Efezyɛ̂ŋ 3:17 - Myēnj phōn mí Zɛɛ̄mb

¹⁷ Kūmāndē Zɛ́mb ā kɛs ɔ́, ɛ ɗí thɔ́k twóó milyém myēn tí zyě ɛɓūklā. Mí jī ɛ́ nāá, ɓī pâs mipeēnd ɓī ɗí míndíndiīl twóó kpɛɛ̄l.

Efezyɛ̂ŋ 3:17 Iomraidhean Croise

Matyôos 13:6

Tɛ́m jüēs yā ka zye ékɛ́, ī dá ɗís phɛk ték ɗīs ê. Ī swās tí lúk tyâa mipeēnd.

Lókas 6:48

mot ték ɛ́ nɔŋlǎ nɛ mot ɗí tí ɛsǔm njāā, ɛ nyéé pú íɓwaās, mɛphē mɛ̄ ɗîm, ɛ gbā mɛ́kɔ̄k mɛ̄ ípetok ɔ̂. Ɛ ɓúkā sǔm njāā wɛ̄ kwóó têk. Tɛ́m mɛ́ɗyūū mɛ̄ phéŋ wā zī khɛnja ték ékɛ́, njāā ú ɛ́mgbemgbemgbe, wá ǎ ɓuūs.

Zwâŋ 14:17

Í Sisímb óceece, ɓot ɓɛ̄ íɓwaās ɓá a ɓɛ̄ nɛ khul ɛɓye ɛ́ nɛ dɔ nāá, ɓā ā ɓɛ́ɛ́ ɛ̂, ɓā ā gū ɛ́ thɔ̂k. Sá gwát, ɓyɔ̂ɔ ɓí tí gú ɛ̂. Nɛ dɔ nāá, ɛ ndumɛ nɛ nēn, ɛ thɔ́k twóó nyēn.

Zwâŋ 14:23

Yésus ɛ ɓúzī ɓɛ́s nɛ nɛ̄ nāá: «Mǒt ɓɛ̄ tí kpɛl mɛ́ nâk, á á ɗúɛl mɛ́kɛ́l mâm, Sāŋg waām thɔ́k ɛ kpɛ́l ɛ̂. Zá nɛ Sǎŋg waām zī zí ɓye óɗia ɓɛ yɛ̄.

Zwâŋ 17:23

Myam twóó ɓɔ̂ɔ ɛ́, wɔ twóó myam. I zyē ɓá á ɗi tyâa lɛt, ɓot o sī nyúk ɓɛ̄ gū nāá, í wɔ wā thes mɛ. Thɔ́k ɛ́, u tí kpɛl ɓɛ́ ɗakɛ ú kpɛ́l mɛ́ ê.

Zwâŋ 6:56

Mot wā ɗɛ ípúnd ɓyám, ɛ ɗɛ̄ chía nyaām ɔ́kɛ́, zá nɛ nɛ̄ zá á ɗǐ lɛt.

Lomɛ̂ 5:5

Mɛjendɛɛ̄l mɛték mā ā jüē káɓiná ɛsɛɛ̄l. Nɛ dɔ nāá, Zɛɛ̄mb ɛ́ ɛ́ gbá kpɛɛ̄l yɛ̄ twóó milyém mī kámīnā, ɛ tháŋ tí Áchāāchǎnj Sisímb ā jüe kaɓiná ɔ̂.

1 Kolɛ̂ŋt 3:6

Myam mā ɓɛ phɛk, Apolós nyɛ ɛ só mɛɗyūū têk, sá gwát í Zɛɛ̄mb ā sâ nāá, ī pás e.

1 Kolɛ̂ŋt 8:1

Ɛ́chāak ɛ́, nī mú tí ɛkā zī lüii ká tɔ̌p ɓuɓuka tīt ɓɛ́ dō tí ɛsa íɓyǒla ɓī ózɛ̌mb mɛtûnka nɛ yɛ́ ê. Í ceece nāá, ɓináká ɓyɛ̂ɛs ní ka nɛ ŋgūā tí tɔɔ̄p ték, ɗakɛ ɓí ɓā ɗi tí ɛlɛ́ɛ́ ê. Sá gwát ŋgūā ték ū tí ɛjüe mót ɛɓén ɛ̄ nól, ɓyela nāá, kpɛl ɗí tí ɛsá nāá, gós-óɓúkɛl ī gwée tí ɛɓūklā.

2 Kolɛ̂ŋt 13:5

Ɓyɔ̂ɔ ɓot oték fyalkâ, fyalká icyuk ɓyēn, ɓyá á ɓɛɛ gú ɓí cyuk tí ɛɓūklā nâk. Ɓī tí ɛɓɛɛ ɛ́nwɔŋnwɔŋ nāá, Yésus Kilís ɛ twóó nyén ɛ̂? Nɛ gú thɔ́k nāá, ɓyá a ɓɛ̄ nɛ khul ɛ lyákɛl tí kǒ-kɛnd wēn nāá, ɓí í ɓûkla.

