Eɓelê 1:1 - Myēnj phōn mí Zɛɛ̄mb

¹ Tɛ́m ɛsɔ́k ɛ́, Zɛɛ̄mb ā thaŋ tí minup mī ógbɛ́sel o mítɔɔ̄p ɓɛ̄ tí ɛlüii nɛ osǎŋg-phāmb káɓīnā ikɛnd ikɛnd, tí mitɛ̄lā mimbi mimbi,

Eɓelê 1:1 Iomraidhean Croise

Lókas 1:55

Zinjá mí Áɓilam nɛ chīlā yɛ̄ tí ɛsú ɛ̄ ndǒmb ɗiī. Ɗakɛ ā ɓa kɛs osǎŋg-phāmb ɓēs ōték ê.»

Lókas 1:72

Í ɗyaāŋ ték Zɛ́mb ā sá osǎŋg-phāmb ɓēs ɛnwɔŋ, Ta jesa chāāchānj phōn nyɛ̄ ê.

Lókas 24:27

Yésus ɛ ɓúkā nyɛl ɛ́timbɛl ɓɛ́ ɗɛ Mɛ́kanā mɛ̄ Zɛ́mb myɛ̂ɛsa ɗí tí ɛlüǐ tɔɔ̄p wɛ̄ ê. Ɛ nyɛ́l tí mɛkanā mí Moís, ī ɗúm mɛ̄l ógbɛ́sel o mítɔɔ̄p mí Zɛɛ̄mb ɓyɛ̂ɛs.

Lókas 24:44

Phúla ték ɛ́, ɛ ɓúzī lɛ́ɛ́ nɛ nɔ̄ɔ̄ nāá: «Tɛ́m nā ɓɛ ka ndɔŋ ékɛ́, mā ɓɛ mí i lɛ́ɛ ɓeēn nāá: “Isá ī ɗí mitilā tí mɛtyuūŋ mí Moís, nɛ mɛkanā mɛ̄ Ógbɛ́sel o mítɔɔ̄p o mí Zɛɛ̄mb, nɛ Mɛkanā mɛ̄ Mɛ́jémb ɗúm nɛ naām ékɛ́, ɓí dalǎ nɛ ɛsɛ́ɛ.”»

Zwâŋ 16:13

Tɛ́m Sisímb óceece wā zye ékɛ́, á á kɛ nɛ nēn twóó oceece ɓyɛ̂ɛs. Nɛ dɔ nāá, a á lɛ́ɛ́ ɓén isá í ɗüís tí nyɛ mot ték ɓîk. Sá gwát ɛ́, á á lɛ́ɛ́ ɓén sá ɛ́ wā gwók nɛ naām ê. Ɛ lɛ̄ɛ̄ ɓén isá i ɗí tí ɛzye ɓîk.

Zwâŋ 7:22

Moís ɛ́ ɛ jüe ɓěn zyeē nāá, ɓí sâ ɓwán ɓěn zaŋgo ísu ɗɛ yā ɓɛ ta té tí nyɛ́, sá gwát ɓɛ óɗá ê. Ɓyɔ̂ɔ ɓī mú dā kā sá yɛ́ ti nɛ mimwēs mí Saɓá.

Zwâŋ 9:29

Zí tí gú nāá, Zɛɛ̄mb ā ɓɛ ɛ́ ɛ lüii nɛ Moís. Sá gwát, zā ā gū ɓɛ nyīnɔ́ɔ̌ŋ ɗüīs ê.»

Misāwā 13:32

Zyɔ̂ɔ thɔ́k zi zyē tí ɛzī doŋga ɓén Tyâa Pɔ́ nyúk ɗí tí ɛlɛ́ɛ́ nāá: Sá Zɛ́mb ā kɛs osǎŋg-phāmb káɓiná ékɛ́,

Misāwā 2:30

Sá gwát Ɗávit ā ɓɛ mgbɛ́sel mitɔɔ̄p mí Zɛɛ̄mb. Thɔ́k ɛ́, ā ɓɛ tí gú nāá, Zɛɛ̄mb ɛ́ ɛ kɛs ɛ́, ɛ kána nāá, mwán wɛ̄ ŋgwát á á zī jila ɛ́ tí ɗia ókūmāndē yɛ̄.

Misāwā 28:23

Phúla ték ɛ́, ɓâ ɓɔɔ Pɔ́l ɓɛ̄ ɓúzī ɗi cyūŋ, ɓɛ̄ tɛ̄l mwēs wā ɓɛ nāá, ɓá á ɓākā ɓoma ê. Ɗɛ̌ mwēs ték wā ɓɛ ú ú kúl ékɛ́, ɓɛ̄ ɓúzī kɛ̄ téla, ɓɛ̄ zí ɓyela Pɔ́l pyaāt ā ɓa ɗi ɗi ê. Tí ɛnyɛl tí mɛlyám, ī kɛ́ kum ɓíkokō, Pɔ́l ā ɓɛ nje tí ɛjüe ɓɛ́ mɛtimbɛɛ̄l nɛ ɛtyáá tūnd isá ī ɗúm nɛ Də́ə́ mí Zɛɛ̄mb ê. Ɛ ɓú ɓākā lilɛ́ɛ́ ɓɛ́ tɔɔ̄p mí Yésus. Í yɛ́ ā ɓɛla nɛ lɔ́a mí Moís, nɛ mɛkanā mɛ̄ ógbɛ́sel o mítɔɔ̄p mí Zɛɛ̄mb ɓā til é, tí nāá, ɓɛ̄ kâm tɔɔ̄p mí Yésus têk.

