Kolosyɛ̂ŋ 1:9 - Myēnj phōn mí Zɛɛ̄mb

⁹ Í sá ték zí ɗí tí ɛdakla tí mɛsú mén itɛ́m ɓyɛ̂ɛs tí ɛnyɛl tí mwēs zá nyɛl ɛgwôk tɔɔ̄p wēn ê. Zī tí ɛdakla nɛ Zɛɛ̄mb nāá, ɛ sâ nāá, ɓī gû njeā wɛ̄ wɛ̂ɛs, tí pek nɛ ɛcélɔɔ lyɛ̂ɛs Áchāāchǎnj Sisímb yɛ̄ ɗí tí ɛjüe ɓót ê.

Kolosyɛ̂ŋ 1:9 Iomraidhean Croise

Zwâŋ 7:17

Mot kpɛ́l ɛ́sá njeā mí Zɛɛ̄mb ɔ́kɛ́, á á gú, gú lyāklā wám ú ɗüǐs ɓɛ ɗá mí Zɛɛ̄mb, gú mí lüǐ tɔɔ̄p wám myam mot têk.

Misāwā 12:5

Tɛ́m Pyɛ̂ɛ ā ɓɛ twóó njāā mbok ékɛ́, gós-óɓúkɛl í ɓúzī gbá nól tí mindakla tí ɛsú lɛ̄.

Lomɛ̂ 12:2

Ɓyá a ɓaŋa íɓyǒla i mɛ́koō mɛ̄ kɛnd mɛ ɓót ō sī nyûk. Sá gwát ɓyētká nāá, Zɛɛ̄mb ɛ jüê ɓěn osīmsā ō myēnj tí ɛsú lɛ̄ ɛ́cyénj ícyuk ɓyēn, tí nāá ɓyá á gú sá ɛ́ kpɛ́l ê, yīl ɗí tí nwɔŋ é, nɛ yīl ɛ́ ɓɛ́ɛ́ nāá ī tí nwɔŋ é, nɛ yīl ɗí tí ɓū thaŋ ɛ́ nwɔŋ ê.

1 Kolɛ̂ŋt 1:5

Mí lɛ̄ɛ̄ ɗyáŋ tɔɔ̄p nāá, tí lɛt wēn ɓyá nɛ ɓɔɔ Kūmāndē Zɛ́mb ā kɛs ɔ́kɛ́, Zɛɛ̄mb ɛ́ ɛ́ lɛ́mɛl ɓén tí isínɔŋ ɓyɛ̂ɛs, áɗaáɗaŋ tí ɛkɛ́l nɛ tí ŋgūā.

Efezyɛ̂ŋ 1:8

Zɛɛ̄mb ɛ́ ɛ́ lwóndɛl káɓiná nɛ mɛnwɔŋ mɛ̄, nɛ pek yɛ̂ɛs nɛ ɛcélɔɔ.

Efezyɛ̂ŋ 5:10

Gbāká mɛnól tí ɛsáŋ yīl ɗí tí nwɔŋ tí mís mí Ɗá ê.

Efezyɛ̂ŋ 5:17

Í yɛ́ ɗí nāá, ɓyā ā dálā ɛ́kā ɗi míŋgwoŋg, sá gwát gbāká mɛnól tí nāá, ɓī kû gú kpɛlā mí Ɗá Yésus.

Efezyɛ̂ŋ 6:6

Ɓyā ā dálā ɛ́dā sá ɗyáŋ tɛ́m ɓɛ́ ɗí tí ɛnón ɓén é tí nāá, yá á nyēn tí mís mɔ̄ɔ̄ nāá, ɓī tí ɛsá ɛ́nwɔŋnwɔŋ. Sá gwát, lwōndɛ̄lká njeā mí Zɛ̌mb nɛ milyém myēn myɛ̂ɛs ɗɛ míkwōm mí Kūmāndē Zɛ́mb ā kɛs ɔ̂.

Filipyɛ̂ŋ 1:4

Tɛ́m yɛ̂ɛs mí dáklā tí ɛsú ɛ̄ ɓén ɓyɛ̂ɛs ékɛ́, mí daklǎ nɛ mimyaŋla.

