Efezyɛ̂ŋ 1:6 - Myēnj phōn mí Zɛɛ̄mb

⁶ Ɗyaāŋ ték nī lúŋgɛl kana kúm mí Zɛɛ̄mb tí ánénén ɛ́nwɔŋ ɛ́sā káɓiná lá títoōk ɛ tháŋ tí Mwán kpɛ̌l wɛ̄ ê.

Efezyɛ̂ŋ 1:6 Iomraidhean Croise

Matyôos 17:5

Ɛ jína tí ɛlɛ́ɛ́ ɗyáŋ nâk, ɓúk juūnd ɛ́pɛɛpɛn ī dá zye, ī zí ɓútɛl ɓɛ̂. Jwōnd mí Zɛɛ̄mb ī ɓúzī gbɔ́m twóó ɓúk juūnd têk, ī lɛ̄ɛ̄ nāá: «Nɔ́k ɛ Mwán aām mí ɗí tí ɓū kpɛl ɔ̂. Nɔ̄l mí tɔɔ̄p ɛ̄ nɛ mimyaŋla ɔ̂. Gwōkká nyɛ!»

Matyôos 20:9

Ɓɛ̄l ō ɓā nyɛl isɛ̄ɛ̄ tí mɛwolo mɛtɛ́n mɛ̄ ɓíkokō ɓák ɛ́, ɓɛ̄ ɓúkɛ̄ zye, ákɛl ɛ ɓyé myána mɛ̄ ísɛ̄ɛ̄ ī ŋgúmǎ mwēs.

Matyôos 3:17

Jwōnd ī ɓúzī gbɔ́m ɓɛ̌ jwôo ī lɛ̄ɛ̄ nāá: «Nɔ́k ɛ́, ɛ mwán mí ɗí tí ɓū kpɛl ɔ̂. Lyém wám wɛ̂ɛsa ú nɛ nɛ̄.»

Lókas 2:14

«Kúm nɛ Zɛɛ̄mb ɗí kwóó ijwóó ɔ̂. Ɛpyaala lī ɗî tí iɓwaās nɛ ɓɛ̄l ō Zɛ́mb kpɛ́l ɓâk.»

Zwâŋ 10:17

Sāŋg waām ɛ tí kpɛl mɛ́ nɛ dɔ nāá, mí dōl cyuk yám tí nāá, má á ɓākā ɓye yɛ̂.

Zwâŋ 3:35

Sāŋg ɛ tí kpɛl Mwân, í yɛ́ ɗí ɛ́ ɛ́ jüe ɛ́ sá yɛ̂ɛs ê.

Lomɛ̂ 8:1

Ɗyaāŋ ték ɛ́chāak ɛ́, yá a ká ɓɛ nɛ yīl pɔ́nɛ́s tí ɛsú ɛ̄ ɓót o ɗí lɛt nɛ Yésus Kilís ɓâk.

2 Kolɛ̂ŋt 4:15

Sá yɛ̂ɛs ɗí tí ɛkúl ɓés ékɛ́, í tí mɛsú mēn. I zyē thūnd ɓót ɓá á titɔ́ nɛ ɛɓɛɛ ɛ́nwɔŋ ɛ̄ lyém ɛ̄ mí Zɛɛ̄mb, tí nāá, yá á ɓu ɓót ō wā myaŋla nɛ Zɛɛ̄mb, ɓɛ̄ jüē ɛ́ kúm ɓâk.

2 Kolɛ̂ŋt 5:21

Kūmāndē Zɛ́mb ā kɛs ɔ́kɛ́, a a sɛ̂m. Sá gwát ɛ́, Zɛɛ̄mb ɛ ɓúzī sá nāá, ɛ khɛ̂ sɛ̄m káwūnā. I zyē ná á ɗi ká mizwēs sɔ̂kphɔɔ̄mb mí Zɛɛ̄mb tí lɛt ná nɛ ɓɔɔ Kūmāndē ā kɛs ɔ̂.

Efezyɛ̂ŋ 1:12

Ɗyaāŋ ték nyɔ̂ɔ ká ɓot nā ɓɛ ka ɛsɔ́k tí ɛgbá mɛ́jendɛɛ̄l tí Kūmāndē Zɛ́mb ā kɛs ɔ́ ɓák ɛ́, nī lúŋgɛl ka phɛ̄ kúm mí Zɛɛ̄mb.

Efezyɛ̂ŋ 1:14

Áchāānchǎnj Sisímb ték ɗí ɛkɔɔ lɛ̄ ɛ́sɔ́k mɛ́nwɔŋ mí Zɛɛ̄mb ní wā ɓye ká mâk. Ná á ɓye ká ɛkɔɔ ɛ ték tɛ́m wā ɓɛ̄ ní í ɓɛ́sa ká nɛ ɛɓyóó ceece ê. Nī lúŋgɛl ka phɛ̄ kúm mí Zɛɛ̄mb.

