Apokalîs 22:1 - Myēnj phōn mí Zɛɛ̄mb

¹ Phúla ték ɛ́, éŋgeles ɛ ɓúzī lyákɛl mɛ́ njés sǒmb ɗyūū cyuk, mɛɗyūū mɛ̄ték mɛ̄ dá sá ɛ́ŋgɛ̄lɛ̄ŋgɛ̄lɛ̄ ɗakɛ ɛ́laŋgo, mɛ̄ ɗīɗüís ɓɛ̌ ɗiī də́ə́ mí Zɛ̌mb nɛ Mwâthɛmbɛ.

Apokalîs 22:1 Iomraidhean Croise

Zwâŋ 13:32

Zɛ̌mb nyɛ mot ték á á lyákɛl kúm Mwân. Thɔ́k ɛ́, tɛ́m ɛlyákɛl nyɛ́, í ǐ kúnɔɔ.

Zwâŋ 15:26

«Mot dálā ɛ́zye ɓén mɛkhɛɛ̄m ɔ́kɛ́, á á zye. Í nyɛ ɗí Sisímb oceece ɗüǐs ɓɛ ɗáá Sāŋg waām ê. Má á thes ɓén nyá tí ɗín ɛ Sāŋg waām, í nyɛ thɔ́k wā lɛ́ɛ́ ɓén tɔɔ̄p wâm.

Zwâŋ 4:14

Sá gwát, nɔ̄l wā ɗɛ mɛ́ɗyūū mɛ̄ myám wā jüe ɛ́ ɔ́kɛ́, a a ɓɛ̄ nɛ khul ɛ́ ɓākā gwók tel jüēs mɛ́ɗyūū ɗwóó ɛgwát. Mɛɗyūū mɛ̄ mí wā jüe ɛ́ mák ɛ́, má á dá linja twóó nyɛ̄, ŋgúmǎ swɔ̄ŋg wā gbigbɛ́s cyuk mɛ́lú myɛ̂ɛs ê.»

Misāwā 2:33

Zɛ̌mb Sāŋg ɛ ɓúzī ɓén ɛ́, ɛ ɗíl ɛ́ ɓɛ mbɔ́ ɛ́dóm wɛ̄, ɛ jüē ɛ́ Áchāāchǎnj Sisímb ā kɛs ɔ̂. Yésus ɛ nwɔ́ŋ ɛ́, ɛ thés ɛ́ tí mɛnól mēs, Í yɛ́ ɓí ɓɛ́ɛ́ nɛ ɛgwɔ́k ɛ́chāak ɗék ê.

Apokalîs 1:1

Mɛkanā mák mɛ́ nɛ isá ī ɓyā ɓɛ misɔlā Zɛ́mb jüē Yésus Kilís tí nāá, á á lyákɛl ósɛ́l ɓɛ̄ isá ī wā sɛ́ɛ́ ɛ́kúnɔɔ kúnɔɔ ɓîk. Kilís ā kɛnd éŋgeles wɛ̄ ɓɛ ɗáá sɛ́l wɛ̄ Zwáŋ tí ɛkɛ̄ lyákɛl ɛ́ isá ī têk.

Apokalîs 21:11

Khanda ték i dá sá ɛ́ɓɛkɛ̄kɛ̄ tí ɛɓyakɔɔ ɛ kúm mí Zɛɛ̄mb, ī pīpɛ̄n ɗakɛ yīl ɗim ɛ́kɔ̄k ɗí ɛ́ŋgɛ̄lɛ̄ŋgɛ̄lɛ̄ ɗakɛ ɛ́laŋgo ê.

Apokalîs 21:6

Ɛ ɓúzī ɓākā lɛ́ɛ́ nɛ naām nāá: «Í í síl ɛ́sɛ́ɛ! Álfa nɛ Oméga, mɛnyɛ̌l nɛ mɛsīl. Nɔ̄l gwōk jüēs mɛ́ɗyūū ɔ́kɛ́, má á jüe ɛ́ mɛɗyūū mɛ̄ ɗüís ɓɛ̌ swɔ̄ŋg cyuk mák ɛ́ títoōk.

