Filipyɛ̂ŋ 2:19 - Myēnj phōn mí Zɛɛ̄mb

¹⁹ Mi nɛ ɛɓūklā nāá, Ɗá Yésus á á kam nāá, mi kpás ɛthes ɓén Timoté tí nāá, yá á lelɛl mɛ̄ tí isá ɛ́ wā zī lɛ́ɛ́ mɛ́, ī ɗúm nɛ nēn ɓîk.

Filipyɛ̂ŋ 2:19 Iomraidhean Croise

Matyôos 12:21

Thɔ́k ɛ́, ikúl ɓyɛ̂ɛs ɓyá á gbá mɛ́jendɛɛ̄l mɔ̄ɔ̄ tí nyɛ.»

Misāwā 16:1

Pɔ́l ɛ ɓúkā tɔ́ ɓɛ̌ khandǎ Ɗɛ́ɛɓ, phúla ték ɛ́, ɓɛ̌ Lístɛlɛ. Pyaāŋ ɛ́, í i ɓɛ nɛ nɔ̄l mbúkɛl mí Yésus ɗín lɛ̄ nāá, Timotê. Naāŋg ā ɓɛ Yúɗɛn, mbúkɛl mí Yésus, sāŋg wɛ̄ nyɛ ā ɓɛ Gɛlɛ̂k.

Lomɛ̂ 15:12

Izaí mgbɛ́sel mitɔɔ̄p mí Zɛɛ̄mb ɛ́ lɛ̄ɛ̄ yɛ̄ thɔ́k nāá: «Mot á á gbɔ́m tí chīlā mí Yesê, Ɛ zí ɗi ndə́ə́ ɓɛl ō ɗí ta ɓɛ Óyúɗɛn ɓâk, Thɔ́k ɛ́, ɓot o ɗí ta ɓɛ Óyúɗɛn ɓák ɛ́, Ɓá á jendɛl ɛ̂.»

Lomɛ̂ 16:21

Timoté, mot zá nɛ nɛ̄ sālā ndɔŋ ɔ́kɛ́, ɛ tí ɛsües ɓén. Lüsús, nɛ Yasɔ́n ɓá nɛ Sosipatɛ́ɛ ɗí mimbyɛ́l myám ɓák ɛ́, ɓɛ́ thɔ́k tí ɛsües ɓén.

1 Kolɛ̂ŋt 4:17

Í yɛ́ mí thes ɓén Timoté, ɗí mwán kpɛ̌l waām twóó mí Ɗá, nyɛ mot dá gú nje ték tɔɔ̄p mí Ɗá ɔ̂. Í nyɛ wā zī ɓākā lɛ́ɛ́ ɓén isá ī mí ɗí tí ɛlyákɛl ɓót tí kɛnd zá nɛ Kūmāndē Zɛ́mb ā kɛs ɔ̂, í thɔ́k sá mí ɗí tí ɛlyákɛ̌l pyaāt yɛ̂ɛs twóó Igós ɓī óɓúkɛl ɓyɛ̂ɛs ê.

Efezyɛ̂ŋ 1:13

Ɓyɔ̂ɔ thɔ́k tɛ́m ɓyā gwôk pɔ́ oceece ɗí Tyaa Pɔ́ nyā jüe ɓěn cyuk ékɛ́, ɓī ɓúzī ɓûkla Kūmāndē Zɛ́mb ā kɛs ɔ̂. Zɛ̌mb ɛ ɓúzī gbá ɓén ɛjüeēs lɛ̄. Ɛjüeēs ɛ ték í Áchāāchǎnj Sisímb ā kɛs ɔ̂.

Filipyɛ̂ŋ 1:1

Í myam Pɔ́l nɛ Timotê, osɛ́l ō mí Yésus Kilîs. Zí til ɓót ō mí Zɛɛ̄mb o ɗí tí ɛsú ɛ̄ mí Yésus Kilís, ɓɛ̄l ō ɗí ɓɛ̌ khandǎ Fílíp ɓák ti nɛ otyáá ɓɛ̄ ɛ́sɔ́k nɛ iɗiákɔn ɓyɔ̄ɔ̄.