Misāwā 3:21

Ɛ́chāak ɛ́, Yésus kilís ɛ́ dalǎ nɛ ɛɗǐ ɓɛ̌ jwôo, kum tí tɛ́m ísínɔŋ ɓyɛ̂ɛs wā ɓɛ̌ kwomblā é, ɗakɛ Zɛ́mb ā lwaa lɛ́ɛ ī gbɔ̄m tí minup mi ɓááchāāchānj ɓɛ̄ ógbɛ́sel o mítɔɔ̄p ā thes ɓâk.

Eɓelê 11:18

Tɛ́m ā lɛ́ɛ nɛ nɛ̄ nāá: «Chīlā mā kɛs ɔ ékɛ́, yá á ɗüis tí Ízak ê.»

Eɓelê 11:2

Zɛɛ̄mb ā lüii ɛnwɔŋ nɛ mín mɛ̄ ɓót ō tɛ́m ɛsɔ́k ɛ́, tɔɔ̄p ɛ́ɓūklā lɔ̄ɔ̄.

Eɓelê 12:25

Ɓī gú ɓakɛl phɛ̄! Ɓyá a ɓyen ɛ́gwók mót ɗí tí ɛluii nɛ nēn ɔ̂. Í ɓɛ̄ nāá, ɓwán ɓɛ̄ Ízaɛ́l, ɓot o ɓā ɓyen ɛgwók mót ā cicésɛl ɓɛ wák tí iɓwaās ɔ́ ɓák, ɓá a nyee pɔm tí pɔ́nɛ́s nâk, í nyɔ̂ɔ wā ɓū pɔm ká tɛ́m ní wā lúm ká kɔŋ nɛ mót ɗí tí ɛluii nɛ kányīnā ɓɛ̌ jwóó ɔ́kɛ́?

Eɓelê 2:2

Pɔ́ ɓééngeles ɓā zye nɛ nyɛ́ tɛ́m ɛsɔ́k nyík ní í lyákɛ̌l nɔm yɛ̄, thɔ́k mot nyɛ̂ɛsa ā ɗyamɛl pɔ́ ték ta ɗúɛl nyɛ́ ɔ́kɛ́, ɛ́ ɛ́ ɓye pɔ́nɛ́s dálā nɛ nɛ̄ ê.

Eɓelê 2:3

Ɗyaāŋ ték nâk, nyɔ̂ɔ ká ná á pɔm ká nā tí pɔ́nɛ̂s, í ɓɛ̄ nāá, nī tí ɛɗyamɛl ká mbi ánénén mɛtia mɛték nâk? Ɗá Yésus nyɛ mot ték ā ɓɛ mot ɛsɔ́k tí ɛlɛ́ɛ́ pɔ́ têk. Phúla ték ɛ́, ɓot ɓā gwók ɛ ɓák ɛ́, ɓɛ̄ ɓúzī lyákɛl káɓiná ɛ́nwɔŋnwɔŋ nāá, pɔ́ ték nyí oceece.

Eɓelê 3:5

Moís ɓɛ wɛ̄ pák ɛ́, ā ɓɛ ɛ́ ɛ́ kɛ ɛ́dalá ɗɛ Zɛ́mb kpɛ́l ékɛ́ twóó njāā mí Zɛɛ̄mb wɛ̂ɛs, tí tɛ̄lā sɛ́l jüēāā ló-sɛ̄ɛ̄ ɛ́lɛ́ɛ́ ísá í ɓyā ɓɛ nāá, Zɛ̌mb á á lɛ́ɛ́ ɓîk.

Eɓelê 4:8

Tí oceece, í ɓɛ̄ nāá, Zuzué ɛ tɔ́ nɛ nɔ̄ɔ̄ pyaāt ɛ́gbalā nâk, phú Zɛ̌mb a a ɓákā lüii phúla ték tɔɔ̄p līl ɛ́lú lɛ̄ ɛ́gbalā.

Eɓelê 5:5

Jwok gwát thɔ́k ɛ́, Kūmāndē Zɛ́mb ā kɛs ɔ́kɛ́, a a jüe nól nyɛ̄ nyɛ mot ték kúm ɛ́ɗi ánénén fata mɛ́tûnka. Í Zɛɛ̄mb ā jüe ɛ nyá, ɛ ɓúzī lɛ́ɛ́ nɛ nɛ̄ nāá: «Í wɔ ɗí Mwán aām. Mús ɛ́, mí í ɓyá ɔ̂.»

Eɓelê 9:19

Moís nyɛ̄, ā nyee lâŋ mɛtyuūŋ myɛ̂ɛs sɔ̂kphɔ̌mb ɛyɔŋ lyɛ̂ɛs ɗakɛ mɛ́ ɓā ɗi tí lɔ́a ê. Phúla ték, ɛ ɓúzī nwɔŋ chía ɓwán ɓɛ̄ íthɛ̄ɛ̄ nɛ mindóm mí íthamaka, nɛ mɛɗyūū, ɛ nwɔŋ láá līlē ɓɛ́ jōō nāá izóp ékɛ́, ɛ cyúŋɛ̄l pɛ́s kānd átwaatwámb sāwā nɛ mī mɛ̄ taa têk. Ɛ túp yɛ́ tí chía têk, ɛ mīmyɛ́s tí mɛkanā mɛ̄ lɔ́a nɛ tí ɛyɔŋ lyɛ̂ɛs.