Efezyɛ̂ŋ 1:18

Mi tí ɛdakla nɛ Zɛɛ̄mb tí ɛsú lēn nāá, ɛ ɗíi ɓěn milyém i zyē ɓyá á sîmsa ɛ́nwɔŋnwɔŋ tí tɛ̄lā ā jôo ɓeēn ê, ɓī gū ísá ī ɗí nɛ kúm ɛ́ kwom ɓyɛ́ tí ɛsú ɛ̄ ɓɛ̄l ō ɗí ɓot ɓɛ̄ ɓâk.

Efezyɛ̂ŋ 2:7

Ɗyaāŋ ték ɛ́, ɗakɛ ā lyákɛl kaɓiná ɛnwɔŋ lɛ̄ zinjá mí Yésus Kilís ékɛ́, ɛ thɔ́k tí ɛlyákɛl ɓót o mús nɛ ɛ́myān nāá ɛnwɔŋ ɛ̄ lyém lɛ̄ lá a ɓɛ̄ nɛ ɛchēs.

Filipyɛ̂ŋ 1:11

Tí khul mí Yésus Kilís ɛ́, Zɛɛ̄mb á á sá nāá, ɓī ɗî lwōndlā nɛ tyaa isīsɛ̄ɛ̄ tí ɛsú ɛ̄ kúm nɛ mɛluŋla mí Zɛɛ̄mb.

Filipyɛ̂ŋ 3:9

mi ɗí thɔ́k tyâa lɛt nɛ nɛ̄. Mā ā kám ɛ́lɛ́ɛ́ nāá, mi zwēs tí tɔɔ̄p ɛ́ɗúɛl lɔ́a. Í tí tɔɔ̄p ɛ́ɓūklā lám zinjá mí Yésus Kilís Zɛ́mb lɛ̄ɛ̄ nāá, mi zwēs ê. Í Zɛɛ̄mb sā nāá mot ɛ ɗî zwēs. Ɛ́ sā yɛ́ zinjá mot nyɛ̂ɛs ɓūklā ɛ́ ɔ̂.

Filipyɛ̂ŋ 4:19

Zɛɛ̄mb mí ɗí tí ɛsála ɔ́kɛ́, á á lwóndɛl mínjeā myēn myɛ̂ɛs, tí Yésus. Nɛ dɔ nāá, nyɛ ɗí nɛ mɛpwɔk myɛ̂ɛs.

Kolosyɛ̂ŋ 1:13

Ɛ́ ɛ́ ɗüis káɓiná tí də́ə́ khɔmwaāl, ɛ kɛ́nd káɓiná ɓɛ kánda Mwán wɛ̄ ɛ́ ɗí tí kpɛl ɔ̂.

1 Pyɛ̂ɛ 2:5

Ɓyɔ̂ɔ thɔ́k ɛ́, ɗikānā ɗakɛ mɛ́kɔ̄k mɛ̄ ɗí tí ɛcyuk mâk. Tí nāá, Zɛɛ̄mb á á nwɔŋ ɓén, ɛ súm njāā sisímb yɛ̄ ɛ́ wā ɗi ték ê. Ɓyá á ɗi ífata i mɛ́tûnka tí ɛsú ɛ̄ mí Zɛɛ̄mb tí ɛsú ɛ̄ nāá, ɓyá á sála ɛ́ nɛ lyém ŋgwát ɗɛ ɛ́ kpɛ́l ékɛ́ tɔɔ̄p mí Yésus Kilîs.

1 Pyɛ̂ɛ 2:9

Sá gwát ɓyɔ̂ɔ ɛ́, ɓī kúl ɓót o Zɛɛ̄mb ā ɓɛ ɛ́ ɛ́ tɔ́p ê. Ɓī ifata ī mɛ́tûnka i mí Kūmāndē. Ɓí kúl ɓót o ɗí tí ɛsú ɛ̄ mí Zɛɛ̄mb ê. Ɓí ɛyɔŋ ɛ mí Zɛɛ̄mb. Ā tɔ̂p ɓēn tí ɛsú ɛ̄ nāá, ɓyá á lɛ́ɛ́ ɓót tyaa isá ɛ́ ɓɛ̄ ɛ́ ɛ́ sá ɓîk, nyɛ mot ɗüis ɓén tí khɔmwaāl, ɛ thés ɓén ɓɛ tyâa ɛɓyakɔɔ lɛ̄ ɔ̂.

1 Pyɛ̂ɛ 4:11

Í je nāá, nɔ̄l ɗí nɛ thúmb ɛlüii ɔ́kɛ́, ɛ dóŋga ɛkɛ́l ɛ̄ mí Zɛɛ̄mb. Nɔ̄l ɗí nɛ thúmb ɛ́sála twóó gós ɔ́kɛ́, ɛ ɓɛ́la nɛ nyɛ́ nɛ khul Zɛ́mb jüe ɛ̄ nyîk, ī zyē ɓot ɓá á gúmɛl Zɛ́mb tí isínɔŋ ɓyɛ̂ɛs tí kɔŋ mí Yésus Kilís, nyɛ mot dálā nɛ kúm, nɛ də́ə́ tí ɛsú ɛ̄ kɔ̌m tí nɛ kɔ̄m ɔ̂! Aamɛn.