Lókas 14:26 - Myēnj phōn mí Zɛɛ̄mb

²⁶ «Mot kám ɛ́ɗú mɛ́ ɔ́kɛ́, ɛ kpɛ̂l mɛ ī tháŋ njāā ɓót wɛ̄ nɛ nyɛ mot têk. Ɛ́ wā ɓɛ ta sá ɗyáŋ nâk, a á ɗi phǒn waām.

Lókas 14:26 Iomraidhean Croise

Matyôos 10:37

Mot kpɛ́l sāŋg gú naāŋg i tháŋ mɛ́ ɔ́kɛ́, ā ā dálā nɛ ɛɗi mót waām. Nɔ̄l kpɛ́l mwán ī tháŋ mɛ́ ɔ́kɛ́, ā ā dálā nɛ ɛɗi mót waām.

Lókas 14:20

Nɔ̄l nāá: “Ma a lwɔ̂ɔ ɓɔ́mba, mā ā ɓɛ́ɛ́ nāá, má á zye.”

Lókas 14:25

Tí wūl mwēs ɛ́, Yésus ā ɓɛ tí kɛnd, thūnd ɓót tí ɛɗú ɛ̂. Ɛ ɓúkā lyuŋ ɛ jüāk ɓɛ̂, nyɛ nɛ nɔ̄ɔ̄ nāá:

Zwâŋ 12:25

Nɔ̄l kpɛ́l cyuk yɛ̄ ɔ́kɛ́, á á ɗímbɛl yɛ̂. Sá gwát mot wá kpɛl Zɛ́mb tí iɓwaās ɓík ī tháŋ ɗɛ ɛ́kpɛ́l nyɛ́ mot ték ɔ́kɛ́, nyízaāŋ ték á á ɓakɛ̌l cyuk yɛ̄, ɛ kɛ́ ɓyelǎ cyuk mɛ́lú myɛ̂ɛs.

Misāwā 20:24

Sá gwát, mā ā ɓú gwók ɓā nɛ cyuk yâm. Sá mí dā jé ékɛ́ í nāá, mi tɔ̂ lōmōl Ɗá Yésus ā kɛnd mɛték ô, mi lwōndɛ̄l ló-sɛ̄ɛ̄ ā jüe mɛ ɔ́kɛ́, mi kɛ́ kǔm ɓɛ mɛ́sīl. Mí dalǎ nɛ ɛtyáá tūnd Tyâa Pɔ́ ipyaāt ɓyɛ̂ɛs ta ɓɛ nɛ ɓwɔ̄ŋ nāá, í ceece nāá, Zɛ̌mb ɛ nɛ tyaa lyém kpɛl nɛ ɓot.»

Lomɛ̂ 9:13

Ɗakɛ Zɛ́mb ā lɛ́ɛ tí Ɓǎchāāchānj ō Mítilā nāá: «Mí í tɔ́p Yákɔp, mi lyūk Ezaü̂.»

Filipyɛ̂ŋ 3:8

Thɔ́k ɛ́, mɛ mú kā ɓɛɛ ísá ɓyɛ̂ɛs títoōk nɛ títoōk, tí tɔɔ̄p sá ɗí tí ɓū ɓwɔk ī tháŋ ísá ɓīnɛ́ɛ̌ŋ ɓyɛ̂ɛs ê: Ɛgú Yésus Kilís Ɗá waām, nyɛ mot ɓa sā nāá, mi ɓyên mɛnwɔŋ ɓɛ̄ nāá mí í ɓye mák ɛ́, tí nāá, mi kâ ɓɛɛ mɛ́ ɗakɛ ísyūk phúla phī, tí nāá má á ka ɗi nɛ Kūmāndē Zɛ́mb ā kɛs ɔ̂,

Apokalîs 12:11

Sá gwát ɛ́, ɓwán ɓɛ̄ ónaāŋg ɓēs ōték ɓā ga ɛ tí khul chía mwâthɛmbɛ, nɛ tɔɔ̄p nāá, ɓɛ́ ɛ lɛ́ɛ́ ɓót nāá, Ɛkɛl ɛ̄ mí Zɛɛ̄mb lí oceece. Ɓá a cwáŋ nɛ icyuk ɓyɔ̄ɔ̄, ta kámb ɛ́süee.