Lókas 12:19 - Myēnj phōn mí Zɛɛ̄mb

¹⁹ Náǎŋ mí wā kā lɛ́ɛ́ nāá, myam nyɔɔ̂ nɛ thūnd mɛ́nwɔŋ tí ɛsú ɛ̄ thūnd mímbû. Má á kū dākā ɗi sī, mi dákā ɗiɗɛ̌ ɗɛ̂. Mi ɗīɗí tí mimyaŋla.”

Lókas 12:19 Iomraidhean Croise

Lókas 12:18

Ɛ ɓú ɓākā lɛ́ɛ́ nāá: “Í je nāá, mi ɓûk minjāā mī ɛ́koōm myâm, mi súm ɓáánénên. Mi kɛ́ ɗüis íɗóó ɓyám ɛ́, mi nwɔ́ŋ thɔ́k ɛkūm lám ɛ́, mi zí lwóndɛl yɛ́ têk.

Lókas 16:19

Yésus ɛ ɓúzī lɛ́ɛ́ wūl lɔ̂ŋ, nyɛ nāá: «Í i ɓɛ nɛ wūl kūm ā ɓiɓwât tyaa mikānd mī lyél ɛ́ɓɔ́m mîk. Mɛlú myɛ̂ɛsa ā cicyuk ɛ́nwɔŋnwɔŋ, ɛ ɗīɗɛ̄ mbi íɗóó wɛ̂ɛs ɛ́ kpɛ́l ê.

Lókas 21:34

«Ɓī gú ɓakɛl. Milyém myēn myá a ɓwɔ̂ɔ lyáŋɔɔ tí tɔɔ̄p mɛ́phwók, nɛ phwɔk ndēs mɛ́nɔk, nɛ ɓā cyuk sī. Ɓí wā ɓɛ ta gwók lüii yám nák ɛ́, ɓyá á sɔkǎ mwēs Mwán mí mot wā zye ékɛ́, sɔkâ.

1 Kolɛ̂ŋt 15:32

Mí i ɗǔŋ tumb nɛ otīt ō ɗyǔk ɓɛ̌ Efɛ̂ɛs. Í ɓɛ̄ itumb iték mā ɗuŋ ɓík, mā ɗuŋ ɓyɛ́ nɛ osīmsā ō ɓót ɓɛ̄ íɓwaās nák, á nɔm ítumb iték ú mɛ yɛ̄? Pha í ɓɛ̄ nāá, mimúŋ myā ā pás nâk, nī sá ka ɗɛ Ɓááchāāchānj ō Mítilā ɗí tí ɛlɛ́ɛ́ nāá: «Ní ɗɛ́ ká iɗóó nɛ mɛnɔk nɛ dɔ nāá, ɛ́myān ná á jüe kâ.»

Filipyɛ̂ŋ 3:19

Mɛsūklā mɔ̄ɔ̄ mɛ́ nāá, ɓá á tɔ́ ɓɛ ndīmbɛ́l tɔɔ̄p nāá, mimo myɔ̄ɔ̄ mí ɓɛ ozɛɛ̄mb. Ɓɛ́ myaŋla yɔ̄ɔ̄ tí sá ɗí nāá, í jüē ɓɛ́ sɔ́n ê. Ɓɛ́ dā sîmsa nje ték isá ɓɛ̄ íɓwaās.

1 Tímotê 5:6

Sá gwát kús múmá jína tí ɛkpɛl ɛ́sá cyuk ɔ́kɛ́, wúzǎŋ kús ú ú jüe ísu ū jína tí ɛcyuk.

1 Tímotê 6:17

Lɛ̄ɛ̄ nɛ mikūkūm mī sī nyík nāá, ɓá a ɓén mɛ́nôl. Lɛ̄ɛ̄ ɓɛ́ nāá, ɓá a gbá mɛ́jendɛɛ̄l tí ɛkūm, ɛkūm lí ɗɛ ŋgúl pháŋ. Sá gwát ɓɛ̄ ɗí nɛ mɛjendɛɛ̄l nɛ Zɛ̌mb nyɛ mot jüē káɓiná isínɔŋ ɓyɛ̂ɛs ɛ́sūūsūl tí nāá, ná á myaŋla ká ɔ̂.

2 Timotê 3:4

Ɓá á ɓɛ ɓót ō ɓɔ̄mā ɓót ō ndɔŋ yɔ̄ɔ̄ ɓâk, ɓá á sá ísínɔŋ ɗɛ ɓót o tēāā mílyêm, ɓá á ɓɛ̌ lwōndlā nɛ ɛɓén ɛ̄ nôl. Ɓá á ɓɛ tí ɓū kpɛl mínjeā mī ípûnd, ɓɛ̄ lyūk ɛ́kpɛl Zɛ́mb.

Zwâk 5:5

Ɓyā ɓɛ ɓí í sá cyuk tí iɓwaās ɓîk, ɓī sā ísá ɓyɛ̂ɛs mílyém myēn kpɛ́l ɓîk. Ɓyā ɗiɗɛ ɛ́nwɔŋnwɔŋ, ɓī gwɔ̄ŋ ɗakɛ tīt ɗí ɛ́ ɛ́ kum tɛ́m ɗí ɛ dóaa kɔ̂.

1 Pyɛ̂ɛ 4:3

Twóó oceece e, tɛ́m ɛsɔ́k ɛ́, ɓyā ɓɛ ɓí í thaŋgɛl tɛ́m yēn yɛ̂ɛs tí ɛsá ísá ī ɓót ō ɗí ta gú Zɛ́mb ɓák kpɛ́l ê. Ɓyā sisá isá ɓī ɛ́lwɔkɔɔ, nɛ mɛgômb, nɛ ndēs mɛ́nɔk, nɛ lwɔ̌kla ɛɗēē lɛ̄ íɗóó, nɛ iɓyǒla i mínjeā, nɛ phwɔk ɛɗēē ɛ̄ mɛ́nɔk, nɛ ɛɗúɛl íɓyǒla ɓī ózɛɛ̄mb, sá ɗí Zɛɛ̄mb ā ā kpɛ́l kpɛ̌l kê.

Apokalîs 18:7

Sāká nāá, ɛ ɓɛ́ɛ mitūŋ, ɛ jê ī dálā nɛ ɗakɛ ā lilɛ́ɛ nól nɛ kúm, Nɛ inɔ̌mla ɓɛ̄ ísá ɓyɛ̄ ê. Ā lilɛ́ɛ twóó lyém wɛ̄ nāá: “Mí ɗi sī wák ɗɛ̌ kūmāndē múmá, ma a ɓɛ̄ kûs, thɔ́k ɛ́, ma á ɗi tí mɛda ɗwóó ɛgwát.”