Efezyɛ̂ŋ 2:9 - Myēnj phōn mí Zɛɛ̄mb

⁹ Yá a ɓɛ̄ tí misāwā myēn ɓyā ɓye yɛ́ ê. Nák ɛ́, mot a a ɓɛ̄ nɛ khul ɛlɛ́ɛ́ nól nɛ yɛ̂.

Efezyɛ̂ŋ 2:9 Iomraidhean Croise

Lomɛ̂ 11:6

Ā tɔ̂p ɓɛ tí ɛnwɔŋ ɛ̄ lyém lɛ̄, ta ɓɛ̄ tí isīsɛ̄ɛ̄ ɓyɔ̄ɔ̄. Ī ɓɛ̄ tí tɔɔ̄p ísīsɛ̄ɛ̄ ɓyɔ̄ɔ̄ nâk, phú ɛnwɔŋ ɛ lyém ɛ̄ mí Zɛɛ̄mb lá a kū kā ɓɛ ɛ́nwɔŋ ɛ̄ lyêm.

Lomɛ̂ 3:20

Í yɛ́ ɗí nāá, Zɛ̌mb a á nwɔŋ mót nāá, ɛ zwēs sɔ̂kphɔ̌mb nyɛ̄ tɔɔ̄p nāá, ɛ́ ɛ́ ɗúɛl sá yɛ̂ɛs lɔ́a lɛ́ɛ́ ê. Lɔ́a í nje tí ɛsú lɛ̄ ɛ́lyákɛl mót nāá, ɛ́ ɛ́ sɛ̂m.

Lomɛ̂ 4:2

Í ɓɛ̄ nāá, Áɓilam ā nwɔŋaa ɗakɛ̌ zwēs sɔ̂kphɔ̌mb nyɛ̄ tí tɔɔ̄p tyâa misāwā myɛ̄ nâk, phú ɛ́ ɛ lɛ́ɛ nôl. Sá gwát ta ɓɛ sɔ̂kphɔɔ̄mb mí Zɛɛ̄mb.

Lomɛ̂ 9:11

Sá gwát Zɛɛ̄mb ɛ nɛ yɛ̄ jwok tɛ́m ɛ́ tɔɔ̄p ɓót ê. Ā ā tɔɔ̄p mót tí misāwā myɛ̄. Ɛ́ tɔɔ̄p mót nyɛ́ mot ték kám ɔ̂. Tí ɛlyákɛl nāá, ā ā ɗí ta lwóndɛ̌l jwok yɛ̄, Zɛɛ̄mb ɛ ɓúzī lɛ́ɛ́ nɛ Leɓéka ɓwán ɓɛ̄ ta ɓā ɓyɛ̂l, ɓɔ̂ɔ ta ɓā sá ɛ́nwɔŋ gú līl ɛ́ɓyóó nāá: «Tōmbá, á á ɓɛ tí də́ə́ mwâthɛɛ̄mb.»

Lomɛ̂ 9:16

Nák ɛ́, ɛtɔ́p ɛ̄ mót ɛ́, yá a ɓɛ̄ tí kpɛlā môt, gú thɔ́k tí khul nyɛ̄. Sá gwát ɛ́, í nje tí ndōsā khɔ́ŋ mí Zɛ̌mb nyee mɛ̄t.

2 Timotê 1:9

Í nyɛ ā kɔt kaɓiná, ɛ jōō káɓiná tí nāá, ná á ɗi ká kúl yɛ̄, ta ɓɛ tí ɛsú ɛ̄ tyâa misāwā kámīnā. Sá gwát tí ɛnwɔŋ ɛ̄ lyém lɛ̄ nɛ tí jwok yɛ̄ nyɛ mot têk. Ā lyákɛl kaɓiná ɛnwɔŋ ɛ lyém ɛ̄ ték tí kɔŋ mí Yésus Kilís ɛsɔ́k nāá, ɛ kûs sī.