Efezyɛ̂ŋ 1:14 - Myēnj phōn mí Zɛɛ̄mb

¹⁴ Áchāānchǎnj Sisímb ték ɗí ɛkɔɔ lɛ̄ ɛ́sɔ́k mɛ́nwɔŋ mí Zɛɛ̄mb ní wā ɓye ká mâk. Ná á ɓye ká ɛkɔɔ ɛ ték tɛ́m wā ɓɛ̄ ní í ɓɛ́sa ká nɛ ɛɓyóó ceece ê. Nī lúŋgɛl ka phɛ̄ kúm mí Zɛɛ̄mb.

Efezyɛ̂ŋ 1:14 Iomraidhean Croise

Lókas 21:28

Tɛ́m ísá ɓīnɛ́ɛ̌ŋ wā nyɛl ɛ́kúl ɗyáŋ ékɛ́, syōkkâ, ɓī ɓēn mîs, nɛ dɔ nāá, Zɛɛ̄mb ɛ ɛ́ zī cis ɓén.»

Misāwā 20:28

Kāndɔ̄ɔ̄ká mɛnól mēn, ɓī gú jüák íthɛmbɛ i mí Zɛɛ̄mb ɓyɛ̂ɛs, nɛ Áchāāchǎnj Sisímb ā jüe ɓeēn nāá ɓī ɓákɛl ɓîk. Ɗikāná oɓakɛl ō gós-óɓúkɛl o mí Zɛɛ̄mb. A ɓwâm yɛ́ nɛ chía nyɛ̄ nyɛ mot ték tí nāá, yá á ɗi yɛ̄.

Misāwā 20:32

Ɛ́chāak ɛ́, mí í gbá ɓén tí mɛɓɔ́ mí Zɛɛ̄mb. Tɛ̄lká ɛkɛ́l lɛ̄ ɓɛ sɔ̂k. Í lɛ́ ɗí tí ɛlyákɛ̌l kpɛɛ̄l Zɛ́mb ɗí nɛ yɛ́ zinjá ɓot ɓyɛ̂ɛs ê. Í lɛ́ ɗí nɛ khul ɛ́sá nāá, gós yēn ī gwée tí ɛɓūklā. Thɔ́k ɛ́, Zɛɛ̄mb ɛ́ ɛ́ jüe ɓén mɛnwɔŋ mɛ̄ ɗí ɛ́ ɛ́ kwōm tí ɛsú ɛ̄ ɓɛ̄l ɓyɛ̂ɛs ā tɔ̂p ɓâk.

Lomɛ̂ 8:23

Sá gwát ɛ́, mitūŋ mīték, myá a dá ɓǔ ɓɛ̌ nje ték tí ɛsú lɛ̄ ísá ī Zɛ́mb ā kus ɓík ɓyɛ́ nɛ ɓyɛ̂. Nyɔ̂ɔ ká ɓot o ɓɛ̄ ní í nyēē ɓye ká Áchāāchǎnj Sisímb tɔ́m mɛ́nwɔŋ mɛ Zɛ́mb ā kɛs kaɓiná mák ɛ́, ní ka thɔ́k tí ɛsím twóó milyém kámīnā tí ɛɓiɓwónd nāá, Zɛ̌mb ɛ sâ nāá, nī ɗí ka ɓwán ɓɛ̄, ɛ ɗüís káɓiná thɔ́k tí mitūŋ mītêk.

1 Kolɛ̂ŋt 1:30

Sá gwát Zɛɛ̄mb ɛ́ ɛ́ sá nāá, ɓyá nɛ ɓɔɔ Yésus Kilís ɓī ɗî lɛt, ɛ sā nāá Kūmāndē ā kɛs ɔ́kɛ́, ɛ ɗî pek káyīnā. Í Kūmāndē ték a kɛs ɔ́kɛ́, sā nāá ni ɗíka mizwēs sɔ̂kphɔɔ̄mb mí Zɛɛ̄mb. Ɛ sā thɔ́k nāá nī cyûk ka tí ɛsú ɛ̄ mí Zɛɛ̄mb, ɛ tíí káɓiná tí sɛ̄m.

