Apokalîs 8:12 - Myēnj phōn mí Zɛɛ̄mb

¹² Éŋgeles ná ɛ ɓúzī lwóŋ syōō nyɛ̄. Ɛkɔɔ ɛgwát tí mɛkɔɔ mɛlɛ́l mɛ̄ ɓuūm ɗwóó, nɛ álwoōmb, nɛ ocwēēcwēn lī ɓúzī khɔmɔɔ, yɔ̂ɔ ta kā pɛn. Ɛkɔɔ ɛgwát tí mɛkɔɔ mɛlɛ́l mɛ̄ mwēs nɛ pum lī ɗīmbɛ̄l ɛ́ɓyakɔɔ lɛ̄.

Apokalîs 8:12 Iomraidhean Croise

Matyôos 24:29

«Phúla mɛlú mɛ́ték ɛ́, tɛ́m mítūŋ nɛ mindɛl mīnɛ́ɛ̌ŋ wā ɓɛ mí í kpáŋ ékɛ́, ɗwóó lá á ɗîm. Álwǒmb ta kā pɛn. Ocwēēcwēn ɓá á swál tí jwôo, ɓɛ̄ ɗúmā sī. Mɛkhul mɛ̄ jwóó myɛ̂ɛs má á thɛnja ɛ́ɓuuɓu.

Matyôos 27:45

Tɛ́m yā ɓɛ í í kǔm khoŋga ékɛ́, ɛjūtūk lī ɓúzī máta kánda nyɛ̂ɛs, ī kúm mɛ́wolo mɛlɛ́l mɛ̄ ɓíkokō.

Máákus 13:24

«Nák ɛ́, tí mɛlú mɛ̄ték phúla mítūŋ ɛ́, ɗwóó nɛ álwoōmb ɓá ǎ kā pɛn.

Máákus 15:33

Tɛ́m yā ɓɛ í í kǔm khoŋga ékɛ́, ɛjūtūk lí ɓúzī máta kánda nyɛ̂ɛs, ī kúm mɛwolo mɛlɛ́l mɛ̄ ɓíkokō.

Lókas 21:25

«Tí ɓuūm ɗwóó nɛ álwǒmb nɛ īcwēēcwēn ɛ́, ɓot ɓá á ɓɛɛ ísá ī ɗí nāá, ɓá a ɓá nyēē ɓiɓɛɛ ɓík ê. Ɓot ɓɛ̄ íɓwaās ɓyɛ̂ɛs ɓá á ɓɛ nɛ milyém ɛ́caalɛ̄ tí ɓā, tí ɛgwók thínd nɛ kukuu mɛ́ɗyūū mɛ̄ mâŋ.

Misāwā 2:20

Ɗwóó lá á ɗi ɛ́khɔɔkhɔm, Álwǒmb ɛ ɗí ɛ́kpɔɔ ɗakɛ chía. Ɛsɔ́k nāá, mwēs mí Ɗá ū kúl ê. Mwēs ték ɛ́, wá á ɓɛ ánénén mwēs, Lwōndlā nɛ kûm.

2 Kolɛ̂ŋt 4:4

Ɓízaāŋ oték ɛ́, ɓɛ́ ɓot o gwōkɛ̄l ɛ́kɛ́l ɛ̄ mí Zɛ̌mb ta ɓûklǎ nɛ dɔ nāá, Sátan nyɛ mot ɗí zɛ̌mb sī nyúk ɔ́kɛ́, ɛ́ ɛ́ ɗímbɛl ípek ɓyɔ̂ɔ. Ɛ́ sā sá ték tí nāá, ɓá a ɓwɔ̂ɔ ɓɛɛ ɛ́ɓyakɔɔ ɛ Tyâa Pɔ́ ɗí tí ɛlyákɛl kúm Kūmāndē Zɛ́mb ā kɛs ɔ́ nyɛ mot ɗí jwoklā mí Zɛɛ̄mb ɔ̂.

Apokalîs 12:4

Ɛ ɓúzī gwámbɛl ɛ́kɔɔ ɛgwát tí mɛkɔɔ mɛlɛ́l mɛ̄ ócwēēcwēn ō jwóó nɛ koōnd wɛ̄, ɛ gús ɓɛ́ ɓɛ sī tí iɓwaās. Ɛ tyāā sɔ̂kphɔ̌mb mumá ā ɓɛ tí suŋla ɔ, tí ɛɓwónd nāá, mwán ɛ́ dá ɓyɛ́l nâk, ɛ tékā ɛ̂.

Apokalîs 16:10

Éŋgeles tɛ̄n ɛ ɓúzī so yɛ́ kɔ́p tí ɗiī də́ə́ tīt ɔ́nɔ́ɔ̌ŋ. Ɛjūtūk lī ɓúzī máta kánda wɛ̄ nyɛ̂ɛsa, ɓot ɓɛ̄ dāksā tí ɛgwók mɛ́kpay mɛ̄ mítūŋ.

Apokalîs 6:12

Phúla ték ɛ́, mi ɓúzī ɓɛɛ Mwâthɛmbɛ tí ɛpɛs lúk twōō, iɓwaās ɓī ɓúzī thɛnja ɛ́lyeelyel, ɗwóó lī zyē ɛ́thwɔɔ̄ ɗakɛ̌ kānd ɛ́kûs, álwǒmb ɛzyē ɛ́kpɔɔ ɗakɛ chía.

Apokalîs 9:15

Ɓɛ̄ ɓúzī tii ɓééŋgeles ōná ōték ɓā ɓɛ kwomsā tí ɛsú lɛ̄ ɛ́wolo, nɛ mwēs, nɛ ŋgɔn, nɛ mbú yā ɓɛ nāá, ɓá á dó ɛ́kɔɔ ɛgwát tí mɛkɔɔ mɛlɛ́l mɛ̄ ɓót ō sī nyúk ê.

Apokalîs 9:18

Mimbi mī mítūŋ myā gbigbɔ̂m tí minup mī íyáŋgā ékɛ́, myā ɓɛ mí i dô ɛkɔɔ ɛgwát tí mɛkɔɔ mɛlɛ́l mɛ̄ ɓót ɓɛ̄ íɓwaās. Mimbi mī mítūŋ mīték ɛ́, mí ɗú, nɛ ijúluk ɛ́, nɛ pit.