Lókas 10:11 - Myēnj phōn mí Zɛɛ̄mb

¹¹ “Zí í pup mɛ́puūmb mɛ̄ khanda yēn nata ɓés tí mɛkoō ékɛ́ tí ɛlyúk ɓén má. Sá gwát ɓí dala ɛ́ gú nāá, Də́ə́ mí Zɛɛ̄mb ī mú ɛ́kúnɔɔ kúnɔɔ nɛ nēn.”

Lókas 10:11 Iomraidhean Croise

Matyôos 10:14

Ɓot ɓɛ́ ɗî ta ɓakɛl ɓén, ɓɛ̄ ɓyēn ɛ́gwók mɛ́kɛ́l mēn nâk, gbɔ̄mká tí njāā ték, gú tí khanda têk, ɓī púp mɛpuūmb mɛ natā ɓén tí mɛkoō mēn ê.

Matyôos 10:7

Ɓī tītyāā tūnd zyē nɛ zyē nāá: “Də́ə́ mí Zɛɛ̄mb í í kúnɔɔ.”

Matyôos 3:2

Ɛ tītyāā tūnd ɗêk: «Lūmkāná mikɔŋ nɛ ɛɓyôo, nɛ dɔ nāá, Də́ə́ mí Zɛɛ̄mb í í kúnɔɔ!»

Máákus 6:11

Ɓí wā kúl tí yīl pyaāt, ɓot oték ɓɛ̄ ɓyén ɛ́ɓakɛl ɓén, ɓɛ ɓyén thɔ́k ɛgwók sá ɓí wā lɛ́ɛ́ ɓɛ́ énâk, ɓī kpāŋ tí yízǎŋ pyaāt nɛ ɛpup mɛ́puūmb mɛ̄ pyaāt ték tí mɛɓɔ̂ mēn. Náǎŋ yá á lyákɛl ɓɛ̄ nāá, ɓɛ́ ɛ́ sá ɛ́ɓyôo.»

Lókas 10:10

Tɛ́m ɓí wā ní tí yīl khanda, ɓot ō khanda ték ta ɓɛlǎ nɛ nēn ékɛ́, tɔ̄kāná tí ikphaāk, ɓī lɛ̄ɛ̄ nɛ ɓot ō khanda ték nāá:

Lókas 10:9

Ɓī cís mímbɛ́l ɓí wā ɓyela tí náǎŋ mîk. Ɓī lɛ̄ɛ̄ ɓót ō khanda ték nāá: “Də́ə́ mí Zɛɛ̄mb ī mú ndumɛ nɛ nēn.”

Lókas 9:5

Pyaāt ɓɛ́ wā sɔ ɓén ékɛ́, ɓī gbās tí yízǎŋ khanda, ɓī púp mɛ́puūmb mɛ̄ khanda ték ɗí tí mɛɓɔ mēn ê. Ī zyē ɓot oték ɓá á gú nāá, ɓɛ́ ɛ́ sá ɛ́ɓyôo.»

Misāwā 13:26

Pɔ́l ɛ ɓúzī ɓākā lɛ́ɛ́ nāá: «Ɓwán ɓɛ̄ ónaāŋg ɓâm, ɓyɔ̂ɔ ɓot o ɗi chīlā mí Áɓilam ɓák, nɛ ɓyɔ̂ɔ ɓot o ɗūɛ̄l Zɛ́mb ɓot ɓɛ Ízaɛ́l ɓâk, í tí ɛsú ɛ̄ kálīnā Zɛ́mb ā thes ɛ́kɛ́l lyúk tí nāá, lá á cis káɓiná ê.

Misāwā 13:40

Ɗiká phɛ̄ nɛ ɗyênd, sá ógbɛ́sel ō mítɔɔ̄p mí Zɛɛ̄mb ɓā lɛ́ɛ ékɛ́, yá a ɓwɔ̂ɔ kúl ɓén. Ɓā til nāá:

Misāwā 13:46

Pɔ́l ɓá nɛ Ɓaanáɓas ɓɛ̄ ɓúzī lɛ́ɛ́ ɓɛ́ ɛ́kpɛŋglɛm nāá: «Í ɓyɔ̂ɔ oyúɗɛn zí dálá nɛ ɛ́nyēē lɛ́ɛ́ ɛ́kɛ́l ɛ̄ mí Zɛɛ̄mb ɓâk. Sá gwát ɛ́, ɗɛ ɗí nāá, ɓí í ɓyen ɛ́kɛ́l ɛ ték, ɓī ɓákā ɓɛɛ nāá, ɓyā ā dálā nɛ nāá, ɓī ɓyê ɛkɔɔ ɛ̄ cyuk mɛ́lú myɛ̂ɛsa ékɛ́, zá á kā tɔ́ ɛ́chāak nɛ Pɔ́ ték ɓɛ íkúl ísüîs.

Misāwā 13:51

Ɗakɛ Pɔ́l ɓá nɛ Ɓaanáɓas ɓā ɓɛɛ ɗyaāŋ ékɛ́, ɓɛ̄ dá pup mɛ́puūmb mɛ mɛ́ɓɔ mɔ̄ɔ̄, ɓɛ̄ kpǎŋ ɓɛ̌ khandǎ Ikonyɔ̂m.

Lomɛ̂ 10:21

Sá gwát tí sá jüāk ɓwán ɓɛ̄ Ízaɛ́l ékɛ́, Zɛ̌mb lɛ̄ɛ̄ nɛ nɔ̄ɔ̄ nāá: «Mí i síl ŋgúmǎ mwēs wɛ̂ɛs tí ɛkɔ́s mɛ́ɓɔ̂, Ɓɛ́ ŋgúma ɛ́yɔŋ ɛ ɗí nɛ lúk mɛ́lɔ́ nɛ mɛɓǔn nɛ naām ê.»

Lomɛ̂ 10:8

Ɓǎchāāchānj ō Mítilā mí lɛ̄ɛ̄ phɛ̄ nā? Mí lɛ̄ɛ̄ nāá: «Ɛkɛ́l ɛ̄ mí Zɛɛ̄mb lí ndumɛ nɛ nɔɔ̄, tí ikwoōnd ī nup ɓyɔ̂, nɛ twóó lyém wɔ̂.» Ɛkɛ́l ɛ̄ ték lí pɔ́ ɛɓūklā zí ɗí tí ɛtɔ́ nɛ ɛlɛ́ɛ́ ê.

Eɓelê 1:3

Ɛɓyakɔɔ ɛ kúm mí Zɛɛ̄mb lī thaŋ tí nyɛ tí nāá, ná á ɓɛɛ kâ. Ɛ da swōk Zɛ́mb. Ɛ́ sūk sá yɛ̂ɛs nɛ ɛkɛ́l lɛ̄ ɗí nɛ khul lîk. Phúla ā ɓɛ ɛ́ ɛ́ chánjɛl ɓót tí misɛ̄m myɔ̄ɔ̄ ékɛ́, ɛ ɓúkɛ̄ ɗi twóó ijwóó ɓɛ pák mbɔ́ ɛ́dóm mí Zɛ̌mb mot də̄ə̄ ísínɔŋ ɓyɛ̂ɛs ɔ̂.