2 Kolɛ̂ŋt 1:22

Í thɔ́k nyɛ ā gbá kaɓiná ɛjüeēs lɛ̄. Ɛ lwōndɛ̄l Áchāāchǎnj Sisímb twóó milyém kámīnā. Tí nāá, á á ɗi ɛ́kɔɔ ɛ mɛ́nyɛɛ̄l mɛ̄ ɓwɔk ɛ́ wā jüe káɓiná yá ê.

2 Kolɛ̂ŋt 5:5

Í Zɛ̌mb nyɛ mot ték ā kwomsa kaɓiná tí ɛsú ɛ̄ têk. Nyɛ thɔ́k jüe káɓiná mɛnwɔŋ mɛ ɛ́sɔ́k ɛ́, Sisímb yɛ̄. Ī zyē ná á gú ká nāá, á á ɓāndā jüe káɓiná mɛ̄l mɛ́nwɔŋ.

Galât 4:6

Tí ɛlyákɛl nāá ɓī mú ɓwán ɓɛ̄, Zɛɛ̄mb ɛ́ ɛ́ thěs Sisímb Mwán wɛ̄ twóó milyém kámīnā. Í Sisímb ték ɗí tí ɛsá nāá nī jôo ka nāá: «Áɓa, í tían nāá Sāŋg waām!»

Efezyɛ̂ŋ 1:11

Tí lɛt káwūnā nâ ɓɔɔ Kūmāndē Zɛ́mb ā kɛs ɔ́kɛ́, ní í ɓye kāná ɛkɔɔ ɛ Zɛ́mb ā lwaa kɛs kaɓinā lîk. Nɛ dɔ nāá, Zɛɛ̄mb ɛ́ ɛ lwaa tɔ̂p kaɓinā tí jwok yɛ̄. Thɔ́k ɛ́, Zɛɛ̄mb ā sá isá ī ték ɓyɛ̂ɛs tí cyūklā wɛ̄, nɛ kpɛlā wɛ̄.

Efezyɛ̂ŋ 1:12

Ɗyaāŋ ték nyɔ̂ɔ ká ɓot nā ɓɛ ka ɛsɔ́k tí ɛgbá mɛ́jendɛɛ̄l tí Kūmāndē Zɛ́mb ā kɛs ɔ́ ɓák ɛ́, nī lúŋgɛl ka phɛ̄ kúm mí Zɛɛ̄mb.

Efezyɛ̂ŋ 4:30

Mot a a gbá Áchāāchǎnj Sisímb mí Zɛɛ̄mb tí mitūŋ. Í nyɛ ɗí ɛjüeēs ɛ Zɛ́mb gbā tí mɛnól mēn tí ɛlyákɛl nāá, ɓí ɓot ɓɛ̄, ī kɛ́ kum tí mwēs ɛ́ wā ɗüis ɓén tí də́ə́ sɛ̌m ceece ê.

1 Pyɛ̂ɛ 2:9

Sá gwát ɓyɔ̂ɔ ɛ́, ɓī kúl ɓót o Zɛɛ̄mb ā ɓɛ ɛ́ ɛ́ tɔ́p ê. Ɓī ifata ī mɛ́tûnka i mí Kūmāndē. Ɓí kúl ɓót o ɗí tí ɛsú ɛ̄ mí Zɛɛ̄mb ê. Ɓí ɛyɔŋ ɛ mí Zɛɛ̄mb. Ā tɔ̂p ɓēn tí ɛsú ɛ̄ nāá, ɓyá á lɛ́ɛ́ ɓót tyaa isá ɛ́ ɓɛ̄ ɛ́ ɛ́ sá ɓîk, nyɛ mot ɗüis ɓén tí khɔmwaāl, ɛ thés ɓén ɓɛ tyâa ɛɓyakɔɔ lɛ̄ ɔ̂.