Kolosyɛ̂ŋ 1:6

Tyaa Pɔ́ ték nyí í dala sī, nyī gūm phúm tí sī nyɛ̂ɛs jwok gwát ɗakɛ yā sɛ́ɛ ɓɛ yēn tí ɛnyɛl tí mwēs ɓyā nyɛl ɛgwôk nāá, Zɛɛ̄mb ɛ tí ɛsá ɓót ɛnwɔŋ, ɓī gū ɛ́nwɔŋ ɛ mí Zɛɛ̄mb ɛ ték ɛ́nwɔŋnwɔŋ ê.

Kolosyɛ̂ŋ 3:16

Ī je nāá, ɓī ɗî milwōndlā nɛ ɛkɛ̄l ɛ̄ Kūmāndē Zɛ́mb ā kɛs ɔ̂. Lyāklāká Ɛkɛ́l ɛ̄ mí Zɛɛ̄mb, lyōwōlká pāká nyēn nɛ pek yɛ̂ɛs ɓí ɗí nɛ yɛ́ ê. Myaŋlaká nɛ Zɛɛ̄mb. Jēmbkānā nɛ milyém myēm myɛ̂ɛs ɓák ɓɛ̄ jēmb ɓák idaā i ɗüís tí mɛkanā mɛ̄ Zɛ́mb ɓîk, ɓī jēmb ídaā i ɓót ō mí Zɛɛ̄mb, ti nɛ mimbi mī ídaā myɛ́ɛ̌s Sisímb jüē ɓén ɓîk.

Kolosyɛ̂ŋ 4:12

Epafás ɗí thɔ́k nɔ̄l mót wēn ɔ́kɛ́, ɛ́ ɛ́ sües ɓén. Sɛ́l mí Yésus Kilís ɔ́nɔ́ɔ̌ŋ ā ā kāt ɛ́dakla ɛ́lyeelyel tí mɛsú mēn, i zyē ɓyá á ɗi ɛ́thīn tí ɛɓūklā, ɓī tōmbā ɓɛ̄ pák sisîmb, ɓī ɗí thɔ́k nɛ tyuūŋ ɛ́ dā sá njeā mí Zɛɛ̄mb tí isínɔŋ ɓyɛ̂ɛs.

Kolosyɛ̂ŋ 4:5

Kɛ̄ká nɛ ɓot o ɗí ta ɓā ɓûkla ɓák nɛ pek. Tɛ́m ɗí nɛ tyaa tɛ́m ékɛ́, ɓyá a ɓyét nāá, tɛ́m ték ī tháŋ ɗyaāŋ.

1 Tesalonisyɛ̂ŋ 1:3

Tí oceece, zā ā jésā ísɛ̄ɛ̄ ɓī ɛ́ɓūklā lēn, nɛ isīsɛ̄ɛ̄ ī kpɛɛ̄l yēn ɓí ɗí tí ɛlyákɛl sɔ̂kphɔɔ̄mb mí Zɛ̌mb Sāŋg káwūnā é, nɛ mɛjendɛɛ̄l mēn ɓí ɗí nɛ mɛ́ ɛ́jüīī zinjá mí Ɗá káwūnā Yésus Kilís ê.

1 Tesalonisyɛ̂ŋ 5:17

Ɗaklaká itém ɓyɛ̂ɛs.

2 Tesalonisyɛ̂ŋ 1:11

Í yɛ́ ɗí nāá, zī tí ɛdakla ítɛ́m ɓyɛ̂ɛs tí mɛsú mēn tí nāá, Zɛɛ̄mb káwūnā ɛ sâ nāá, ɓī cyûk ī dálā nɛ njōwōl ā jôo ɓeēn ê. Ɛ ɓáká sá thɔ́k nāá, tí khul nyɛ̄ ɛ́, ɛ kɛ̂m ɓeēn tí nāá, ɓī sâ ɛnwɔŋ lyɛ̂ɛs ɓí kám ɛ́sá lîk. Ɛ sā thɔ́k nāá, ɛɓūklā lēn lī jüê ɓěn khul tí isɛ̄ɛ̄.

Filemɔ̂ŋ 1:4

Filemɔ̂ŋ, tɛ́m yɛ̂ɛs mí ɗí tí ɛdakla nɛ Zɛ̌mb waām ékɛ́, mā ā jésā ɔ̂, mi tí myaŋla nɛ nɛ̄ tí ɛsú lɔ̂.