2 Kolɛ̂ŋt 6:16

Wɔ́ɔ́ lɛt ɗí pāká njāā Zɛ́mb ánénén nɛ ozɛɛ̄mb o míkpakā ê? Nɛ dɔ nāá, nyɔ̂ɔ ká ní kāná ánénén njāā Zɛ́mb ɗí tí ɛcyuk ɔ́, ɗakɛ nyɛ́ mot ték ā lɛ́ɛ nāá: «Má á ɗi twóó nyɔ̄ɔ̄, mi kɛ̄ zá nɛ nɔ̄ɔ̄. Má á ɗi Zɛ́mb wɔ̄ɔ̄, ɓɔ̂ɔ ɓɛ̄ ɗí kúl ɓót yâm.»

Galât 2:20

tí tɛ̄lā ɗí nāá, ɛ́chāak ɛ́, yá a ká ɓɛ myám ɗí tí ɛcyuk, í Kilís ɗí tí ɛcyuk twóó myam. Cyuk ípúnd mí cyúk tí sī nyúk tel ékɛ́, mí cyuk yɛ́ nɛ dɔ nāá, mi nɛ ɛɓūklā nɛ Mwán mí Zɛɛ̄mb, mot ā kpɛl mɛ, ɛ dǒl cyuk yɛ̄ tí ɛsú lám ɔ̂.

Galât 5:6

Nɛ dɔ nāá, mot ɗí lɛt nɛ Yésus Kilís ɔ́kɛ́, gú ɛ́ ɛ́ sáwǎ zaŋgo, gú a a sāwāā zaŋgo, yīnɛ́ɛ̌ŋ yá a ɓɛ̄ nɛ nɔm. Sá ɗí nɛ nɔm ékɛ́ í nāá, ɛ ɓûkla, ɛ lyākɛ̄l ɛ́ɓūklā lɛ̄ tí kpɛɛ̄l.

Kolosyɛ̂ŋ 1:23

Sá gwát, í dá je yɔ̂ɔ nāá, ɓī dâ ɗi ɛ́thīn tí ɛɓūklā, ta tyaŋla, ta cyeta nɛ mɛjendɛɛ̄l ɓyā ɓye tɛ́m ɓyā gwôk Tyaa Pɔ́ ê. Tyaa Pɔ́ ték nyā lɛ́ɛ́aa ɓot o sī ɓyɛ̂ɛs. Ī thɔ́k Tyaa Pɔ́ ték sā nāá, myam Pɔ́l mi ɗî sɛ́l ê.

Kolosyɛ̂ŋ 1:27

Nɛ dɔ nāá, Zɛɛ̄mb ā kam ɛsá nāá, ɓot ɓɛ̄ oték ɓɛ̄ gû jwǒk sɔlā ték ɗí nɛ ánénén nɔm nɛ thūnd kúm, ā kwomsa yɛ́ tí ɛsú ɛ ɓīl íkúl ɓyɛ̂ɛs ê. Jwǒk sɔlā ték í nāá: Ɓyā nɛ ɓɔɔ Kūmāndē Zɛ́mb ā kɛs ɔ́kɛ́, ɓī mú lɛt. Thɔ́k ɛ́, ɛ tí ɛjüe ɓén mɛjendɛɛ̄l nāá, ɓyá á ɓɛ nɛ ɛkɔɔ tí kúm mí Zɛɛ̄mb.

Kolosyɛ̂ŋ 2:7

Paská mipeēnd tí nyɛ, ɓī súm ícyuk ɓyén ɓyɛ̂ɛs tí nyɛ. Ɗiká itɛ́m ɓyɛ̂ɛs ɛ́thīn tí ɛɓūklā ī dálā nɛ ɗɛ ɓā lyákɛl ɓén ê. Ɓī myáŋlā ɛ́ɓuuɓu nɛ Zɛɛ̄mb.

1 Zwâŋ 4:16

Zyɔ̂ɔ ɛ́, zī tí gú, zí thɔ́k tí ɛɓûkla nāá, Zɛ̌mb ɛ tí kpɛl káɓiná. Zɛ̌mb ɛ lwōndlā nɛ kpɛɛ̄l. Mot ɗí tí kpɛl ɓwán ɓɛ̄ ónaāŋg ɔ́kɛ́, ɛ́ ɗǐ lɛt nɛ Zɛɛ̄mb, Zɛ̌mb ɛ ɗí lɛt nɛ nɛ̄.

1 Zwâŋ 4:4

Í kā ɓɛ ɓyɔ̂ɔ nák, ɓwán ɓâm, ɓí ɓot o mí Zɛɛ̄mb, thɔ́k ɛ́, ɓí í ga ógbɛ́sel o mítɔɔ̄p ɓɛ̄ ócāl. Nɛ dɔ nāá, Sisímb ɗí twóó mɛnól mēn ékɛ́, í í thaŋ yīl ɗí tí sī nyúk ê.

Apokalîs 3:20

Myam nyɔ̌ títɛɛ̄l tí ɛgbɛ̄s, mi tí ɛkwɔ́kɛl. Mǒt gwōk jwōnd yâm, ɛ ɗíí ɛ́gbɛ̄s nák, má á ní ɓɛ yɛ̄, zá nɛ nɛ̄ zī ɗɛ̄ íɗóó gúmɛ̄ gwát.»