Apokalîs 22:7 - Myēnj phōn mí Zɛɛ̄mb

⁷ Yésus nɛ naām nāá: «Gwōkɛ̄l ê, mi tí ɛzye ɛ́kúnɔɔ kúnɔɔ! Lɛ̄m nɛ mot ɗūɛ̄l ɛ́kɛ́l ɛ̄ ɗüís ɓɛ ɗá mí Zɛɛ̄mb ɗí tilā twóó khuu mɛkanā ɔ́ kê!»

Apokalîs 22:7 Iomraidhean Croise

Apokalîs 1:11

Ī ɓú lilɛ́ɛ́ ɗêk: «Til sá ú ɗí tí ɛɓɛɛ ékɛ́ tí mɛkanā, u kɛ́nd mɛ́kanā mɛ̄ték ɓɛ Ígós ɓɛ̄ óɓúkɛl i ɗí ɓɛ íkhanda ī: Efɛ̄ɛ̄z, nɛ Ɛmīīn, nɛ Pɛɛgâm, nɛ Tiatíi, nɛ Saaɗɛ́s, nɛ Filaɗɛlfí zī kā nwɔ̌ŋ Laoɗisê.»

Apokalîs 1:3

Lɛ̄m nɛ nɔ̄l lāŋ mɛ́kanā mák sɔ̂kphɔ̌mb ɓot ɔ, lɛ̄m thɔ́k nɛ ɓɛ̄l ō gwōk mɛ́kɛ́l mɛ̄ték ɗüís ɓɛ ɗáá mí Zɛɛ̄mb, ɓɛ̄ ɗūɛ̄l sá mɛ́kɛ́l mɛ̄ték mā tilaa mák lɛ́ɛ́ ê! Nɛ dɔ nāá, tɛ́m Zɛ́mb ā jües nāá, isá ī ték ɓyá á sɛ́ɛ́ ékɛ́, í í kúnɔɔ.

Apokalîs 16:15

«Ɗá ɛ́ lɛ̄ɛ̄ ɗêk. Gwōk ê, mi tí ɛzyě ɗakɛ ájyûujyuu. Lɛ̄m nɛ nɔ̄ɔ̄ ɗí tí ɛjüenjɛl, ɛ ɗí nɛ mikānd myɛ́ mbwātā ɔ̂. Kám nāá, a a ɓwɔ̂ɔ gbɔ́m siswás, ɛ gwōk sɔ́n nāá, ɓot ɓɛ́ ɛ́ ɓɛɛ ɛ́ siswás ɔ̂.»

Apokalîs 2:16

Ɗyaāŋ ték ɛ́, cēnj cyuk yɔ̂. Í ɓɛ̄ ta ɓɛ ɗyáŋ nâk, má á zye ɛ́kúnɔɔ kúnɔɔ ɓɛ yɔ̂ tí ɛzī lûmla nɛ nɔɔ̄ nɛ paasɔŋ gbās tí nup wám ɔ̂.»

Apokalîs 22:12

Yésus ɛ ɓúzī ɓākā lɛ́ɛ́ nɛ naām nāá: «Gwōkɛ̄l ê, mi tí ɛzye ɛ́kúnɔɔ kúnɔɔ! Má á zyě nɛ myána tí ɛzī jüe ákɛl nɛ kɛl ī dá dalǎ nɛ misāwā myɛ̄.

Apokalîs 22:18

Myam Zwáŋ, mi tí ɛlímb ɓót ɓyɛ̂ɛs mɛlɔ̂, ɓɛ̄l ō gwōk ɛ́kɛ́l ɛ̄ mgbɛ́sel mitɔɔ̄p mí Zɛɛ̄mb ɗí tilā tí khuu mɛkanā ɔ́kɛ́, nāá: Mot wā kɛl sínɔŋ kwóó isá ɓīnɛ́ɛ̌ŋ ɔ́kɛ́, Zɛɛ̄mb á á kɛl ɛ́ mitūŋ mī ɗí tilā tí khuu mɛkanā mák ɔ̂.

Apokalîs 22:19

Thɔ́k ɛ́, nɔ̄l wā ɗüis sínɔŋ tí ɛkɛ́l ɛ̄ mgbɛ́sel mitɔɔ̄p mí Zɛɛ̄mb ɗí tilā tí khuu mɛkanā ɔ́kɛ́, Zɛɛ̄mb á á ɗüis ɛ́ ɛkɔɔ lɛ̄ tí phǔm lē ɗí tí ɛjüě cyuk ê. A á kā ɓākǎ ɓɛ tel nɛ pyaāt twóó khanda áchāāchānj ɗí tí ɛlüiiaa twóó khuu mɛkanā ɔ́k ê.

Apokalîs 22:20

Mot ɗí tí ɛlɛ́ɛ́ nāá, isá ɓīnɛ́ɛ̌ŋ ɓí oceece ɔ́kɛ́, ɛ́ lɛ́ɛ́ nāá: «Ɛ̂ɛŋ, mi tí ɛzye ɛ́kúnɔɔ kúnɔɔ!» Aamɛn! Thâ, Ɗá Yésus!

Apokalîs 22:21

Ɗá Yésus ɛ̄ lɛ́mɛl ɓěn ɓyɛ̂ɛsa.

Apokalîs 3:11

Mi mú tí ɛzye. Gū mɛ́t sá ú ɗí nɛ yɛ́ ékɛ́, ɛ́kpɔk tí ɛkámb nāá, nɔ̄l mót a a ɓwɔ̂ɔ ɗɛ́s ɔ́ ɛkoo ɛ ɗás ɛ́ga yɔ̂.»

Apokalîs 3:3

Sīmsā phɛ̄ lyāklā wā ɓye e, nɛ ɗɛ wā gwôk wɛ́ ê. Ɓakɛl wɛ́, u kwómbɛ̄l kǒ-kɛnd wɔ̂. Ú wá ɓɛ ta jem nák, mi zí küíí ɔ́ ɗakɛ ájyûujyuu, wɔ ta gú tɛ́m mí wā zye ê.