Filemɔ̂ŋ 1:6

Mí tí ɛdakla nɛ Zɛɛ̄mb nāá, lɛt ú ɗí nɛ wɛ́ nɛ nēs twóó ɛɓūklā ékɛ́, ū gûm phûm. I zyē wá á sá nāá, ɓot ɓɛ̄ gú ɛ́nwɔŋnwɔŋ sá yɛ̂ɛs ɗí tí nwɔ̌ŋ zinjá nyēs ɛ́, tí ɛsú ɛ̄ Kūmāndē Zɛ́mb ā kɛs ɔ̂.

Eɓelê 10:36

Í tí ɛje ɓén mbán, tí ɛlwóndɛ̌l njeā mí Zɛɛ̄mb, tí nāá, ɓyá á ɓye sá ā kɛs ê.

Eɓelê 13:21

Í je nāá, Zɛɛ̄mb ték ɛ jüē ɓěn khul tí nāá, ɓí sâ sá yɛ̂ɛs ɗí tí nwɔŋ ékɛ́, ī zye nāá, ɓyá á sá njeā wɛ̄. Í je nāá, Zɛ̌mb ɛ sâ sá ɛ́ kpɛ́l ékɛ́, tí icyuk i káɓīnā, tí ɛthaŋ tí kɔŋ mí Yésus Kilís mot dálā nɛ kúm tí ɛsú lɛ̄ ítɛ́m ɓyɛ̂ɛs ɔ̂! Aamɛn.

Zwâk 1:5

Í ɓɛ̄ nāá, mot ŋgwát tí ndɔŋ wēn ɛ tí ɛlúk pek nâk, ɛ jī Zɛɛ̄mb yá, á á jüe ɛ. Nɛ dɔ nāá, Zɛɛ̄mb ɛ́ jüé ɓót ɓyɛ̂ɛs nɛ tyaa lyém, ta ɓɛ nɛ mɛzɛma.

Zwâk 3:17

Sá gwát, pek ɗüís ɓɛ ɛ́kó ékɛ́, í nyēē jüe mót lyém áchāāchānj. Phúla ték ɛ́, ī gbā ɛ́pyaala nɛ ɛtela pāká ɓot, ī sāŋ ɛ́lat ɓôt, í lwōndlā nɛ ɛnwɔŋ, í sá tyâa isīsɛ̄ɛ̄, yá a ɓɛ̄ nɛ pák nɛ mot, thɔ́k ɛ́, yá a ɓɛ̄ nɛ mɛpek.

1 Pyɛ̂ɛ 2:15

Nɛ dɔ nāá, Zɛɛ̄mb ɛ́ kpɛl nāá, ɓī sâ ɛnwɔŋ, ī zyē yá á ɗyuɛl mínup mi ɓót ō ɗí ɗɛ ígoō, ɓɛ̄ ɓáká ɗǐ nɛ ɛjók ɓâk.

1 Pyɛ̂ɛ 4:2

Tí ɛkā nyɛl ɛ́chāak, tí ɓīm mɛ́lú ɓí ka līs nɛ mɛ́ tí iɓwaās ɓík ɛ́, ɓyá a kā cyǔk ɗakɛ ɓót ɓɛ̄ íɓwaās o kpél ê, sá gwát cyukká ɗakɛ Zɛ́mb kpɛ́l ê.

1 Zwâŋ 2:17

Ɓyela yɔ̂ɔ nāá, sī nyī tí ɛkpáŋ nɛ iɓyǒla ī mínjeā myɛ́ myɛ̂ɛs. Sá gwát, mot sá njeā mí Zɛɛ̄mb ɔ́kɛ́, ɛ́ cyǔk ndǒmb ɗiī.

1 Zwâŋ 5:20

Nī tí gú ká nāá, Mwán mí Zɛɛ̄mb ɛ́ ɛ́ zye tí ɛzī jüe káɓiná ɛcélɔɔ ɛ sā nāá, nī gú ká tyaa Zɛɛ̄mb lîk. Nī ɗí ka lɛt nɛ tyaa Zɛɛ̄mb tí kɔŋ Mwán wɛ̄ Yésus Kilîs. Í nyɛ ɗí tyaa Zɛɛ̄mb, í nyɛ ɗí cyuk mɛ́lú myɛ̂ɛs.