛ̄.»

Misāwā 5:19

Sá gwát tí pum ték ɛ́, éŋgeles mí Ɗá ɛ dá zī ɗii mɛ́gbɛ̄s mɛ̄ njāā mbok ɛ gbɛ̄s mílwōmtwōm nyɛ nɛ nɔ̄ɔ̄ nāá:

2 Kolɛ̂ŋt 7:10

Nɛ dɔ nāá, tɛ́m mót phímb ɗɛ Zɛ́mb kpɛ́l ékɛ́, phimb ték nyí tí ɛcyénj cyuk yɛ̄. Náǎŋ ɛ́, Zɛɛ̄mb á á cis ɛ́ tí sɛ̄m wɛ̄, mot ték ta kā ɓākā lɛ́ɛ́ nāá, mi gú nâk. Sá gwát, tɛ́m mót phímb ɗakɛ ɓót ō sī ékɛ́, phimb ték nyí kɛnd ɛ́ ɓɛ ɛ́süee.

Filemɔ̂ŋ 1:15

Yā ā gúaa nɛ gú Onezím ā ɓɛ̄sa nɛ nɔɔ̄ tí ɛsú ɛ pɛ́s tɛ́m tí nāá, wá á kɛ́ ɓākā ɓyela ɛ́ tí nāá, ɓyá á kā ɗǐ ceece.

Eɓelê 1:14

Ɓeéŋgeles ɓyɛ̂ɛs ɓɛ da ɓɛ̄ nje ték isisímb ī ɗí tí ɛsála Zɛ́mb ɓîk. Ɛ́ kɛnd ɓɛ́ nāá, ɓɛ̄ kɛ́ɛ kɛm ɓót ɛ́ wā cis ɓâk.