Lókas 14:27 - Myēnj phōn mí Zɛɛ̄mb

²⁷ Nɔ̄l kpɛ́l ɛ́ɗi phōn waām ɔ́kɛ́, ɛ khɛ́ɛ kolos wɛ̄, ɛ ɗū mɛ̂.

Lókas 14:27 Iomraidhean Croise

Matyôos 10:38

Mot ɗí ta khɛ́ɛ́ kólos wɛ̄, ɛ ɗū mɛ́ ɔ́kɛ́, a á ɗi môt waām.

Matyôos 13:21

Sá gwát ɓá a ɓɛ̄ nɛ mipeēnd, ɛɓūklā lɔ̄ɔ̄ lí ŋgúl-pháŋ. Tɛ́m ɓīɓyɔ̄k íthēsā nɛ ɓīɓyɔ̄k mítūŋ kūl ɓɛ́ tí tɔɔ̄p ɛ́kɛ́l ɛ̄ mí Zɛɛ̄mb ékɛ́, ɓɛ̄ ɗúma.

Máákus 10:21

Yésus ɛ ɓúzī jüák ɛ́, ɛ pák ɛ̂, nyɛ nɛ nɛ̄ nāá: «Í í kā lís ɔ̂ sá gwát. Tɔ̂, u kɛ́ ɓɔ́ma sá yɛ̂ɛs ú ɗí nɛ yɛ́ e, u nwɔ́ŋ mɔnī ték ɛ́, u jüē mípwêepweē, náǎŋ ɛ́, wá á kɛ̄ ɓyě thūnd ɛ́kūm ɓɛ̌ jwôo. Phúla ték ɛ́, u ɗū mɛ̂.»

Máákus 15:21

Nɔ̄l mót Silɛ́n ɓɛ́ jōō ɛ́ nāá, Símɔn ɔ̂, sāŋg mí Álê nɛ Lüfǘs, ā ɓɛ tí ɛɓúla ɓɛ̌ pyeēmb. Isɔ́da ɓɛ̄ ɓúzī mál ɛ́ nāá, ɛ khɛ́ɛ kolos mí Yésus.

Lókas 14:28

Tɛ́m mót kám ɛ́sum njés njāā ékɛ́, ɛ́ dalǎ nɛ nyēē sîmsa. Ɛ ɓɛ́ɛ́ ɓīm mɔnī njāā dálā nɛ ɛnwɔŋ ê. Ɛ ɓúkā jüák gú ɓīm mɔnī ɛ́ ɗí nɛ yɛ́ ékɛ́, í í dala nāá, ɛ sûm njāā ték u sí nâk.

Zwâŋ 19:17

Yésus nyɛ mot ték ɛ ɓúzī khɛ́ɛ́ kólos wɛ̄, ɛ gbās nɛ nɛ̄ tí khanda tí ɛtɔ́ ɓɛ yīl pyaāt ɓɛ̄ jōō nāá: «Pyǎt Phophǒ ló ê.» Tí lüiī Óyúɗɛn ɓɛ ɓú jóó nāá: «Golgóta.»

Misāwā 14:22

Ɓɛ̄ ɓúzī tɔ́ nɛ ɛ́lelɛl óɓúkɛl tí ɛlɛ́ɛ́ ɓɛ́ nāá, ɓá a tyak tí ɛɓūklā. Ɓɛ̄ gū thɔ́k nāá, ɓá nɛ nɔ̄ɔ̄ ɓá á ɓɛɛ́ thūnd mítūŋ ɛsɔ́k nāá, ɓɛ̄ nî tí də́ə́ mí Zɛɛ̄mb.

2 Timotê 1:12

Í tí ɛsú ɛ̄ ték mí ɗí tí ɛɓɛɛ mítūŋ mík ê. Sá gwát mā ā gwōk sɔ́n nɛ dɔ nāá, mi tí gú mót mí jéndɛl ɔ̂. Thɔ́k mi tí gú ɛ́nwɔŋnwɔŋ nāá, ɛ nɛ də́ə́ ɛ́ɓakɛl sá ā jüe mɛ ékɛ́, ī kɛ́ kǔm mwēs ɛ́ wā cyúkɛ̌l tɔɔ̄p pāká ɓá nɛ ɓot ê.

2 Timotê 3:12

Tí ɛkū ɓɛɛ ɛ́, ɓɛ̄l ō kpɛ́l ɛ́ɗǐ lɛt nɛ Yésus Kilís, ɓɛ̄ sāŋ ɛ́sá ɗɛ Zɛɛ̄mb kpɛ́l é ɓák ɛ́, ɓá á ɓoma nɛ mitūŋ.