30 Nɛ dɔ nāá, ní kana ipɛ́s ī nól nyɛ̄.
Jwok gwát nɛ gwát, ɗakɛ ná nɛ ɓɔɔ Kūmāndē Zɛ́mb ā kɛs ɔ́ mú ka lɛt ékɛ́, nī mú ka nól phwát ísu ɗɛ ní ɗí tí ɓu ká ê. Nī mú ka thɔ́k lɛt pāká kányīnā ákɛl tí yɛ̄ ɗií ɗakɛ ípɛ́s ī nól phwát.
Ɓyā ā gū nāá mɛnól mēn mɛ́ ipyaāt ī nól Kūmāndē Zɛ́mb ā kɛs ɔ́kɛ́? Í nɛ zyeē nāá, mi nwɔ̂ŋ pyaāt nól mí Kūmāndē Zɛ́mb ā kɛs ɔ́, mi línj yɛ́ pyaāt nól sapák múmá? Kât!
Gós-óɓúkɛl ɗí kuū nól mí Kūmāndē Zɛ́mb ā kɛs ɔ̂, twóó Gós-óɓúkɛl ték ɛ́, Kūmāndē Zɛ́mb ā kɛs ɔ́ ɛ thindî. Zɛɛ̄mb thɔ́k ɛ thindí twóó mí Kūmāndē Zɛ́mb ā kɛs ɔ̂.
Tí oceece, yá a ɓɛ̄ nɛ mot nímb nól nyɛ̄, sá gwát ɛ́ dāmbɛ̄l nyɛ̂, ɛnwɔ́ŋ ɛ́kɔɔ nɛ nyɛ́ ɗakɛ Kūmāndē Zɛ́mb ā kɛs ɔ́ ɗí tí ɛsá tí ɛsú ɛ̄ Gós-óɓúkɛl ê.
Ɓá a ɓɛ̄ lɛt nɛ Kūmāndē Zɛ́mb ā kɛs nyɛ mot ɗí ló ɔ̂. Ɓyela yɔ̂ɔ nāá, i Kūmāndē Zɛ́mb ā kɛs ɔ́kɛ́, ɗí tí ɛsá nāá, nól nyɛ̂ɛs nyī ɗî ndāmblā, ipɛ́s ī nól ɓyɛ̂ɛs ɓī ɗî lɛt tí mɛɓwoōŋ mɛ̄ nól nɛ ithámbā, nyī gwēē ɗakɛ Zɛ́mb kpɛ́l ê.
