Apokalîs 21:5 - Myēnj phōn mí Zɛɛ̄mb

⁵ Phúla ték ɛ́, mot ā ɓɛ ndíndiīl tí ɗǐ də́ə́ ɔ́kɛ́, ɛ ɓúzī lɛ́ɛ́ nāá: «Ɛ́chāak ɛ́, mí í sá ísínɔŋ ɓyɛ̂ɛs mimyēnj nɛ mimyēnj.» Ɛ ɓúzī ɓākā lɛ́ɛ́ mɛ́ nāá: «Til ísá ɓîk, nɛ dɔ nāá, mɛkɛ́l mák má a ɓɛ̄ ócāl, mɛ́ oceece.»

Apokalîs 21:5 Iomraidhean Croise

Lókas 5:38

Í je nāá, ɓɛ̄ gbâ mɛnɔk mɛ̄ myēnj mɛ̄ ɗí ta ɓā pé mák ɛ́, tí ithak ī kōt ī mímyēnj, ɓɛ̄ ɓúkā ɗyúɛl.

2 Kolɛ̂ŋt 5:17

Tɛ́m mót mú lɛt nɛ Kūmāndē Zɛ́mb ā kɛs ɔ́kɛ́, ɛ mú myēnj môt: Twóó lyém wɛ̄, isá ī myá ɓyá a ká ɓɛ́, ī mú mimyēnj ká ɗi.

Eɓelê 12:27

Mɛkɛ́l mɛ̄ ɗí tí ɛlɛ́ɛ́ nāá: «Má á ɓākā» mɛ́ lyākɛ̄l nāá, isá í Zɛ́mb ā kus ɓík, ɓyá á thɛnja, ɓī ɗîmb. I zyē yá á dā kā lís ɓīl ī ɗí ta thɛnja ɓîk.

Apokalîs 1:11

Ī ɓú lilɛ́ɛ́ ɗêk: «Til sá ú ɗí tí ɛɓɛɛ ékɛ́ tí mɛkanā, u kɛ́nd mɛ́kanā mɛ̄ték ɓɛ Ígós ɓɛ̄ óɓúkɛl i ɗí ɓɛ íkhanda ī: Efɛ̄ɛ̄z, nɛ Ɛmīīn, nɛ Pɛɛgâm, nɛ Tiatíi, nɛ Saaɗɛ́s, nɛ Filaɗɛlfí zī kā nwɔ̌ŋ Laoɗisê.»

Apokalîs 1:19

Til phɛ̄ isá ú ɓɛɛ ɓîk, ɓīl ɓī ɛ́chāak ɛ́, nɛ ɓīl ī dálā nɛ ɛkúl phúla ɓízaāŋ ē.

Apokalîs 19:9

Phúla ték ɛ́, éŋgeles ɛ ɓúzī lɛ́ɛ́ nɛ nǎm nāá: «Til ɗêk: Lɛ̄m nɛ ɓot o ɓɛ̄ ɓɛ́ ɛ́ ɓándlǎ ɓɛ̌ ɗína ɓwók ɛ́ɓá ɛ̄ Mwâthɛmbɛ ɓâk.» Éŋgeles ték ɛ ɓúzī ɓāka lɛ́ɛ́ mɛ́ nāá: «Mɛkɛ́l mák ɛ́, í mɛkɛ́l mɛ̄ Zɛ́mb nyɛ́ mot ték gbɛ̄s tí nup wɛ́ ê.»

Apokalîs 20:11

Phúla ték ɛ́, mi ɓúzī ɓɛɛ ánénén ɗiī də́ə́ ɛ́puupum nɛ mot ndíndiīl kwóó têk. Jwóó nɛ iɓwaās ɓī ɓúzī kámb sɔ̂kphɔ̌mb nyɛ̄, mot ta ká ɓākā ɓɛɛ ɓyɛ́ tel.

Apokalîs 22:19

Thɔ́k ɛ́, nɔ̄l wā ɗüis sínɔŋ tí ɛkɛ́l ɛ̄ mgbɛ́sel mitɔɔ̄p mí Zɛɛ̄mb ɗí tilā tí khuu mɛkanā ɔ́kɛ́, Zɛɛ̄mb á á ɗüis ɛ́ ɛkɔɔ lɛ̄ tí phǔm lē ɗí tí ɛjüě cyuk ê. A á kā ɓākǎ ɓɛ tel nɛ pyaāt twóó khanda áchāāchānj ɗí tí ɛlüiiaa twóó khuu mɛkanā ɔ́k ê.

Apokalîs 22:6

Phúla ték ɛ́, éŋgeles ɛ ɓúzī lɛ́ɛ́ mɛ́ nāá: «Mɛkɛ́l mák ɛ́, mɛ́ oceece, má a ɓɛ̄ ócāl. Ɗá Zɛɛ̄mb ɗí tí ɛjüe ógbɛ́sel o mítɔɔ̄p ɓɛ̄ Sisímb yɛ̄ ɔ́kɛ́, ɛ́ ɛ́ kɛnd éŋgeles wɛ̄ tí ɛsú lɛ̄ ɛ́kɛ lyákɛl ósɛ́l ɓɛ̄ sá dálā ɛ́zye ɛ́kúnɔɔ kúnɔɔ ê.»

Apokalîs 4:2

Títɛɛ̄l ŋgwát ɛ́, Áchāāchǎnj Sisímb ɛ ɓúzī nwɔŋ mɛ̂. Mi kɛ́ ɓɛɛ́ ɗiī də́ə́ míkūmāndē twóó jwóó nɛ mot ndíndiīl têk.

Apokalîs 4:9

Tɛ́m yɛ̂ɛs ísá īná ɓīnɛ́ɛ̌ŋ ɓyā jijêmb tí ɛgúmɛl nɛ ɛɗúɛl, nɛ ɛmyaŋla nɛ mot ɗí ndíndiīl tí ɗiī də́ə́, ɗí tí ɛcyǔk kɔ̌m tí nɛ kɔ̄m ɔ́kɛ́,

Apokalîs 5:1

Mi ɓúzī ɓɛɛ khûu mɛkanā ɗɛ ɓúm, ŋgwōlā tí mbɔ́ ɛ́dóm mót ā ɓɛ ndíndiīl tí ɗiī də́ə́ ɔ̂. Mbɔmb mɛ́kanā mɛ̄ték mā ɓɛ nɛ mitilā mipák mīmbá, ɓɛ̄ nɛ́t yɛ́ ipyaāt tɛ̄n nɛ īɓá nɛ luk.