Lókas 1:75 - Myēnj phōn mí Zɛɛ̄mb

⁷⁵ I zyē ná á ɗiká ɛ́chāāchānj, Nī ɓákā ɗi ká zwēs sɔ̂kphɔ̌mb nyɛ̄ Mɛlú myɛ̂ɛsa nī wā ɓɛ ká tí ɛcyuk ê.

Lókas 1:75 Iomraidhean Croise

Matyôos 1:21

Á á ɓyá mwâmotôm, u dót ɛ́ nāá, Yésus. Nɛ dɔ nāá, í nyɛ wā zī cis ɓót o kúl yɛ̄ tí misɛ̄m myɔ̄ɔ̄.»

Lókas 1:74

Á á ɗüis káɓiná tí mɛɓɔ́ mɛ̄ mízīzyūŋ kámīnā. Í náǎŋ ték ní wā kā sála ká nyɛ, Ta kā ɓɛ nɛ ɓwɔ̄ŋ ê.

Efezyɛ̂ŋ 1:4

Ɛsɔ́k nāá, Zɛ̌mb ɛ kûs sī, ā ɓɛ ɛ́ ɛ tɔ̂p káɓiná tí nāá, ná á ɗi ká ɓot ɓɛ̄ tí lɛt ná nɛ ɓɔɔ Yésus Kilîs, i zyē ná á ɗi ká ɛ́chāāchānj tí ɛsú lɛ̄, ta ɓɛ nɛ jüas sɔ̂kphɔ̌mb nyɛ̄, nɛ dɔ nāá ɛ tí kpɛl káɓiná.

Efezyɛ̂ŋ 2:10

Nɛ dɔ nāá, í nyɛ ā sá kaɓinā, ā kus kaɓinā tí lɛt káwūnā nɛ Yésus Kilís, tí nāá ná á sá ká tyaa isīsɛ̄ɛ̄. Tyaa isīsɛ̄ɛ̄ ī ték Zɛɛ̄mb ā ɓɛ ɛ́ ɛ lwaa kwomsa tí nāá, ná á sá ká ɓyɛ́ ê.

Efezyɛ̂ŋ 4:24

Ɗūká Kǒ kɛ̌nd myēnj ɗɛ mót ɓwāt kǎnd myēnj ê. Wūl Zɛ́mb ā tɛ̂l tí nāá wá á nɔŋla nɛ wɛ̄ ê. Kǒ-kɛnd ték ú nyēn tí cyuk ɓót o ɗūɛ̄l Zɛ́mb ɓák nɛ ɓɛ̄l ō ɗí tí ɛsú ɛ̄ mí Zɛɛ̄mb ɓák ī dálā nɛ oceece.

1 Tesalonisyɛ̂ŋ 4:1

Ɛ́chāak ɛ́, ɓwán ɓɛ̄ ónaāŋg, zí i lyákɛl ɓěn ɛcyǔk ɗakɛ Zɛ́mb kpɛ́l ê. Í ceece nāá, ɓī mú kā cyuk thɔ́k ɗyaāŋ. Sá gwát ɛ́, zī tí ɛlɛ́ɛ́ ɓén, zī dáklā nɛ nēn tí ɗín ɛ̄ mí Ɗá Yésus nāá, ɓī ɓáka sá ī tháŋ tîn.

1 Tesalonisyɛ̂ŋ 4:7

Tí ɛgū ɓɛɛ ɛ́, Zɛ̌mb a a jôo káɓiná nāá, nī cyúkka cyuk ɛ́sá ímɔlā nɛ ɓot zama zama. Sá gwát ā jôo kaɓiná nāá, nī cyúk ka cyuk áchāāchānj.

2 Tesalonisyɛ̂ŋ 2:13

Ɓwán ɓɛ̄ ónaāŋg ɓēs, ɓɛ wēs pák ɛ́, zī dalǎ ɛmyaŋla nɛ Zɛɛ̄mb itɛ́m ɓyɛ̂ɛs tí mɛsú mēn, ɓyɔ̂ɔ ɓot o Ɗá kpɛ́l ɓâk. Nɛ dɔ nāá, Zɛɛ̄mb ɛ́ ɛ lwaa tɔ̂p ɓeēn tí mɛnyɛɛ̄l mɛ̄ ísínɔŋ, tí nāá, á á cis ɓén tí khul Áchāāchǎnj Sisímb ɗí tí ɛsá nāá, ɓī cyuk cyuk mɛ́chānj ê. Ɛ cís ɓén thɔ́k tí zyě ɛɓūklā ɛ̄ ɓyā ɓûkla oceece ê.

2 Timotê 1:9

Í nyɛ ā kɔt kaɓiná, ɛ jōō káɓiná tí nāá, ná á ɗi ká kúl yɛ̄, ta ɓɛ tí ɛsú ɛ̄ tyâa misāwā kámīnā. Sá gwát tí ɛnwɔŋ ɛ̄ lyém lɛ̄ nɛ tí jwok yɛ̄ nyɛ mot têk. Ā lyákɛl kaɓiná ɛnwɔŋ ɛ lyém ɛ̄ ték tí kɔŋ mí Yésus Kilís ɛsɔ́k nāá, ɛ kûs sī.