Apokalîs 21:9

Phúla ték ɛ́, nɔ̄l éŋgeles tí ndɔŋ ɓééŋgeles tɛ̄n nɛ ōɓá ɓā ɓɛ nɛ ikɔ́p tɛ̄n nɛ iɓá milwōndlā nɛ mitūŋ tɛ̄n nɛ mīmbá mī mɛ́sīl ték ékɛ́, ɛ ɓúzī zyě ɓɛ yâm. Nyɛ nɛ naām nāá: «Thâ, má á lyákɛl ɔ́ mumá tɔ̄ ɛ́ɓá ɔ̂, myɛɛ̄l mí Mwâthɛmbɛ.»

Apokalîs 22:17

Áchāāchǎnj Sisímb ɓá nɛ myɛɛ̄l mí Mwâthɛmbɛ nɛ naām nāá: «Thâ!» Mot gwōk mɛ́kɛ́l mɛ̄ték ɔ́kɛ́, ɛ lɛ́ɛ thɔ́k nāá: «Thâ!» Mot gwōk pɛl ɔ́kɛ́, ɛ zyê. Nɔ̄l kpɛ́l ɛ́ɗɛ mɛ́ɗyūū mɛ̌ cyuk ɔ́kɛ́, ɛ zí i ɗɛ mɛ́ títoōk.

Apokalîs 22:6

Phúla ték ɛ́, éŋgeles ɛ ɓúzī lɛ́ɛ́ mɛ́ nāá: «Mɛkɛ́l mák ɛ́, mɛ́ oceece, má a ɓɛ̄ ócāl. Ɗá Zɛɛ̄mb ɗí tí ɛjüe ógbɛ́sel o mítɔɔ̄p ɓɛ̄ Sisímb yɛ̄ ɔ́kɛ́, ɛ́ ɛ́ kɛnd éŋgeles wɛ̄ tí ɛsú lɛ̄ ɛ́kɛ lyákɛl ósɛ́l ɓɛ̄ sá dálā ɛ́zye ɛ́kúnɔɔ kúnɔɔ ê.»

Apokalîs 3:21

«Nɔ̄l wā ga ɔ́kɛ́, má á jüe ɛ́ ɗǐ ndumɛ nɛ ɗiī də́ə́ yâm, jüōk gwát nɛ gwát ɗakɛ myám mā ga, zá nɛ Sāŋg waām zī ɗí tí ɗiī də́ə́ yɛ́ ê.»

Apokalîs 5:13

Mi ɓúzī ɓākā gwók íkokomka ɓyɛ̂ɛs, tí jwóó nɛ tí iɓwaās, nɛ sī iɓwaās, nɛ ɓīl ī ɗí twóó máŋ ɓík ɛ́, tí ɛjémb ɗêk: «Mɛluŋgla, nɛ ɗūú, nɛ kúm, nɛ də́ə́, Ɓī ɗî itɛ́m ɓyɛ̂ɛs nɛ nɔ̄l ɗí ndíndiīl tí ɗiī də́ə́ ɔ, ti nɛ Mwâthɛmbɛ!»

Apokalîs 5:6

Phúla ték ɛ́, mi ɓúzī ɓɛɛ Mwâthɛmbɛ títɛɛ̄l ndumɛ nɛ ɗiī də́ə́ ɗí kúkuū e, ísá īná ɗí tí ɛcyuk ɓík nɛ mindoōmb mīnɛ́ɛ̌ŋ ɓɛ́ ɛ́ luŋ ɛ̂. Mwâthɛmbɛ ték ā ɓɛ oké nāá, ɓɛ́ ɛ́ cyúk ɛ̂. Á ɓɛ nɛ ithɔ́ŋ tɛ̄n nɛ īɓá nɛ mís tɛ̄n nɛ mɛ̄mbá, mís mɛ̄ték mɛ́ isisímb tɛ̄n nɛ īɓá ī mí Zɛɛ̄mb, ɛ́ kɛnd ɓyɛ́ dala sī.

Apokalîs 7:17

Nɛ dɔ nāá, Mwâthɛmbɛ ɗí ɗyǎŋ ndumɛ nɛ ɗiī də́ə́ ɔ́kɛ́, wā ɓɛ mbákɛl wɔ̄ɔ̄. Á á tɔ́ nɛ nɔ̄ɔ̄ ɓɛ mɛ́thyūū mɛ̄ jüē cyuk mâk. Thɔ́k ɛ́, Zɛɛ̄mb á á tind ɓɛ́ myāŋɛ́l tí mîs.»