Filipyɛ̂ŋ 2:18

Jwok gwát ɛ́, ɓyɔ̂ɔ thɔ́k ɗiká tí mimyaŋla, myam thɔ́k má á ɗí tí mimyaŋla mi têk.

Filipyɛ̂ŋ 2:28

Í yɛ́ mí theēs ɓén nyaā ɛ́vaava i zyē nāá, tɛ́m ɓí wā ɓɛɛ ɛ́ ékɛ́, ɓyá á ɗi tí mimyaŋla, nyaām phímb nī syák thɔ̂k.

1 Tesalonisyɛ̂ŋ 3:2

Thɔ́k ɛ́, zī ɓúzī thes ɓén mwânǎŋg wēs Timoté zá nɛ nɔ̄ɔ̄ sālā Zɛ́mb ndɔŋ ɔ́ tí ɛtyáá tūnd Tyâa Pɔ́ mí Kūmāndē Zɛ́mb ā kɛs ɔ́, tí nāá, á á jüe ɓén khul, ɛ lélɛ̄l ɓén ɛɓūklā lēn.

1 Tesalonisyɛ̂ŋ 3:5

Í yɛ́ ɗí nāá, ɗɛ mí ɓɛ̄ ta wā kā jísɔɔ ɛ́ɓwónd ékɛ́, mi ɓúzī thes ɓén Timoté tí nāá, á á zī ɓɛɛ gú ɓyá a tyáŋlā tí ɛɓūklā nâk. Mā ɓɛ tí ɛkámb nāá, yá a ɓwɔ̂ɔ ɓɛ nāá, Sátan ɛ́ ɛ́ zī ɓúɛl ɓén, isɛ̄ɛ̄ ɓyēs ɓī jüē thuk.

2 Tesalonisyɛ̂ŋ 1:3

Zí dala ɛ́myaŋla nɛ Zɛ̌mb itɛ́m ɓyɛ̂ɛs tí ɛsú lēn ɓyɔ̂ɔ ɓwán ɓɛ̄ ónaāŋg ɓēs. Ī tí dala nāá, zī sâ ɗyǎŋ nɛ dɔ nāá, ɛɓūklā lēn lī tí ɛgwéé ɛ́ɓuuɓu, thɔ́k kpɛɛ̄l ɓí ɗí nɛ yɛ́ pāká nyēn ékɛ́, i da ɓɛ̄ ɛ́gwéé nɛ ɛgwêe.

2 Timotê 1:12

Í tí ɛsú ɛ̄ ték mí ɗí tí ɛɓɛɛ mítūŋ mík ê. Sá gwát mā ā gwōk sɔ́n nɛ dɔ nāá, mi tí gú mót mí jéndɛl ɔ̂. Thɔ́k mi tí gú ɛ́nwɔŋnwɔŋ nāá, ɛ nɛ də́ə́ ɛ́ɓakɛl sá ā jüe mɛ ékɛ́, ī kɛ́ kǔm mwēs ɛ́ wā cyúkɛ̌l tɔɔ̄p pāká ɓá nɛ ɓot ê.

Zwâk 4:15

Ɓí dalǎ nɛ ɛlɛ́ɛ́ nāá, «Ɗá ɛ́ wā ka nâk, ná á cyukkâ, nī sā ká sá süís, gú thɔ́k sá kɛl.»

1 Pyɛ̂ɛ 1:21

Ɓí ɓūklā Zɛ́mb nyɛ mot ā sá nāá, ɛ pâs pāká mimúŋ, ɛ ɓākā jüe ɛ̄ kúm ɔ́kɛ́, tí kɔŋ wɛ̄. Í sá ték ɓí gbā ɛ́ɓūklā lēn nɛ mɛjendɛɛ̄l tí Zɛɛ̄mb ê.