Kolosyɛ̂ŋ 4:2 - Myēnj phōn mí Zɛɛ̄mb

² Yā ā jé nāá, mot ŋgwát tí ndɔŋ wēn ɛ tyâk tí mindakla, daklaká nɛ milyém myēn myɛ̂ɛs tí ɛmyaŋla nɛ Zɛɛ̄mb.

Kolosyɛ̂ŋ 4:2 Iomraidhean Croise

Matyôos 26:41

Jüenjɛlkâ, ɓī dâkla, kám nāá, ɓyá a ɓwɔ̂ɔ ɗuma tí mɛphūɛ́l. Mot ɛ nɛ njeā ɛ́sá ɗɛ Zɛ́mb kpɛ́l ê, sá gwát ipúnd ɓyɛ́ ɓī tí tyak.»

Máákus 13:33

Ɓī gú ɓakɛl, ɓī jüénjɛl, nɛ dɔ nāá, ɓyā ā gū tɛ́m isá ī ték wā kúl ê.

Lókas 18:1

Yésus ɛ ɓúzī nwɔŋ yīl ɓwoŋa tí ɛlɛ́ɛ́ nɛ ophōn ɓɛ̄ nāá, ɓá a tyak tí mindakla.

Lókas 21:36

Jüenjɛlkâ, ɓī ɗí tɛ́m yɛ̂ɛs tí mindakla. Náǎŋ ɛ́, ɓyá á ɓɛ nɛ khul tí ɛjísɔɔ sá wā kúl ê. Ɓyá á ɗi thɔ́k mitítɛɛ̄l sɔ̂kphɔɔ̄mb Mwán mí mot.»

Misāwā 1:14

Ɓɛ́ ɓyɛ̂ɛs ɓā ɓɛ tɛ́m yɛ̂ɛs cyǔŋ inɔɔ̄n tí mindakla ɓá nɛ ɓɛ̄l ɓúá nɛ Malía naāŋg mí Yésus kā zī nwɔŋ ɓwán ɓɛ̄ ónaāŋg o mí Yésus.

Lomɛ̂ 12:12

Ɗiká tí mimyaŋla tí tɔɔ̄p mɛjendɛɛ̄l mēn. Ɗiká nɛ ɓīsɔ̄ɔ̄ tí mitūŋ, ɓī gbā mbán tí mindakla.

Efezyɛ̂ŋ 6:18

Ɗaklaká itɛ́m ɓyɛ̂ɛs. Jīká Zɛ̌mb isínɔŋ nɛ mindakla tí khul Áchāāchǎnj Sisîmb. Ɗīká nɛ ɗyênd, ɓī dáklā tí ɛsú ɛ̄ ɓwán ō mí Zɛɛ̄mb ɓyɛ̂ɛs ta tyak.

Filipyɛ̂ŋ 4:6

Ɓyá a gwók ɓā tí yīl sínɔŋ. Sá gwát í su nāá i ɓɛ̄ yɛ̄, Jīká Zɛɛ̄mb sá yɛ̂ɛs ɓí kám é tí mindakla, ɓī myáŋlā nɛ nɛ̄.

Kolosyɛ̂ŋ 1:9

Í sá ték zí ɗí tí ɛdakla tí mɛsú mén itɛ́m ɓyɛ̂ɛs tí ɛnyɛl tí mwēs zá nyɛl ɛgwôk tɔɔ̄p wēn ê. Zī tí ɛdakla nɛ Zɛɛ̄mb nāá, ɛ sâ nāá, ɓī gû njeā wɛ̄ wɛ̂ɛs, tí pek nɛ ɛcélɔɔ lyɛ̂ɛs Áchāāchǎnj Sisímb yɛ̄ ɗí tí ɛjüe ɓót ê.

Kolosyɛ̂ŋ 2:7

Paská mipeēnd tí nyɛ, ɓī súm ícyuk ɓyén ɓyɛ̂ɛs tí nyɛ. Ɗiká itɛ́m ɓyɛ̂ɛs ɛ́thīn tí ɛɓūklā ī dálā nɛ ɗɛ ɓā lyákɛl ɓén ê. Ɓī myáŋlā ɛ́ɓuuɓu nɛ Zɛɛ̄mb.

Kolosyɛ̂ŋ 3:15

Ī je nāá, ɛpyaala ɛ̄ Kūmāndē Zɛ́mb ā kɛs ɔ́kɛ́, lī ɗí nɛ də́ə́ tí milyém myēn. Zɛɛ̄mb ā jôo ɓeēn tí ɛsú lɛ̄ ɛ́pyaala ɛ ték nɛ dɔ nāá, ɓí ipɛ́s ī nól phwát. Myaŋlaká tɛ́m yɛ̂ɛs nɛ Zɛɛ̄mb.

Kolosyɛ̂ŋ 3:17

Sá yɛ̂ɛs ɓī lɛ́ɛ́, gú thɔ́k ɓī sá ékɛ́, dá sāká yɛ́ tí ɗín ɛ̄ mí Ɗá Yésus, nɛ ɛmyaŋla nɛ Zɛ̌mb Sāŋg tí ɗín ɛ̄ mí Yésus.

Kolosyɛ̂ŋ 4:12

Epafás ɗí thɔ́k nɔ̄l mót wēn ɔ́kɛ́, ɛ́ ɛ́ sües ɓén. Sɛ́l mí Yésus Kilís ɔ́nɔ́ɔ̌ŋ ā ā kāt ɛ́dakla ɛ́lyeelyel tí mɛsú mēn, i zyē ɓyá á ɗi ɛ́thīn tí ɛɓūklā, ɓī tōmbā ɓɛ̄ pák sisîmb, ɓī ɗí thɔ́k nɛ tyuūŋ ɛ́ dā sá njeā mí Zɛɛ̄mb tí isínɔŋ ɓyɛ̂ɛs.

1 Pyɛ̂ɛ 4:7

Mɛsīl mɛ̄ sī mɛ́ ɛ́ kúnɔɔ. Ɗyaāŋ ték nák ɛ́, ɗiká nɛ pek, ɓī ɓákɛ̄l ísisímb ɓyěn minjemā, i zyē ɓyá á ɓɛ nɛ khul tí nāá, ɓyá á sá míndakla.